2024 2023 2022 Flere år...
14-04-2023
Inatsisartut upernaakkut ataatsimiinnerat allartippoq – aallakaatinneqarnerali nipaqanngilaq.
Upernaakkut ataatsimiinnertik Inatsisartut ullumi aallartippaat, ajoraluartumilli oqallinneq innuttaasunit KNR-ikkut tusaaneqarsinnaanngilaq. Nipeqanngilarmi – imaluunniit ima nipikitsigaluni tusaaneqarsinnaarpiarani.
Ajornartorsiut taannarpiaq siorna upernaakkut ataatsimiinnermi aamma nalaapparput, taamanilu Siulittaasoqarfiup nalunaarutigisariaqarsimavaa allakaatitsinermut aammalu aallakaatitsinermi atortorissaarutinut akisussaaffik Inatsisartuniinngitsoq. Sulilu taamaappoq.
Innuttaasut internetikkut attavilli oqallinneq Inatsisartut namminneq nittartagaatigut malinnaavigisinnaasimavaat, tassanilu nipi ajornartorsiutaanngilaq.
Tamanna nuannaarutissaavoq neriuutigiinnassavarpullu KNR-ip Inatsisartut ataatsimiinneranni ullormi siullermi atortorissaarutitigut ajornartorsiuteqarnerat piaartumik aaqqinneqarsinnaassasoq.
Inatsisartuni oqallinnerit innuttaasunik soqutigineqarlutik malinnaavigineqarnerat Inatsisartut Siulittaasuattut nuannaarutigaara neriuutigaaralu maanna ataatsimiinneq aallarnerneqartoq pitsaasumik inerititaqarluartumillu oqalliffiujumaartoq.
Kim Kielsen
Inatsisartut Siulittaasuat