2024 2023 2022 Flere år...
21-10-2020
Qilalukkanik qernertanik qaqortanillu pisassiissutit Qaanaami nungunneqarpat? Qaanaami Ittoqqortuumilu piniartut suna inuussutigissavaat?
Qaanaami Ittoqqortuumilu piniartut inuussutissarsiutissaaleqipput imminnut isumaginissaminnut.
Qaanaap ingerlatsiviani qilalukkat qernertanik pisassiissutit nungunneqarsimanersut apeqqummut Qaanaami KNAPP-p aammalu Aalisarnermut, Piniarnermut Nunalerinermullu Naalakkersuisup akerleriittumik nalunaaruteqarnerat Aalisarnermut- Piniarnermut aammalu Nunalerinermut Ataatsimiititaliamit tupigusuutigineqarpoq.
Taamatuttaaq, Qaanaami piniartut amminik suli tunisisinnaanngitsut ataatsimiititaliap paasivaa. Isertitaqarsinnaannginneq tamanna uggornartorujussuartut ajuusaarnartutullu ataatsimiititaliamit isigineqarpoq.
Massakkut Qaanaami Ittoqqortuumilu piniartut ikiorneqarnissaq iliuuseqarfigineqarnissarlu pisariaqartippaat.
Ukiup sinnerani piniartut imminnut pilersorsinnaanissamut periarfissillugit Aalisarnermut, Piniarnermut Nunalerinermullu Naalakkersuisumut Qaanaami Ittoqqortuumilu qilalukkanik pisassiissutit qaffaqqullugit Ataatsimiititaliamit inassutigineqarpoq.
Henrik Fleischer
Aalisarnermut, Piniarnermut Nunalerinermullu Ataatsimiititaliap siulittaasua
Annerusumik paasissutissanik ataatsimiititaliap siulittaasua aallerfigineqarsinnaavoq mobil nr. +299 52 72 82 atorlugu