2024 2023 2022 Flere år...
15-06-2022
Ålandip Namminersornerulernermit ukiuni 100-nngortorsiorneranut Inatsisartut Siulittaasuat peqataavoq.
Ålandip Namminersornerulernerminit ukiuni 100-nngortorsiorneranut Inatsisartut Siulittaasuat ulloq 9. juni peqataavoq.
Ålandip qeqertai Finlandimut atapput inuillu 30.000-iullutik Ålandimilu pisortatigoortumik svenskisut oqaaseqarput.
Østersøenip avannaa-tungaani Den Botniske Bugt isaariaata nalaani Ålandip qeqertai inissisimapput, svenskit sineriaanit 40 km missaanni finskillu sineriaanit 100 km missaanni ungasitsigisumiillutik. Qeqertarpaani qeqertat ikkarluillu 6.500 sinnerpai. Illoqarfik pingaarneq tassaavoq Mariehamn.
Ålandimi ullorsiornerup nalliuttorsiutigineqarnerani ålandermiu inatsisartuni siulittaasoq (Talman) Bert Häggblom qaaqqusisuuvoq.
Pisortatigoortumik qaaqqusat Ålandimi takusassaqqissunut assigiinngitsunukaanneqarput, ilaatigut Bomarsundimi pallittaalisakorsuarnukaanneqarlutik, Lagtingip ataatsimiittarfiani ålandermiut Namminersornerunerat pillugu aammalu Ålandip sakkutuulersorfiunngitsutut arlaannaannullu attuumassuteqanngitsutut inissisimanera pillugu paasissutissiisoqarluni.
Talmanimut siullermut Julius Sundblomimut eqqaassutissap eqqaani silami kulturikkut aaqqissuussisoqarluni kiisalu pisortatigoortumik nereqatigiinnermik ulloq naggaserneqarpoq, tassani finskit præsidentiat Sauli Niinistö svenskillu Kunngiat Carl XVI Gustaf aamma Dronning Silvia peqataallutik.
Inussiarnersumik inuulluaqqusillunga
Kim Kielsen
Inatsisartut Siulittaasuat
Saamimmiit: Inatsisartut Siulittaasuat Kim Kielsen, Savalimmiuni Lagtingsformand Jógvan á Lakjuni, Islandimi Althingis 1. vicepræsident Oddný G. Harðardóttir, Norskit Stortings 1. vicepræsident Svein Harberg aamma Folketingimi siulittaasup tullia siulleq Karen Ellemann Ålandip Lagtingssaliani. (Asseq Inatsisartut Allattoqarfiat)
Talmannimut Bert Häggblomimut Inatsisartut Siulittaasuannit tunissuteqarneq
(Asseq Inatsisartut Allattoqarfiat)
Talmann Bert Häggblom aamma Inatsisartut Siulittaasuat Kim Kielsen
(Asseq Inatsisartut Allattoqarfiat)
Talmann Bert Häggblom aamma Inatsisartut Siulittaasuat Kim Kielsen
(Asseq Inatsisartut Allattoqarfiat)