2024 2023 2022 Flere år...
05-06-2020
Kukkunersiuinermut Ataatsimiititaliaq nipisattassiissutit qaffanneqarneranni suliaq pillugu Naalakkersuisunut apeqquteqarpoq
Nipisattassiissutit qaffanneqarnerannik suliaq pillugu isummernissamut tunngavissiissummik suliaqarneq pillugu tusagassiorfinni piffissami kingullermi allaaserinninneq tunngavigalugu, Naalakkersuisunut apeqqutinik arlalinnik nassiussinissaq Kukkunersiuinermut Ataatsimiititaliamit isumaqatigiittumit aalajangiunneqarpoq. Misissuinerit inernerat Inatsisartunut saqqummiunneqassaaq.
Tamatuma kingorna Kukkunersiuinermut Ataatsimiititaliap pissutsinut isornartoqartissinnaasaanut Naalakkersuisunut ilaasortat akisussaasut kinguneqartitsivigineqassanersut Inatsisartut aalajangiiffigisassaraat.
Naalakkersuinermut tunngassuteqanngitsumik sulinissani aammalu ataatsimiititaliap inatsisartutigoortumik tunngavilersukkamik suliaqartutut ingerlanissani anguniarpaa, tassa inuttut naalakkersuinikkullu qanoq inissisimaneq apeqqutaatinnagit.
Erik Jensen
Kukkunersiuinermut Ataatsimiititaliami Siulittaasoq
Paasisaqarnerujumalluni ataatsimiititaliap siulittaasua oqarasuaammut ugguuna attavigineqarsinnaavoq; (+299) 53 04 08