2024 2023 2022 Flere år...
24-08-2019
2019-imi Inatsisartut ukiakkut ataatsimiinnissaannut (UKA2019) oqaluuserisassat ullumi nassiussuunneqarput
Inatsisartut ukiakkut ataatsimiinnerat tallimanngornermi ulloq 20. september, nal. 11.00 aallartissaaq, pilersaarutigineqarlunilu malillugit ulloq 21. november 2019-imi naammassissasoq.
Inatsisartunut ilaasortanit immikkoortut nutaat katillugit 49-t Naalakkersuisunillu immikkoortut nutaat 29-t UKA 19-imi oqaluuserisassanut ilanngunneqarput.
Sapaatit akunnerini ullut ataatsimiiffiusartussat ima agguataarneqarput:
- Ukiakkut ataatsimiinneq tallimanngorneq ulloq 20. september, nal. 11.00 aallartissaaq
- Sapaatip akunnerani ullut pingasut – marlunngorneq, pingasunngorneq sisamanngornerlu - Inatsisartuni nal. 11.00-imiit 17.00-imut ataatsimiiffiussapput
- Sapaatilli akunnerini 39-mi aamma 40-mi ataatsimiittarfimmi sapaatip akunneranut ullut ataatsimiiffiit tallimaassapput
- Sapaatip akunnerani 44-mi Nunat Avannarliit Siunnersuisoqatigiiffiata ataatsimiinnerani ataatsimiittarfimmi ataatsimiittoqassanngilaq, ataatsimiititaliamili sulineq ingerlanneqassalluni
- Aammalu sapaatip akunnerani 43-mi ulluni 22. aamma 23. oktober Nunat Avannarliit Killiit Siunnersuisoqatigiiffiat Inatsisartut ataatsimiittarfianni ataatsimiissaaq
- Pingasunngornerit tamaasa piffissami nal. 10.00-imiit nal. 11.00-imut naalakkersuisunut akunneq apeqquteqarfiusinnaasoq ingerlanneqartassaaq, tamannalu pereeraangat Inatsisartut ataatsimiinnerat nal. 17.00-ip tungaanut ingerlaqqittassalluni. Akunneq apeqquteqarfiusinnaasoq siulleq ulloq 25. september ingerlanneqassaaq. Naalakkersuisut apeqquteqarfigineqarsinnaasut tulleriinnerat Inatsisartut nittartagaanni takuneqarsinnaassaaq.
- Partiit siuttuisa apeqqarissaarnerat ulloq 6. november, nal. 10.00-12.00 ingerlanneqassaaq
- Ulloq ataatsimiiffissatut kingullertut 21. november 2019 naatsorsuutigineqarpoq.
UKA 2019-imut atatillugu atortussat tamarmik www.inatsisartut.gl–imi takuneqarsinnaapput.
Iluarsiissutit tamarmik nittartakkami ingerlaavartumik iluarsineqartassapput, taamaattorli suli periarfissaqarpoq atortussat tamaasa qarasaasiakkut tigusarusullugit nalunaarnissamut. Tamanna pillugu Laila Kristiansen lkri@inatsisartut.gl attaveqarfigineqarsinnaavoq.
Vivian Motzfeldt
Inatsisartut Siulittaasuat