Ullut ataatsimiiffiusut pingajuat,
sisamanngorneq 13. februar 2003, nal. 18:02
Ataatsimiinnermik aqutsisoq: Per Rosing-Petersen,
Inatsisartut Siulittaasoqarfianni ilaasortaq, Siumut.
Per Rosing-Petersen, Inatsisartut
Siulittaasoqarfianni ilaasortaq, Siumut.
Taava immikkoortoq tullianut, tassa
immikkoortoq 2, tassani Tuluttoornerup danskisoornerullu meeqqat atuarfianni
siusinnerusukkut eqqunneqarnis‑saa anguniarlugu Naalakkersuisut suliniuteqaqqullugit
peqquneqarnissaannik siunnersuut.
Tassa isumaliutissiissumik
saqqummiussisuussooq Tobiasine Abelsen, takanna.
Tobiasine Abelsen, Kultureqarnermut,
Ilageeqarnermut, Ilinniartitaanermut Ilisimatusarnermullu Ataatsimititaliaq.
Qujanaq. Tuluttoornerup
danskisoornerullu meeqqat atuarfianni siusinnerusukkut eqqunneqar‑nissaa
anguniarlugu Naalakkersuisut suliniuteqaqqullugit peqquneqarnissaannik Inuu‑suttut
Inatsisartuisa aalajangiiffigisassaattut siunnersuut pillugu Inuusuttut
Inatsisartuisa Kultureqarnermut Ilinniartitaanermullu Ataatsimiititaliaata
isumalitissiissutaa, siunnersuutip aappassaaneerneqarnerani saqqummiunneqartoq.
Inuusuttut Inatsisartuisa
ataatsimiititaliaat suliarinninnermini ukuninnga inuttaqarpoq:
Jakob Lund, Stephan Montgomery
Andersen, Tupaarnaq Binzer, Ib Uldum, Helene Egede, Tobiasine Abelsen.
Inuusuttut Inatsisartuisa
Ataatsimiititaliaat 2003-mi siullermeerinerup kingorna Inuusuttut
Inatsisartuisa ataatsimiititaliaata siunnersuut siuliani taaneqartoq
misissorpaa.
Siunnersuummut siuliani taaneqartumi
siunertaq tunngavilersuullu Kultureqarnermut Ilinniartitaanermullu
Ataatsimiititaliap isumaqatigiittup assut tapersersornartippai.
Ataatsimiititaliamilli
maluginiarneqarpoq meeqqat atuarfiat pillugu peqqussutikkut 21. maj 2002-meersukkut
piumasaqaatit taakku naammassineqareersut. Peqqussutip taassuma kingunerisaanik
maanna atuartut mikinerit, tassa 1.-3. klassini atuartut, danskisut
atuartinneqartarput. Meeqqat atuarfianni atuartut anginerumaat, tassa 4.-7.
klassini atuartut, tuluit oqaasiinik atuartinneqartarput.
Tamatuma
maleruagassiuuteqqinneqarnissaa ataatsimiititaliamit pisariaqarsorineqanngilaq.
Tamanna tunngavigalugu siunnersuutip itigartitsissutigineqarnissaa
ataatsimiititaliap isumaqatigiissup inassutigaa.
Taama oqaaseqarluni Inuusuttut
Inatsisartuisa Kultureqarnermut Ilinniartitaanermullu Ataatsimiititaliaata
siunnersuut aappassaaniigassanngortippaa.
Per Rosing-Petersen, Inatsisartut
Siulittaasoqarfianni ilaasortaq, Siumut.
Tobiasine Abelsenimut qujanaq. Allanik
oqaaseqartoqarumannginnerluni. Taava taasissutigissavarput, taasinissamillu
isumaliutissiissummi ataatsimititalia isumaqatigiissup
itigartitsissutigineqarnissaa taasissutigineqassaaq.
Tassunga isumaqataasut
qinnuigissavakka nikueqqullugit:
22.
Akerliusut qinnuigissavakka
nikueqqullugit:
1.
Taaseqataanngitsut qinnuigissavakka
nikueqqullugit:
4.
Taamaasilluni siunnersuut
itigartitsissutigineqarpoq.