Nutaarsiassat


2020 2019 2018 Flere år...

23-04-2020

Kalaallit Nunaanni USA-p suliniutaannut aningaasaliinissamut Nunanut Allanut Sillimaniarnermullu Ataatsimiititaliaq Naalakkersuisunit ilisimatinneqarpoq.

Suliniutinut Amerikamiut neqeroorutaannut 12,1 mill. $ danskisut aningaasanngorlugit 83 millioner koruunit missaanik annertussusilinnut akuersisimallutik Naalakkersuisut Nunanut Allanut Sillimaniarnermullu Ataatsimiititaliaq ilisimatippaat. Aammattaaq aningaasaliissutit sinaakkutissaannik isumaqatigiissutip iluaniittunik ataatsimiititaliaq illisimatinneqarpoq. Tamanna ataatsimiititaliamit tusaatissatut tiguneqarpoq.

 

Naalakkersuisut Amerikamilu Nunanut Allanut ministereqarfiata akornanni 2019-imi junimi isumaqatigiissut suleqatigiinnissamik kinguneqarsimammat Ataatsimiititaliap maluginiarpaa.

 

Pituffik, Joint Committee imaluunniit isumaqatigiissutit allat isumaqatigiissummi ilaatinneqanngitsut Nunanut Allanut Sillimaniarnermullu ataatsimiititaliap paasivaa.

 

Aammattaaq ataatsimiititaliap maluginiarpaa, pilersaarusianut aningaasaliissutaanerat pineqarmat, Amerikami nunanut allanut ministereqarfiata pilersaarutai pioreersut aqqutigalugit Amerikamiut ilisimasaliisa ikiuinissaannut atorneqartussat. Kalaallit Nunaanni Amerikamiut namminneq pingaarnersiuillutik atugassaminnik immikkoortitsinerattut tamanna ataatsimiititaliap paasivaa, taamaasilluni tassaanngitsoq Kalaallit Nunaanni pilersaarusianut USA-mit tunniussat.

 

Isumaqatigiissut Ataatsimiititaliamit tusaatissatut tiguneqarpoq.

 

Aleqa Hammond

 

 

Nunanut Allanut Sillimaniarnermullu Ataatsimiititaliata siulittaasua

Annerusumik paasissutissanik piniartoqarsinnaavoq ataatsimiititaliap siulittaasuanut saaffiginninnikkut mobil +299 49 23 09