2024 2023 2022 Flere år...
07-09-2020
Naalakkersuisut nipisattassiissutinik suliarinninneranni peqataasinnaaneq
Kukkunersiuinermut Ataatsimiititaliap nipisattassiissutit amerlineqarnerinik suliap suliarineqarnera pillugu nassuiaatini Inatsisartunut tunniussimalerpaa.
Ataatsimiititaliap suliat qaqitani pillugit aalajangiineq ajornera imaluunniit eqqartuussisutut inissinneq ajornera ataatsimiititaliamit erseqqissaatigineqassaaq.
Kukkunersiuinermut Ataatsimiititaliaq suliamik misissuinerminut atatillugu pissutsinik isornartorsiugassaqqissunik nassaassagaluarpat, qanoq pissutsit isornartuusinnaasut Kukkunersiuinermut Ataatsimiititaliamit uparuarneqartut Naalakkersuisunut ilaasortanut akisussaasunut naalakkersuinikkut kinguneqartinneqassanersut Inatsisartunit kingorna aalajangerneqartussaavoq.
Suliap pineqartup pissutsit piviusut naapertorlugit torersumik pitsaasumillu qulaajaavigineqarnissaa ataatsimiititaliap suliassaraa. Ataatsimiititaliaq suliamik misissuinermini pissutsinik isornartunik siumuippat, taakku uparuarneqassapput.
Naalakkersuinikkut akulerunnani taamaallaat suliamut tunngatillugu inatsisartoqarnikkut sullissinissaq Kukkunersiuinermut Ataatsimiititaliamit siunertaavoq, tassa inuttut naalakkersuinikkullu pissutsit apeqqutaatinnagit.
Naalakkersuisut nipisattassiissutit amerlineqarnissaannik suliaqarneranni suliamik suliarinninnermi peqataasinnaanermut malittarisassanik pisarialik naapertorlugu eqqumaffiginnittoqarsimannginnera ataatsimiititaliamit nassuiaatikkut isornartorsiorneqarpoq.
Ataatsimiititaliap isornartorsiuinera pingaarnertut 2015-imi avaleraasartoortassiissutit pillugit suliamik ingerlatsisimanermik misissuisimanermut, Naalakkersuisut suliamut attuumassuteqarpallaarsinnaanermut apeqqummik eqqumaffiginninnerminnik nukittorsaasariaqarnerannik takutitsisumut atatillugu isiginiarneqassaaq. Suli pitsanngorsaasoqarsinnaasoq suliami matumani paasinarsivoq.
Tamatuma saniatigut Naalakkersuisut ataatsimiititaliamut paasissutissanik tunniussiumannginnerat Kukkunersiuinermut Ataatsimiititaliamit ajornartorsiutitut isumaqarfigineqarpoq. Tamanna ilaatigut allagaatit ilaasa aalajangersimasut paasitinneqarsinnaatitaanermut ilaatinneqannginnerannik innersuussilluni pivoq. Ataatsimiititaliap paasinninnera malillugu tamanna paasitinneqarsinnaatitaanermut malittarisassanik kukkusumik paasinninnermik tunngaveqarpoq, tassami taakku Naalakkersuisut Kukkunersiuinermut Ataatsimiititaliamut paasissutissanik tunniussisussaatitaanerannik akornusiinngimmata. Taamak iliornissamut pinaaserneq ataatsimiititaliap pingaarnertut suliassaminik, Naalakkersuisunik nakkutilliinerusumik suliarinnissinnaaneranik killilersuineruvoq.
Nassuiaat tassungalu ilanngussat.
Erik Jensen
Kukkunersiuinermut Ataatsimiititaliami Siulittaasoq
Paasisaqarnerujumalluni ataatsimiititaliap siulittaasua oqarasuaammut ugguuna attavigineqarsinnaavoq;
(+299) 53 04 08