Ullut ataatsimiiffiusut
aappaat, pingasunngorneq 12. februar 2003, nal. 16:50
Ataatsimiinnermik
aqutsisoq: Jonathan Motzfeldt, Inatsisartut Siulittaasuat, Siumut.
Jonathan Motzfeldt, Inatsisartut
Siulittaasuat, Siumut.
Taava maannakkut
tikipparput immikkoortoq 11, Kalaallit Nunaanni innuttaasut isertitat amerliartortillugit
procentinik amerlanerusunik akileraartinneqartalinnginnissaat Tunngaviusumik
Inatsisikkut qulakkeerniarlugu suliniuteqaqqullugit Naalakkersuisut
peqquneqarnissaannik Inuusuttut Inatsisartuinut aalajangiiffigisassatut
siunnersuut.
Taakku aamma siunnersuuteqarput
Juliane Henningsen aamma Ib Uldum. Julianne Henningsen qinnuigissavara
saqqummiusseqqulugu.
Juliane Henningsen,
Ilinniarnertunngorniarfik, Aasiaat.
Siunnersuummut
tunngavlersuut:
Isertitat
amerliartortillugit procentinik amerlanerusunik akileraartitsisarnerup
innuttaasut equngasumik eqqortarpai, innutaasullu amerlanerusunik
isertitaqartarnermikkut inuiaqatigiinnut amerlanerpaanik akiliuteqartareersut
isertitamik ilaannik suli amerlanerujussuarnik akileraartinneqartarlutik.
Sulineq imminut
akilersinnaasariaqarpoq, akissarsiaqartorlu koruu‑ni akissarsiani
kingulleq aqqutigalugu suli annertunerusumik akileraartinneqartalerpat suliamik
ingerlatserusunneq annikinnerulissaaq. Akileraaruteqarpallaarnerlu
pissutigalugu taanna suliumanngippat Nunatta Karsiata isertitagai
ikinnerulissapput, akileraaruteqarpallaarneq pissutigalugu taassuma suliun
naarnermigut nalinginnaasumik akileraartarunnaarnera pissutigalugu.
Aammattaaq isertitat
amerliartortillugit procentinik amerlanernik akileraartitsisalernikkut
akileraaruserifinni amerlanerusunik sulisoqarnissaq pisariaqartilissavaa,
tamannalu inui‑aqatigiinnut akisunerulissaaq, taamaattumillu aningaasat
suliassanut allanut atugassat ikinnerulissallutik.
Aammattaaq isertitat
amerliartortillugit procentinik amerlanerusunik akileraartitsisalernerup
tikisitatut sulisut annertuumik eqqussavai, tamatumalu Kalaallit Nunaannut
nuulluni sulilernissaq pilerinannginnerulersissallugu, taamaalu ilaatigut
suliassaqarfinni, soorlu atuartitsinermi, kigutilerinermi, nakorsaqarnermi
peqqissaasoqarnermilu sulisussanik pissarsiniarneq ajornarnerulissalluni.
Taamaalilluni isertitat amiliartortillugit procentinik amerlanerusunik
akileraartitsisarnikkut Kalaallit Nunaanni ilinniartitsinerup peqqissutsillu
inissisimanerata qaffasissusii pigiinnassallugit suli ajornarnerulersissavaa,
taakkumi nunani uatsinnut assersuutigigajuttakkatsinni qaffassissutsimut
nallersuussinnaanngereermata.
Kalaallit Nunaanni
atugarissaarneq isertitat eqqarsaatigalugit assigiimmik
akilersorneqartariaqarpoq, taamaattumik iser‑titat amerliartortillugit
procentinik amerlanerusuniuk akileraartitsisarneq eqqutinngisaannartigu.
Jonathan Motzfeldt, Inatsisartut
Siulittaasuat, Siumut.
Naalakkersuisut sinnerlugit
akissuteqassaaq Marie Fleischer.
Marie Fleischer, Naalakkersuisnut ilaasortaq,
Demokraatit, Nuuk.
Siunnersuummi pissuseq atuutinngitsoq
pineqarpoq, tassalu isertitat amerliartortillugit proce nti‑nik
amerlanerusunik Kalaallit Nunaanni akileraartitsisarneq. Akileraartarnerup
1975-imi eqqunneqarnerata kingorna isertitat amerliartortillugit procentinik
amerlanerusunik akileraartitsisarneq Kalaallit Nunaanni atorneqarsimanngilaq.
Akileraartitseriaaseq taanna Nunani Avannarlerni tamani ullumikkut
atorneqarpoq.
Isertitat amerliartortillugit
procentinik amerlanerusunik akileraartitsisarneq Kalaallit Nunaanni manna
tikillugu atorneqarnaveersaarsimavoq, kikkut tamarmik procentinik assigiinnik
akileraartinneqartariaqarnerannik isuma pissutigerpiarlugu.
Siunnersuuteqartut sulinerup imminut
akilersinnaanissaanik oqarnerat Naalakkersuisut isumaqatigaat,
innersussuteqaatigaluguli akileraarutit 100%-ip ataaniittuartillugit sulineq
tunngaviusumik imminut akilersinnaajuaannassasoq. Siunnersuuteqartunit
erseqqissarneqarpoq isertitat amerliartortillugit procentinik amerlanerusunik
akileraartitsisarnerup tikisitatut sulisut annertuumik eqqussagai, kisianni
misissueqqissaarnernik taamatut oqarnermik ikorfartuisinnaasunik peqanngilaq.
Isertitat amerliartortillugit
procentinik amerlanerusunik akileraartitsisarnissaq Tunngasumik Inatsimmi
inerteqqutigineqaleraluarpalluunniit maluginiassallugu pingaartuuvoq
Tunngaviusumik Inatsisikkut taamatut qulakkeerineq arlalitsigut
saneqqutaarneqarsinnaasussaammat, tamannalu erseqqinnerpaamik pisinnaalluni
tunngaviusumik ilanngaatinik qaffaanikkut, taamatuttaarlu akissarsiallit
suliffeqarnermut tunngasunut akileeqataassuteqartarnerannik danskit periaasiat
malillugu eqqussiniartoqarsinnaanera takorloorneqarsinnaalluni.
Taamaattumik Naalakkersuisut
isumaqarput isertitat amerliartortillugit procentinik amerlanerusunik
akileraartitsisalinnginnissap Tunngaviusumik Inatsisikkut qulakkeerinninneq
aappassaane‑erneqannginnermini Aningaasaqarnermut Ataatsimiititaliami
sukumiisumik oqaluuserineqartariaqartoq. Tamatumunnga atatillugu siunissami
naalakkersuisuusartussat aningaasaqarnermik aqutsineranni aningaasanullu
inatsimmi tulleriiaarineranni killilersuutit siun‑nersuutip taamaattup
nas satarisassai Ataatsimiititaliap eqqumaffigisariaqarpai. Kiisalu siunnersuut
pitsaanerusoq, siunnersuut akuerineqassagaluarpat akileraartarneq pillugu
allatut inatsisiliornermi Tunngaviusumik Inatsimmik saneqqutaarinissamut
periarfissanik killiliisoq qanoq oqaasertalersorneqarsinnaanersoq
ataatsimiititaliap isumaliutersuutigisariaqarpaa.
Jonathan Motzfeldt, Inatsisartut Siulittaasuat,
Siumut.
Aningaasaqarnermut
Ataatsimiititaliamut ingerlanneqarnissaa innersuussutigineqarpoq, tassa
Inatsisit Tunngaviusut aqqutigalugit taamatut akileraartarnermut taaneqartumut
sernisserneqarnissaq innersuussutigineqarmat.
Taamaalillugu uterfigineqaqqittussanngorlugu
ataatsimiititaliaimi suliarineqarnissaa innersuussutigineqarnera
akuerineqarpoq.