Ulloq ataatsimiiffiusoq siulleq, marlunngorneq 11. februar 2003, nal. 09:50

Oqaluuserisassani immikkoortoq 12

Annertunerusumik ilinniartitsinernut ilinniagaqarnersiutit aningaasanik amerlanerusunik, ilinniakkamik naammassinninnerup kingorna Kalaallit Nunaanni sulinikkut isumakkeerneqarsinnaasunik taarsigassarsisinnaalernikkut ikilineqarnissaat sulissutigeqqullugu Naalakkersuisut peqquneqarnissaannik aalajangiiffigisassatut Inuusuttut Inatsisartuinut siunnersuut.

(Inuusuttut Inatsisartuinut ilaasortat Hans Lars Mathiessen aaamma Qaavigaq Kristensen, Niuernermik Ilinniarfik, Qaqortoq)

Ataatsimiinnermik aqutsisoq: Jonathan Motzfeldt, Inatsisartut Siulittaasuat, Siumut.

Hans Lars Mathiassen, Niuernermik Ilinniarfik, Qaqortoq.

Immikkortoq 12. Annertunerusumik ilinniartitaanernut ilinniagaqarnersiutit aningaasanik amerlanerusunik, tassa imatut paasilugu atornissamut periarfissinneqarnissaq, ilinniakkamik naammassinninnerup kingorna Kalallit Nunaanni sulinikkut isumakkeerneqarsinnaasunik taarsigassarsisinnaalernikkut ikilineqarnissaat sulissutigeqqullugu Naalakkersuisut peqquneqarnissaannik aalajangiiffigisassatut Inuusuttut Inatsisartuinut siunnersuutigaarput.

Jonathan Motzfeldt, Inatsisartut Siulittaasuat, Siumut.

Hans Lars Mathiassen allallu siunnersuutaat taanna Aningaasarsiornermut Ataatsimiititaliamut ingerlateqqinneqarpoq. Tulliuppoq Qaavigaq Kristensen, taavalu tulliutissaq Helene Egede.