2024 2023 2022 Flere år...
07-09-2020
Eqqissisimatitsinermut Avatangiisinullu ataatsimiititaliap nunatta kujataanut angalanera
Inatsisartuni Eqqissisimatitsinermut Avatangiisinullu ataatsimiititaliaq piffissami 24-28. August 2020 Narsarsuamut Qaqortumut Narsamut Qassiarsummut Tasiusamullu angalavoq.
Angalanermi Kommuni Kujallermi borgmester, Kommuni Kujallermi Teknikeqarnermut Avatangiisinullu ataatsimiititaliami Siulittaasoq, savaatillit nunaatillillu, KUJATAA aamma Uran Naamik ataatsimiititaliamit ataatsimeeqatigineqarput. Kuannersuit aamma aatsitassarsiornermi avatangiisip sunnerneqarnera, nunarsuaq tamakkerlugu nunami kingornussassami KUJATAA itsarnitsat atajuartussat eqqissisimatinneqarnissaat kiisalu kommunimi eqqaassanik suliaqarneq Ataatsimiititaliap angalanerani pingaartinneqarput
Inussiarnerneq annertoqaaq ataatsimiititaliamillu maluginiarneqarpoq Kommuni Kujalliup ineriartorteqqinneqarnissaa annertuumik soqutigineqartoq. Kommunimi eqqagassalerinermi suliniutit nutaat aallartinneqarsimapput aammalu itsarnitsat atajuartussat eqqissisimatinneqarnissaasa takornariaqarnermilu atuinissaq pillugu ataqatigiisitsinissaq pingaartinneqarluni. Tamakku soqutigisaapput, avatangiiseq pingaartillugu kommunimi piujuartitsinissaq eqqarsaatigalugu ineriartortitsinermi peqataasinnaasut
Peqatigisaanilli ataatsimiititaliamit maluginiarneqarpoq suliat ingerlaannarnissaat pisariaqartoq. Uani eqqaavilerinermi anartarfilerinermilu erngumassuteqartoqarsinnaavoq. Taamaattumik eqqagassat eqqarsaatigalugit Naalakkersuisut eqqagassanik suliaqarnermi pilersaarutaat 2020-2031 tamatigut iluaqutaassaaq. Pitsaasumik anartarfilerinermik suliaqarneq Naalakkersuisunit ingerlatiinnarneqarnissaa pingaartinneqartariaqarpoq. Nunatta kujataani, taamatuttaarlu nunatta sinnerani pitsaasumik aaqqiisoqarnissaata atuutilernissaa ataatsimiititaliamit qilanaarineqaannarsinnaavoq.
Eqqissisimatitsinermut Avatangiisinullu ataatsimiititaliaq sinnerlugu
Aqqa Samuelsen
Eqqissisimatitsinermut Avatangiisinullu ataatsimiititaliami siulittaasup tullia
Paasissutissanik annertunerusumik pissarserusunnermi siulittaasoq mobil +299 52 37 03 atorlugu attavigineqarsinnaavoq