2024 2023 2022 Flere år...
07-09-2020
Mittarfiliornerit killiffiat pillugu Aningaasaqarnermut Akileraartarnermullu Ataatsimiititaliap ammasumik siunersiuinissaa.
Aningaasaqarnermut Akileraartarnermullu Ataatsimiititaliap Ineqarnermut Attaveqarnermullu Naalakkersuisoq ammasumik siunersiuinissamut aggersarpaa. Ammasumik siunersiuineq mittarfiliornerit killiffiannut tunngavoq. Siunersiuineq pingasunngornermi ulloq 9. september 2020, nal. 10.00 ingerlanneqassaaq, tamatumani Inatsisartut Sanaartornermut Ataatsimiititaliaat aamma peqataassaaq.
Ammasumik siunersiuinerit nalinginnaasumik tusagassiortut saniatigut sioqqutsilluni nalunaarnikkut tamanit najuuffigineqarsinnaasaraluarput. Coronalli ajornartorsiortitsinera pissutigalugu sapinngisamik najuuttut killilersimaarniarlugit ulloq 9. september siunersiuinermi tusagassiortut kisimik najuunnissamut qaaqquneqassasut aalajangiunneqarsimavoq.
Paasisaqarnerujumalluni Aningaasaqarnermut Akileraartarnermullu Ataatsimiititaliap Siulittaasua Hermann Berthelsen oqarasuaatikkut ugguuna; +299 52 75 56 saaffigineqarsinnaavoq.
Siunersiuinerup qanorpiaq ingerlanneqarnissaa pillugu paasisaqarumalluni Inatsisartut Allattoqarfiat oqarasuaatikkut uunga saaffigineqarsinnaavoq: 34 61 25