Nutaarsiassat


2020 2019 2018 Flere år...

28-03-2020

Coronavirusimik akiuiniarneq pillugu Nunat Avannarliit Killiit Siunnersuisoqatigiiffiata Siulittaasoqarfianit oqaaseqaat:

Nunani avannarlerni killerni innuttaasut ulluinnarni inuuniarnerminni pinngortitap nukissuisa pissutsillu sakkortuut inuiaqatigiinnut tatisimanninnerat atugaraat.

 

Pissutsit taamaanneranni immitsinnut attaveqatigiinnerput pingaartuuvoq. Nunat avannarliit killiit maannakkut aamma coronavirusip nunarsuarmut tamarmut ulorianartorsiortitsineranit eqqugaapput.

 

Killeqarfiit inuiaqatigiillu akimorlugit suleqatigiinnitsigut ajornartorsiut taanna akisussaassusilimmik iliuuseqarfigissavarput.


Coronavirusimik akiuiniarneq nunani avannarlerni killerni inuiaqatigiit akornanni
ataatsimoorupparput, nunanilu pingasuni pineqartuni ineriartorneq qanimut
malinnaaffigalugu.


Nunani avannarlerni killerni Naalakkersuisut akiuiniarnermi matumani qanimut
suleqatigeeqqullugit, sammisarlu pillugu ilisimasanik, misilittakkanik nukissanillu
avitseqatigeeqqullugit kaammattorpagut. Taamak iliornerup inuiaqatigiit nalinginnaasumik ingerlaqqilernissaat anguniarlugu iliuuseqarnitsinni tamatta ikiorsissavaatigut.

 


Guðjón S. Brjánsson, Nunat Avannarliit Killiit Siunnersuisoqatigiiffianni Siulittaasoq
Henrik Old, Nunat Avannarliit Killiit Siunnersuisoqatigiiffianni Siulittaasup tullia
siulleq Vivian Motzfeldt, Nunat Avannarliit Killiit siunnersuisoqatigiiffianni Siulittaasup tulliata aappaa