2024 2023 2022 Flere år...
17-09-2021
2021-mi Ukiakkut Ataatsimiinnermut oqaluuserisassanik naleqqussaaneq
Inatsisartut ukiakkut ataatsimiinnerat tallimanngornermi ulloq 24. september 2021 nal. 11.00 aallartissaaq, ulloq 23. november 2021-llu tungaanut ingerlanissaa maanna naatsorsuutigineqalerluni.
Sapaatit akunneri ullut ataatsimiiffiusartussat ima agguataarneqassapput:
Ukiakkut Ataatsimiinneq 2021 (UKA21)
- Ukiakkut ataatsimiinneq aallartissaaq tallimanngornermi ulloq 24. september, nal. 11.00
- Sapaatip akunneranut ullut ataatsimiiffiusut pingasuussapput – marlunngorneq, pingasunngorneq aamma sisamanngorneq – piffissami nal. 11.00 – 17.00
- Sapaatit akunnerannili 39-mi Inatsisartuni ullut ataatsimiiffiusut sisamaassapput
- Ataasinngornerni tallimanngornernilu ataatsimiititaliat ataatsimiittassapput
- Pingasunngornerit tamaasa piffissami nal. 10.00-imiit nal. 11.00-imut akunneq apeqquteqarfiusinnaasoq ingerlanneqartassaaq, tamatumalu kingorna ataatsimiittarfimmi ataatsimiinneq nanginneqartassalluni. Akunneq apeqquteqarfik siulleq ulloq 29. september ingerlanneqassaaq. Naalakkersuisut apeqquteqarfigineqarsinnaasut tulleriinnerat Inatsisartut nittartagaanni takuneqarsinnaassaaq pisariaqartitsinerlu malillugu nutarneqartarluni
- Ulloq 13. oktober nal. 9.30 partiit siuttuini akunnerminni oqallitsinneqassapput, tassunga nangissutitut akunneq apeqquteqarfiusinnaasoq ingerlanneqassaaq, tamatuma kingorna ataatsimiinneq nal. 17.00-ip tungaanut ingerlanneqarluni
- Ataatsimiititalianik pilersitsineq (imm. 4) aamma siunnersuisoqatigiinnut aalajangiisartutullu ataatsimiititalianut ilaasortassanik toqqaaneq (immikkoortoq 5) ulloq 27. September pissaaq, tamatuma kingorna ulloq taanna ataatsimiititaliani inissitsiterfiusumik ataatsimiittoqassalluni
- Ulloq ataatsimiiffiusussaq kingulleq naatsorsuutigineqartoq tassaagallarpoq 23. november 2021, taamaalillunilu ullut ataatsimiiffiusut 28-ussallutik.
UKA2021-mut atatillugu atortussat tamarmik www.inatsisartut.gl-imi takuneqarsinnaapput.
Ataatsimiinnissaq sapaatip akunneranik ataatsimik sioqqullugu iluarsiissuteqarnissamik siulittaasoqarfimmut qinnuteqarnissamut periarfissaqarpoq, taamaattumillu oqaluuserisassani allanngortitsisoqartarsinnaalluni. Iluarsiissutit tamarmik nittartakkami ingerlaavartumik iluarsineqartassapput, taamaattorli suli periarfissaqarpoq atortussat tamaasa qarasaasiakkut tigusarusullugit nalunaarnissamut. Tamanna pillugu saaffiginninneq uunga ingerlanneqassaaq: lkri@inatsisartut.gl.
Hans Enoksen