2024 2023 2022 Flere år...
25-05-2020
MSC-mut nalilersuut Aalisarnermut, Piniarnermut Nunalerinermullu Naalakkersuisup ulorianartorsiortimmagu akuerineqarsinnaanngilaq
Aalisarnermut, Piniarnermut Nunalerinermullu Ataatsimiititaliaq ilaatigut nipisaat suaat pillugit ulloq 17. maj 2020-imi Aalisarnermut, Piniarnermut Nunalerinermullu Naalakkersuisumik siunersiuivoq.
Siunersiuineq tunngavigalugu ataatsimiititaliaq ima oqaaseqaateqarpoq:
Aalisarnermut, Piniarnermut Nunalerinermullu Naalakkersuisup naak ilisimagaluarlugu MSC-mut nalilersuut ulorianartorsiortissinnaallugu nipisaat suaannik immikkut pisasseeqqissimanera isornartorujussuusoq akuerineqarsinnaanngitsorlu ataatsimiititaliaq isumaqarpoq.
Aalajangerneq akisussaassuseqanngitsuliornerusoq akuerineqarsinnaanngitsorlu ataatsimiititaliaq isumaqarpoq.
Henrik Fleischer
Aalisarnermut, Piniarnermut Nunalerinermullu Ataatsimiititaliap siulittaasua
Paasisaqarnerorusukkaanni ataatsimiititaliap siulittaasua saaffigineqarsinnaavoq oqarasuaat +299 52 7282
Ataatsimiititaliami ilaasortaapput: Siulittaasoq Henrik Fleischer, siulittaasup tullia Aqqaluaq B. Egede, Erik Jensen, Jens Danielsen, Steen Lynge, Hans Enoksen aamma Múte B. Egede.