Ullut ataatsimiiffiusut
pingajuat, sisamanngorneq 13. februar 2003, anl. 18:31
Ataatsimiinnermik
aqutsisoq: Inatsisartut Siulittaasoqarfianni ilaasortaq Per Rosing-Petersen,
Siumut.
Per Rosing-Petersen, Inatsisartut
Siulittaasoqarfianni ilaasortaq, Siumut.
Taava immikkoortoq
30-mut. Taanna tikitsinnagu oqatigilaaginnassavara amerlajunaarmata
naammassinissaata tungaanut ingerlapallakkutta naammasseriarussi neriumaarpusi,
neriumaarpugut.
Atuarfitsialaap
siunertaata anguneqarnissaa siunertaralugu meeqqat atuarfiissa
iluarsaanneqarnissaat anguniarlugu suliniuteqaqqullugit Naalakkersuisut
peqquneqarnissaannik aalajangiiffigisassatut siunnersuut.
Tassani
isumaliutissiissusiortoqarsimavoq, isumaliutissiissusiortuusimappullu
Ineqarnermut, Nalunaarasuartaatitigut Attaveqarnermut, Attaveqarnermut
Pilersuinermullu aamma Angallannermut Ataatsimiititaliaq, saqqummiissoorlu
Ingrid Napaattooq, takanna.
Ingrid Napaattooq, Ineqarnermut,
Nalunaarasuartaatitigut Attaveqarnermut, Attaveqarnermut Pilersuinermullu aamma
Angallannermut Ataatsimiititaliaq.
Atuarfitsialaap
siunertaata anguneqarnissaa siunertaralugu meeqqat atuarfiissa
iluarsaanneqarnissaat anguniarlugu Naalakkersuisut suliniuteqaqqullugit
peqquneqarnissaannik Inuusuttut Inatsisartuini aalajangiiffigisassatut
siunnersuutaat pillugu
Inuusuttut
Inatsisartuisa Attaveqatigiinnermut Ineqarnermullu Ataatsimiititaliaata
isumalitissiissutaa, siunnersuutip appassaaneerneqarnerani saqqummiunneqartoq.
Inuusuttut
Inatsisartuisa Ataatsimiititaliaat suliarinninnermini ukuninnga inuttaqarpoq:
Lars Kristian Jensen,
Henriette Malakiassen, Philipus Maqe, Elisabeth Lyberth, Qârqutsiánguaq
Sadorana, Ingrid Napatoq.
Inuusuttut
Inatsisartuisa ataatsimiititaliaata siunnersuut IIA2003-mi
siullermeerneqareermat
misissuataarpaa.
Siunnersuuteqartup
siunnersuuteqarnermigut eqqartussallugu pingaaruteqarluinnartoq qaqileraa
ataatsimiititaliap isumaqatigiissutigaa. Atuarfitsialammik siunertap
anguneqarnissaa eqqarsaatigalugu, aammali atuarfiit ilaasa amerlasuut
sananeqaatimikkut pitsaasusaannik tamakkiisumik naliliinerup kingunerisaanik,
meeqqat atuarfiannik iluarsartuussinissaq pingaaruteqarpoq.
Taamaattumik
ataatsimiititaliap Naalakkersuisut iluarsaassinissanik annertuunik
aallartitsinissaannik peqquneqarnissaannik siunnersuut isumaqatigaa.
Tamatumunnga
ilanngullugu ataatsimiititaliap piffiit atuarfeqanngitsut immikkut
eqqumaffigineqarnissaat kissaatigaa. Matumani assersuutigalugu nunaqarfiit
atuarfeqannginneri pissutigalugit
oqaluffinni atuartitsinermik ingerlatsiviusariaqartartut pineqarput,
tamakkunanimi palasip tikinneratigut atuartitsinerit
unitsinneqartariaqartarneri pisarmata. Taakku saniatigut naluneqann‑gitsumik
piffinni amerlavallaani ininik aserfallassimaqisunik
atorsinnaajunnaareernikunilluunniit
peqartoqarpoq.
Tamanna tunngavingalugu ataatsimiititaliap isumaqatigiittup siunnersuutip akuersissutigineqarnissaa inassutigaa.
Taamaalilluni Inuusuttut
Inatsisartuisa Attaveqarnermut Ineqarnermullu Ataatsimiititaliaata siunnersuut
aappassaaniigassanngortippaa.
Per Rosing-Petersen, Inatsisartut
Siulittaasoqarfianni ilaasortaq, Siumut.
Ingrid Napaattumut
qujanaq. Allamik oqaaseqartoqarumasoqarnerluni, taamaattoqanngilaq.
Taava
taassisitsissuugut, tassanilu isumaliutissiissummi isumaqaitiilluni
akuersissutigineqarnissaa taasissutigineqassooq.
Qassit tassunga isumaqataappat?
28-t.
Qassit akerliuppat?
Taamaattoqanngilaq.
Qassit taaseqataanngillat?
Taaseqataanngitsoqanngilaq.
Taamaasilluni immikkoortoq 30
akuersissutigineqarpoq.