Ullut ataatsimiiffiusut
pingajuat, sisamanngorneq 13. februar 2003, nal. 18:12
Ataatsimiinnermik aqutsisoq: Per Rosing-Petersen,
Inatsisartut Siulittaasoqarfianni ilaasortaq, Siumut.
Per Rosing-Petersen, Inatsisartut
Siulittaasoqarfianni ilaasortaq, Siumut.
Tullia immikkoortoq 14,
Ilinniagaqarnersiutit atorunnaarsinneqarnissaannik, taakkulu amerlaqataannik
taarsigassarsisinnaanermik taarserneqarnissaannik, aammalu ilinniartut
ilinniarnerminnik naammassinnittut taarsigassarsiaminnik taakkuninnga
ingerlaannartumik isumakkeerinniffigineqartarnissaanik sulissutiginninnissamut
Naalakkersuisut peqquneqarnissaanik Inuusuttut Inatsisartuisa
aalajangiiffigisassaattut siunnersuut.
Isumaliutissiissummik
saqqummiussisuussaaq Aka Debes, takanna.
Aka Debes, Aningaasaqanermut
Ataatsimiititaliaq.
Qujanaq, Ilinniagaqarnersiutit
atorunnaarsinneqarnissaannik, taakkulu amerlaqataannik taarsi‑gassarsisinnaanermik
taarserneqarnissaannik, aammalu ilinniartut ilinniarnerminnik naammassinnittut
taarsigassarsiaminnik taakkuninnga ingerlaannartumik
isumak-keerinniffigineqartarnissaannik sulissutiginninnissamut Naalakkersuisut
peqquneqarnissaannik Inuusuttut Inatsisartuisa aalajangiiffigisassaattut
siunnersuut pillugu Inuusuttut Inatsisartuisa Aningaasaqarnermut Ataatsimiitititaliaata
isumaliutissiissutaa aalajangiiffigisassatut siunnersuutip
aappassaaneerneqarnerani saqqummiunneqartoq
Inuusuttut Inatsisartuisa
ataatsimiititaliaat suliarinninnermini ukuninnga inuttaqarpoq:
Aka Debes, Carl-Emil Fencker, Sofie
Olsen, Hans Lars Mathiasssen aamma Finn Lennert.
Inuussuttut Inatsisartuisa
Ataatsimiititaliaanni 2003-mi siullermeerinerup kingorna Inuusuttut
Inatsisartuisa ataatsimiititaliaata siunnersuut siuliani taaneqartoq
misissorpaa.
Ilinniagaqarnersiuteqartitsinerup tamakkiisup
tassunga assingusumik taarsigassarsisinnaanermik taarserlugu
allanngortinneqarnissaa, taarsigassarsiallu ilinniartut ilinniarnerminnik
naammassinninniariartut tapiissutinngorlugit allanngortinneqartarnissaat,
naapertuutinngitsutut ataatsimiititaliamit isumaqarfigineqarpoq. Tamatuma
kingunerissavaa ilinniarnerminnik naammassinnissimasut akiitsoqanngitsut
ilinniartut amerlasuut, arlaannik pissuteqarlutik ilinniarnerminnik
taamaatitsisimasut, annertoorujussuarnik akiitsoqalernerat.
Ilinniakkamik naammassinninnissamut
kujumissaataanani ilinniagaqalernissamik kissaateqartut arlallit ilinniarnermik aallartitsinissamut
nangaalernissaannik siunnersuutip kinguneqarsinnaanerata aarleqqutiginissaanut
ataatsimiititaliaq tunngavissaqarsorivoq. IIA 2003/12-imut allannguutissatut
siunnersuut pillugu ataatsimiititaliap isumaliutissiissutaa
ataatsimiititaliamit aamma innersuussutigineqarpoq.
Tamanna tunngavigalugu siunnersuutip
itigartitsissutigineqarnissaa ataatsimiititaliap isumaqatigiittup inassutigaa.
Taama oqaaseqarluni Inuusuttut
Inatsisartuisa Aningaasaqarnermut Ataatsimiititaliaata siunner‑suut
aappassaaniigassanngortippaa.
Per Rosing-Petersen, Inatsisartut
Siulittaasoqarfianni ilaasortaq, Siumut.
Allamik
oqaaseqarumasoqarnerluni. Taamaattoqanngilaq. Taamaasilluta
taasissutigissavarput.
Tassalu isumaliutissiissut
toqqammavigalugu itigartitsissutigineqarnissaa taasissutigissavarput.
Tassunga isumaqataasut
qinnuigissavakka nikueqqullugit.
25.
Kikkut akerliuppat?
Soqanngilaq.
Kikkut taaseqataanngillat?
3.
Taamaasilluni siunnersuut
itigartitsissutigineqarpoq.