Ullut ataatsimiiffiusut
pingajuat, sisamanngorneq 13. februar 2003, nal. 18:18
Ataatsimiinnermik
aqutsisoq: Per Rosing-Petersen, Inatsisartut Siulittaasoqarfianni ilaasortaq,
Siumut.
Per Rosing-Petersen, Inatsisartut
Siulittaasoqarfianni ilaasortaq, Siumut.
Immikkoortup tullianut
tikippugut, immikkortut tallimaat, Tele namminersortunngorsar-
niarlugu Telemillu
ingerlatseqateqatigiiffit allat aqqutigalugit unammilleqatigiinnerup eqqunneqarnissaa
anguniarlugu Naalakkersuisut suliniuteqaqqullugit peqquneqarnissannik
Inuusuttut Inatsisartuinut siunnersuut.
Isumaliutissiissummik
saqqummiussissooq Sussi Adel Holm, takanna.
Sussi Adel Holm, Niuernermut,
Inuussutissarsiornermut, Eqqissisimatitsinermut Avatangiisinullu
Ataatsimiititaliaq.
Qujanaq. Inuusuttut
Inatsisartuisa Niuernermut, Inuussutissarsiornermut, Eqqissisimatitsinermut,
Avatangiisinullu, Ataatsimiitiaata siunnersuut IIA 2003-mi siullermeerlugu
oqaluuserineqarnerata kingorna misissuataarpaa, imatullu oqaaseqarfigissallugu:
Aallarniutigalugu
ataatsimiititaliaq isumaqarpoq Telep namminersortunngorsarnissaanik
siunnersuuteqartoq siunnersuuteqarnermigut oqallississamik pissanganartumik
tunngaviusumillu ajornartorsiuteqarfimmik oqallisissiarinnittoq.
Ataatsimiititaliap paasivaa Naalakkersuisut pilersuivittut
ingerlatseqatigiiffiutimik namminersortunngorsarneqarnissaasa tamanillu
tiguneqarsinnaanngortinneqarnissaasa iluaqutissartaasa ajoqutissartaasalu
misissuiffigineqarnissaat ingerlatseqatigiiffinnut qinnutigisimagaa.
Silaannakkut
angallannerup tamanit tiguneqarsinnaanngortinneqarnera
malitassaqqinngilluinnartutut assersuutissaavoq, ersersinneqarmat naammattumik
qulaajaanertaqanngitsumik tigusinissamik aalajangertoqarpat qanoq pisoqarsinnaasoq.
Taamaammat
ataatsimiititaliamut pingaartuuvoq oqaatigissallugu, Tele
tuniniarneqassagaluarpat, teknikimut tunngasumik, allaffissornikkut
naalakkersuinikkullu ajornartorsiutaasinnaasut tamaasa eqqarsaatigalugit
sukumiisumik nalilersuisoqassasoq.
Tassunga tunngatillugu
ataatsimiititaliap pissusissamisoortutut isigaa Telep
namminersortun-ngorsarneqarsinnaanera ingerlatseqatigiiffiuttaaq
sullississutigisartagaanut akigititat malunnaatilimmik appartinneqarneranik
kinguneqassanersoq qulaajassallugu. Ataatsimiititaliattaaq pingaartutut isigaa
namminersortunngorsaanermut tamanullu ammaassisinnaanermut tunngassutillit
tunngaviusumik oqallisigineqarnissaat kiisalu taakku Kalaallit Nunaata
siunissami ineriartornerani qanoq inissisimanissaat.
Pisortanit/namminersortunit
kisermaassivigalugit sulliviit pillugit ajornartorsiuteqarfiit tamarmiusut
pillugit ataatsimiititaliaq isummamik imaattumik saqqummiisariaqalersippaa:
Kalaallit Nunaata Inatsisaasa Tunngaviusut suliarineqarnerannut atatillugu
ataatsimiititaliap pingaartutut isigaa pisortat kisermaassivittut
ingerlatseqatigiiffiutaannut tunngatillugu innuttat illersorneqarnissaannut
piginnaatitaaffinnik taanna aamma imaqartariaqartoq.
Ataatsimiititalialli
aktiaatileqatigiiffittut pisortat ingerlatseqatigiiffiutaata kisermaassisuusup
namminersortunit pigineqartumit taarserneqarnissaa iluaqutissartaqartutut
isigisinnaanngilaa. Kalaallit Nunaanni innuttat tamarmik
mobiltelefoneqarnissamut, interneteqarnissamut aalaakkaasumillu
attaveqatigiinnermut sullississutinik assigiimmik atuisinnaanissaat
ataatsimiititaliap pingaartutut isigaa. Ataatsimiititaliaq isumaqarpoq
namminersortunngorsaasoqarpat nunaqarfimmiut isorliunerusormiullu
sullinneqarnikkut ajorseriaatsinik eqqugaanissaat aarleqqutigineqarsinnaasoq.
Taamaammat Telep namminersortunngorsarneqarnissaa ataatsimiititaliap
tapersersinnaanngilaa. Ataatsimiititaliamilli Telemut tunngassuteqartut tamanut
ammaanneqarnissaat am-maffigineqarsinnaasutut isigaa.
Tamanna tunngavigalugu
Ataatsimiititaliap isumaqatigiissup siunnersuut itigartitsissutigineqassa‑soq
inassutigaa. Qujanaq.
Per Rosing-Petersen, Inatsisartut
Siulittaasoqarfianni ilaasortaq, Siumut.
Sussi Adel Holmimut
qujavugut. Allamik oqaaseqartoqarumasoqarnerluni. Taamaattoqanngilaq,
taamaasilluta taasissutigissavarput.
Taasinissatsinnullu
toqqammaviuvoq ataatsimiititaliap siunnersuut itigartitsissutigeqqummagu.
Kikkut
itigartinneqarnissaanut isumaqataappat?
21.
Kikkut akerliuppat?
3.
Kikkut
taaseqataanngillat?
4.
Taamaasilluni
siunnersuut itigartitsissutigineqarpoq.