Oqaluuserisassani immikkoortoq 46 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Pingasunngorneq 28.
oktober 1998 nal 11.40
Ataatsimiinnermik aqutsisut: Hans Enoksen, Siumut aamma Lars Sĝrensen,
IA.
Mikael Petersen, Isumaginninnermut, Suliffeqarnermut Pisortallu
Suliassaqarfiutaanut Naalakkersuisoq, Siumut:
Isumaginninnermik
ingerlatsineq pillugu nassuiaammik Naalakkersuisut siullermeerlutik matumuuna
saqqummiussissapput.
Nassuiaat taanna
isumaginninnermik ingerlatsineq pillugu nassuiaammik ikiut marlukkaarlugit
saqqummiussisoqartarnissaanik isumaginninnermut suliffeqarnermullu
ataatsimiititaliap 1997-imi siunnersuuteqarnera tunngavigalugu
saqqummiunneqarpoq. Ataatsimiititaliap inassuteqarnera Naalakkersuisut
tapersersorpaat.
Ukiuni kingullerni
isumaginninnermut tunngasut iluanni ineriartortitsneruo killiffia nassuiaammi
saqqummiunneqarpoq. Naasuiaatip ingerlatsinikkut tunngaviusumik isummat
suliniuteqarfissallu pillugit ukiuni tulliuttuni oqallinnissamut
tunngaviusinnaanera pingaartinneqarsimavoq.
Isumaginninnermut tunngassuteqartut
inuiaqatigiinni inooqataaffigisatsinni annertoorujussuupput. Inuppassuit
isumaginninnermut tunngassuteqartuni sulisorineqarput, isumaginninnermilu
tunniunneqartartut pisortat aningaasartuutigisartagaanni amerlanerpaanut
ilaapput. Isumanninnikkut aaqqissuussinerit atugarissaarnissakkut
ingerlatsinermi pingaarutilerujussuarnut ilaapput, taamalu
suliffissaaleqileruttornerup inuiaqatigiillu assigiinngitsorpassuartigut
allanngoriartorfiata nalaani isumaginninnermi aaqqissuussinerit nalaanni innuttaasunut
pitsaasumik isumannaallisaataallutik.
Isumaginninnermut
Iluarsartuussinermut Ataatsimiititaliarsuup siorna isumaliutissiissummini
inatsisiliornermi allannguutissat arlalippassuit isumaginninnermullu tunngasut
iluanni pitsanngorsaatissat allat kaammattutigai. Isumaliutissiissut
aallaavigalugu tassunga malitsigitinneqartussat aallartisarneqarsimapput,
massakkut - tassa ukiup ataatsip missaata qaangiunnerani - allanngotiterinernik
pitsanngorsaanernillu arlalissuarnik kinguneqareersimallutik, pingaartumik
utoqqarnut annertuumillu innarluutilinnut tunngasut iluanni. Innarluutilinnut
tunngasut iluanni Naalakkersuisut allaffissornikkut inatsisiliornikkullu
suliniutinik arlalippaassuarnik aallartitsisimapput. Nalunaarut nutaaq
februarimi atortuulersinneqarpoq, tassungalu aningaasanngorlugit
tunniunneqartartut amerlassusaat pillugit kaajallaasitaq aamma
atortuulersinneqarsimalluni. Inuit annertuumik innarluutillit
ikiorserneqartarnerat pillugu isumaginninnermi suliaqarnermut
ilitsersuusiornermi suliarujussuaq ingerlanneqarsimavoq. Ilitsresuut taanna
taaguutinik ikiorsiinissamut periarfissanik paasinnittarnermut
nassuiaanermullu tapertaasussaavoq. Ilitsersuutip taassuma
suliarineqarneratigut sulianik ingerlatsisut innarluutilinnullu tunngasut
iluanni atuisartunut sulinermi sakkussaq pitsaasoq pilersinneqarsimasoq
Naalakkersuisut neriuutigaat. Kommunini sulianik ingerlatsisut
pikkorissartinneqartarnerat 1999-imi annertusarneqassaaq, tassami
pikkorissartitsinernut atugassanngortinneqarlutik immikkoortinneqartut 50%
-inik ilaneqartussaammata.
Annertuumik
innarluutilinnik ulloq unnuarlu paaqqinniffiutivut piorsaavigineqaleruttorput.
Uummannami Tasiilamilu paaqqinniffinnut atatillugu immikkoortortaqarfiit
tassaasut ineqarfittut immikkoortortat immikkuullarissut innarluutilinnut
atorneqartussiat pilersinneqalerput. Aammattaaq ineriartornermikkut
kinguarsimasunik ulloq unnuarlu paaqqinniffiutivut Ilulissaniittoq
Maniitsumiittorlu taamaattunik immikkoortortalersorlugit piorsarneqalerput.
Eqqarsartaatsimikkut napparsimasunut ulloq uunuarlu paaqqinniffiup Nuummiittup
ukiut arlallit ingerlaneranni piorsarneqarnissaa pilersaarusiorneqarpoq,
eqqarsartaaatsimikkut napparsimasunut eqqartuunneqarsimasunut
immikkoortortaqarfilerlugu. Tamakku saniatigut nakkutigineqarluni
najugaqarfiit, tassalu najukkani ataasiakkaani ataatsimoorluni najugaqarfiit
suli amerlanerusut ukiuni makkunani pilersiortorneqarput, taakkunanilu
najugaqartut ulluinnarni suliassaminnik naammassinnissinnaaniassammata ulloq
unnuarlu tapersersorneqarlutillu ikiorneqartarlutik. Kisianni immikkortukkuutaanut
ataasiakkaanut aalajangersimasunut paaqqinniffitsigut suli
neqeroorutissaqanngilaq. Taakku ilaatigut tassaapput inersimasut
assigiinngitsunik annertuunik innarluutillit utoqqaallu ineriartornermikkut
kinguarsimasut. Innarluutilinnut tunngasut iluanni siunissaq ungasinnerusoq
eqqarsaatigalugu siunissami pisariaqartitanik misissuisussamik
suleqatigiissitaliortoqarsimavoq. Annertuumik innarluutilinnut najugassatut
neqeroorutinik pilersitsinerup kommuninik qanimut suleqateqarluni
ingerlanneqarnissaa Naalakkersuisut pingaartippaat.
Ilorraap tungaanut ineriartortitsinerup ingerlaqqinnissaani tunngavik
pingaartoq tassaavoq sulisunut assigiinngitsunut ilinniartitaanissamut periarfissanik
arlaqarnerusunik siunissami neqerooruteqartoqartarissaa. Ukiaq manna
eqqarsartaatsimikkut napparsimasunut tapersersortitut ikiortinut qaammatini
pingasuni nunap immikkoortuini pikkorissartitsinissat arlallit neqeroorutigineqarput.
Isumaginninnermi perorsaasussanik ilinniartitsineq
allanngortiterneqaqqammerpoq. Sulisut assigiinngitsut ataatsimut isigalugit
pikkorinnerulersinneqarnissaat siunertarilluinnarlugu sulisoqarpoq, taamalu
ilinniaqqitsitsinikkut annertunerusumillu ilinniartitsinikkut suliniutit
pingaartillugit isiginiarneqarlutik.
Utoqqarnut tunngasuni Naalakkersuisut arlalissuarnik
suliniuteqarsimapput. Pensionisiat tunngaviusumik aningaasartaat ukioq manna
septemberip aallaqqaataanit amerlineqarput, ataatsimiinnennilu matumani
utoqqarnik paaqqinnifflit pillugit peqqussutissatut nutaatut siunnersuut aarnma
pisortanit pensionisiat pillugit peqqussutissatut nutaatut siunnersuut
saqqummiunneqassallutik. Inatsisitigut tunngavissat nutaat nalunaarutinik
ilitsersuutinillu malitseqartinneqassapput. Suliasssaq annertoorujussuusimavoq,
taamaattumillu KANU- KOKA-P suliniaqatigiiffiillu uummaarissumik
ilusilersorluagaasumillu peqataanerat nuannersuusimavoq. Suleqatigiinnerup
tamatuma ingeriateqqinneqamissaa pingaartuuvoq, taamaalilluni inatsisitigut malittarisassat
pisariitsuulesinnaaqquilugit, allanngortiterneqarsinnaaqqullugit atuisunullu
paasiuminartuusinnaaqqullugit.
Inuit inuussutissarsiorsinnaassutsimikkut piginnaasakillisimasut
eqqarsaatigalugit anner- tunerusumik piginnaanngorsaaqqittoqartamissaa
pisariaqartinneqarpoq, taamaaliomikkut suliffeqamermut attuumassuteqarneq
pilersinneqartarsinnaaqqullugu pilerseqqinneqartar- sinnaaqqulluguluunniit.
Aamma suliffissaqartitsiniarnikkut ingeriatsinerinut atatillugu
suliffissaqartitsiniarnerup assigiinngitsunut inissaqartitsisup
pilersinneqamissaata
pingaaruteqassusia Naalakkersuisut eqqumaffigaat, taamaattumillu
piginnaanngorsaaqqittar neq suliffiillu sulerulunnanngitsut pillugit
suleqatigiissitaliamik pilersitsissalluni.
Meeqqanik inuusuttunillu isumaginninnennik ingeriatsineq Naalakkersuisut
pingaartillugu isiginiarsimavaat, taamaattumillu sanngiinnerusut
katsorsartariaqanererpaallu pingaartumik eqqumaffigineqamissaat kissaatigalugu.
Nunatsinni ilaqutariit 10- l 5%-iini imigassamik atornerluineq
ajornaratorsiutaavoq. Meerarpassuaqarpoq misigissutsimikkut inooqataanermikkulu
ajornartorsiuteqartunik. Meeqqat taakku ilarpassui kinguaassiuutitigut
atornerlugaasarsimapput. Namminiussutsimik pigisaqanngillat, sorlaqarfeqaratik
inersi masunillu tatigisaqanngitsuullutik.
Meeqqat inuusuttullu isumagineqarnermikkut sumiginnagaasut
suliniuteqarfigineqamerat annertusarneqassaaq, ilaatigut najukkani
ataasiakkaani unnuisarfinnik pilersitsilluni aaqqiissuteqartarnertigut,
ilaqutariit paarsaqartillugit inissiiviusartut pikkorinnerulersinneqar-
nerisigut kiisalu meeqqanik inuusuttunillu ulloq unnuarlu nuna tamakkerlugu
paaqqinnif- finni sulisut aamma pikkorinnerulersinneqamerisigut.
Ukiumi 2000-imi meeqqat inuusuttullu pillugit isumasioqatigiissitsinissaq
Naalakkersuisut anguniarlugu suliniuteqarput.
llaqutariit tulleriiaarinermi annertoorujussuarmik pingaartinneqarput,
Naalakkersuisullu ilaqutariinnik siunnersuinerini ilaqutariinnillu
"ilinniartitsinermi" suliniutit annertusaru-suppaat. llaqutariit
nukittorsarniarlugit suliniuteqarneq kommunit suleqatigalugit pitsaa- nerpaamik
ingerlanneqarsinnaavoq, suliniuteqarfigissallugillu naleqquttut massakkut
pigineqarerput, assersuutigalugu Allu. llaqutariinnut suliniutit
ingerlanneqarnerulemissaat pillugu isorliunerusuni kommunit
saaffigineqarsimapput.
Pinaveersaartitsiniarneq pingaartorujussuuvoq. Kommunini arlalissuarni
pinaveersaartitsi- nermi siunnersuisut atorfinitsinneqarsimapput,
paasisitsiniaanermilu atortussat ingerlaa- vartumik pilersiortorneqarput
paasisitsiniaasoqartuarlunilu. lngerlatat suliniutillu inuunerup
pitsaassuseqarnissaanik siuarsaaasuusut inooqatigiinnernilu ajornartorsiutit
pilernissaannik pinaveersaaartitsisuusut Namminersomerullutik Oqartussanit
tapiissuteqarfigineqartarput.
Najukkani ataasiakkaani arlalissuami nammineq piumassuseq tunngavigalugu
sulisut ingerlatanik suliniutinillu aallartitsisarsimapput. Pingaartumik
nunaqarfinni nammineq piumassuseq tunngavigalugu suliniuteqartarnerup
nunaqarfinni meeqqanut najukkanilu ataasiakkaani inooqatigiinnikkut
ajornartorsiutit oqilisaavigineqarnerannut ataatsimoortumik
akisussaas-suseqarnermik misigisimaneq pilersittarpaa.Taamaaattumik Naalakkersuisuninngaanniit
annertuumik tapersersorpavut.
Piaartumik suliniuteqalertarneq siunertaqarluartumillu sulineq
tassaapput tulleriiaarinermi annertuumik pingaartinneqartussat.
Isumaginninnikkut isumannaallisaanermi tunniuttakkat kiffartuussinerillu
inatsisitigut aalajangersarneqarsimasut naliliinikkullu
annertussusilerneqartartut arlalissuit atorneqartar- put. Inatsisitigut
malittarisassani atuuttuni pisortanit ikiorseeriaatsit marluk atorneqartarput:
Annertussusileriikkamik ikiorsiissutit aamma pisortanit ikiorsiissutit.
Pisortanit ikiorsiissutit ataasiinnanngortinneqarnissaanik ilusilersuinissaq
Naalakkersuisut suliariniarpaat, taamaalillutik nunatsinni innuttaasut
naligiimmik pineqarsinnaaleqqullugit. Aaqqissuussinerit pisariitsut,
innuttaasunik tamanik naligiissitsisut aqukkuminartullu nassaariniarneqassapput.
Assersuutigalugu aalajangersimasumik suliaqartut peqatigiiffiannut
ilaasortaaneq pisortanit ikiorserneqarsinnaatitaanernik aalajangiinermut
tunngaviussanngilaq, tunniunneqartartut taakku namminersorlutik
inuussutissarsiortut eqqarsaatigalugit allaat assigiinngissinnaasarmata.
Isumaginninnermi
tunniunneqartartut inatsisini malittarisassatigut aalajangikkat akornanni
ajornartorsiutaasut ilisimaneqarluarput, aammali aaqqinniaruminaatsuullutik.
Assersuutigiinnar-lugu ineqarnermut tapiissutisisinnaassagaanni
pensionisiaqalersinnaassagaannilu isertitatigut qummut killissaliunneqarsimasut
assigiinngitsuupput, aaqqissuussinerillu taakku marluk assigiinngitsunik
ilusilersorlugit aaqqissuunneqarsimallutik. Ineqarnermut tapiissutaasartut
ilaqutariinnullu meerartalinnut tunniunneqartartut isumaginninnermi tunniunneqartuupput,
allaat assigiinngitsunik iluseqartillugit aaqqissuussinernut assersuutitut
taaneqarsinnaasut. Ajornar-torsiutit taakku sukumiisumik
misissoqqissaarneqarnissaat Naalakkersuisut aallartinniarpaat,
misissueqqissaarnerlu taanna isumannaallisaaatitut tunniunneqartartut
allanngortititerne-qarnissaannut siunnersuusiornissamut tunngaviusussaassaaq,
taamaalillutik tunniunneqartartut siunertarisaat
aalajangiusimaannameqarsinnaaqqullugit.
Kalaallit
Nunaanni inuuniarnikkut atukkat assigiinngissuteqartorujussuupput. Inuussutis-
sarsiornikkut periarfissaat taassumalu nassatarisaanik
aningaasarsiorsinnaanerinut periarfissaat piffimmiit piffimmut
assigiinngitsorujussuusinnaallutik. Isumaginninnikkut
aaqqissuussinernik peqarpugut inunnut ikiorneqarnissamik
pisariaqartitsilerallartunut ikinnerpaaffissaqartitsinermik qulakkeerisunik,
kiisalu isumaginninnikkut aaqqissuussinemik peqarluta inunnut
inuussutissarsiorsinnaassuseqaratilluunniit annikitsuinnarrnik
inuussutissarsiorsinnaassuseqartu-nut ataavartumik ikiorsiinissamik
qulakkeerisunik.
Inatsisartut 1998-imi upernaakkut ataatsimiinneranni piniarnermik inuussutissarsiuteqartut annikinnerpaaffilikkamik aningaasarsiaqartitaalernissaat Atassutip siunnersuutigaa, tassanilu pingaartumik Qaanaap Ittoqqortoormiillu kommuniini piniartut aningaasarsiornissaminnut periarfissaluppallaarnerat innersuussutigineqarluni. Taamani Naalakkersuisut malugeqqullugu oqarput inuussutissarsiutitut tunngavigineqartut piorsarneqarnissaannut periarfissat misissornis-saat pingaarnerusoq, inuussutissarsiortukkuutaanut ataasiakkaanut immikkut ittumik aaqqissuus-siniarnerit pinnagit. Nunani allani misilittakkat takutippaat namminersorlutik inuussutissarsiortunut ataatsimoortukkuutaanut aalajangersimasunut akissarsiat ikkinnerpaaffissalerlugit aaqqiissuteqartarnerit atorneqarunnaarsimasut, tassami isumaginninnermi tunniunneqartartut inuiaqatigiinni innuttaasunut tamanut atuuttut naammattumik piorsarneqartarsimammata.
Atugarissaarluni inooriaaseq innuttaasunut isumaginninnikkut pitsaasumik isumannaalli- saaviusoq pilersissimavarput, kisianni atugarissaarluni inooriaaseq taanna aamma tassaavoq atuisunik naparliinnalersitseqqajaasartoq kiisalu kinguaariiaat aamma innuttaasut ilinniagaqarsimasullu akornanni avissaartuutitseqqajaasarluni. Uagut inuiaqatigiiussutsitsinni inuit imminnut ilaquttaminnillu isumaginnittuunissaat tunngaviussaaq.
Ullumikkut isumaginninnermi tunniunneqartartut taamaallaat landskarsimit kommuninillu aningaasalersorneqarput, taamaalillutillu innuttaasunut isumannaallisaatitut atuullutik. Taamaattoqarnera aningaasaqarnikkut ajornartorsiutinit eqqoruminarpallaaqaaq. Illuatu- ngeriit sillimmasiisarnikkut aaqqissuussinerinik pilersitsiniartoqartariaqarpoq, assersuuti- galugu napparsimanermut atatillugu aningaasaateqarfinnik suliffissaaleqinermullu atatillugu aningaasaateqarfinnik. Taamaaliorneq inuiaqatigiit aningaasaqarniamerannit isigalugu isumatusaarneruvoq, tamatumunngalu peqatigitillugu inuit ataasiakkaat imminnut ilaquttaminnullu akisussaaffeqarnerannik siuarsaasuussalluni.
Isumaginninnermi isumannaallisaatit allanngortinneqarnerat illua-tungeriillu sillimmasiisarnikkut aaqqissuussineri suliffissaqartitsiniarnermut annertoorujussuarmut sunniuteqartarput aamma sunniuteqartussaapput.
Ukiuni aggersuni naalakkersuisut isumaginninnermik ingerlatsinerat allanngortiteriffiusussaallunilu nutaanik suliniuteqarfiusussaavoq, isumaginninnermik ingerlatsineq uummaarissuussaaq imminut ikiornerup imminullu isumaginerup inunnut ilaqutariinullu ataasiakkaanut imminut akilersinnaasuunerata erseqqissarneqarnissaa pingaartinneqassaaq.
Isumaginninnermik ingerlatsineq pillugu nassuiaat Inatsisartuni oqaluuserisassanngorlugu naalakkersuisut taamatut oqaaseqarlutik saqqummiuppaat.
Ruth Heilmann, Siumup oqaaseqartua:
Qujanaq, isumaginninnermut
ingerlatsinermik nassuiaat Isumaginninnermut Suliffeqarnermut Pisortallu
Suliassaqarfiutaannut Naalakkersuisup siullermeertumik saqqummiuppaa.
Isumaginninnermut iluarsaaqqinnermik
Ataatsimiititaliarsuup isumaliutissiissutaata malitseqartinneqarnissaanik
oqalliseqarnermut tunngatillugu erseqqissumik aamma Siumumit
piumasaqaatigaarput naalaakkersuisut Isumaginninnikkut ingerlatsinermut
inatsisartuni ukiumoortumik nassuiaateqartalernissaat pisariaqartoq.
Tamannalu maanna siullermeertumik
Naalakkersuisumit malitsinneqarmat Siumumit nuannaarutigaarput. Kisiannilu nassuiaatip
imarisai misissuataaraanni annertunerusumik imaqartinneqarpoq Isumaginninnermi
Iluarsaaqqinnermi Ataatsimiititaliarsuup 1982-imi 1997-imilu kaammattuutaanik
suliniutigeqqusaanillu.Tamanna imatut paasivarput Ataatsimiititaliarsuup
kaammatuutiginerusai ataqqillugit siunissami ingerlasoqarniartoq tamannalu
Siumumit pissusissamisoortuutipparput taamaattariaqarlunilu.
Taakkuinnaasariaqanngillallu
nalunngilarpummi kommunit tassaasut isumaginninnermik kiffartuussisuusut
taamaattumik aamma taakkunuunatigut annertunerusumik qanoq
ingerlatsisoqarneranik paasissutissanik ilaqartinneqarnissaa Siumumit
pissusissamisoortuutikkatsigu kissaatigissavarput tullianik saqqummiinissamut
siamasinnerusumik paasissutissanik nassuiaat ilaqartinneqartariaqartoq.
Aammalu regionini immikkoortortaqarfiit
itinerusumik suliaannik ingerlataannik anguniagaannik angusaannillu
paasissutissiinermik annertunerusumik ilaqartinneqarnissaa
naatsorsuutigisimagaluarparput.
Soorunami una siullermeerutaammat
tusaatissatut Siumumit tigussavarput, kisiannilu taamatut nalunaarusiornermi
ilaatinneqartussanik naatsorsuutigineqarsinnaasut eqqarsaatigalugit partiinit
kattusseqatigiinnillu nassuiaatip imarisassaanut tunngatillugu
erseqqarinnerusumik piumasaqaatiginissaat Siumumit kaammatuutigissavarput
taammalu Inatsisartuni Isumaginninnermi ataatsimiititaliaanit annertunerusumik
oqaluuseralugulu qulaajarneqarnissaat pisariaqartuusoq matumani
piumasarissallugu.
Siumumi isumaqarpugut inuk qitiutillugu
isumaginninnikkut ersarissumik politikkeqarnissarput pingaarutilerujussuusoq
soorlu aamma Iluarsaaqqinnermi Ataatsimiititaliarsuup tamanna
kaammattuutigereerpaa.
Ukiuni taakkunani iluarsaaqqinnerup iluani
annertuumik oqallittoqarsimavoq oqallinnerullu kingunerisaanik inatsisartuni imminermi
aamma iluarsiiniartoqarlunilu toqqammaviliiniartoqarsimalluni naalakkersuisunut
suliassiissutaasunik.
Qujanartumillu inatsisiliornerit
aallunneqarlutik aallartisarneqalereerput tamannalu Siumumit iluarinartuutipparput.
Minnerunngitsumillu aamma pinaveersaartitsinikkut ilusiliiniarluni
ingerlatsisoqaleruttorpoq Iluarsaaqqinnermi Ataatsimiititaliarsuup
kaammattuutaattut kommunini tamani pinaveersaartitsinermi
siunnersuisoqarnissamik kissaatit malinneqalerlutik taammatullu Paarisami
ikiaroornartumillu akiuiniarnermi aningaasaliissutaasut annertusarneqarnerat
tunngaviusimammat tassuunakkut
pitsaasumik angusaqartoqarnissaa piumasaralugu neriuutigalugulu. Tamanna Siumumit
pissusissamisoortuutipparput nalunnginnatsigumi ukioq 2000
peqqinnerulernissarput aqqutissiuukkipput tamannalu innuttaasut tamatta
peqataaffigisariaqarparput, amerlasuullu angusaqarniarlutik namminneq
piumassutsiminnik atuipput suleqataallutillu isumagalugu, innuttaasut tamatta
pilluarnarnerusumik inuulernissarput.
Taamaattumik taamatut suliniuteqartut
tamarluinnaviisa Siumumit uummammik pisumik qutsavigissallugit
pissutissaqarluarpugut.
Taamatut oqariarluta naatsorsuutigaarput
taamatut isumaginninnikkut nassuiaateqartalerneq aqqutigalugu iIatsisartut
anguniagaasa ersarinneruleriartornissaat anguneqarumaartoq ataatsimoorussamik
tamatta inuiaqatigiini malitassatsinnik ersarissakkanillu politikkeqalerluta
aamma ukunannga:
- Meeqqanut angajoqqaanut ilaqutariinnullu
- Inuusuttuaqqanut inuusuttunullu
- Utoqqarnut
- Innarluutilinnut
- Suliffissaaleqisunut
- Ikiorsiissutinut tapiissutaasartunullu
- Paaqqinnittarfeqarnikkut
najugaqarfitsigullu
- Pinaveersaartitsinermut
- Sunngiffimmi sammisassaqartitsinermut
politikki ersarissut
- Suleriaatsip
ataqatigiissunngortinneqarnissaa kiisalu
- Inatsisit peqqussutit kaajallaasitallu
eqaallisarlugillu paasiuminarsarneqarnissaat, tassunga ilanngullugu meeqqat
pisinnaatitaaffiisa saqqumilaartinneqalernissaat aammalu inuit inuttut pisinnaatitaaffiisa
paasisitsiniutigineqarnissaat.
Uani sulisussanik ilinniarsimasunik
amigaateqannginnissatta aallunneqarnissaa aamma pisariaqartoq
ilaasinnaagaluarpoq taannali KIIP-ip ataaniituuvoq.
Isumaginninnermut iluarsaaqqinnermut
Ataatsimiititaliarsuup kaammattuutigisai malitseqartinniarlugit Inatsisartut
oqallinnerminni pingaarnersiuinerminnilu utoqqaat atugarisaat salliutillugit
pitsanngorsaavigineqarnissaannik inatsisiliuusseqqusinerat malillugu upernaaq
ukiakkullu Inatsisartut ataatsimiinneranni pitsanngoriaatissanik
inatsisiliuussisoqarpoq.
Naalakkersuisullu utoqqaat
siunnersuisoqarnissaat aamma neriuutigaa novemberimi Nuummit aallunneqarluni
aallartissasoq, tamanna Siumumit piviusunngortinneqarnissaa itinerusumik
tusassallugu pissanngatigaarput.
Aammalu angajoqqaat isertitakitsut
pinerullugit meeqqanut tapiissutit 50%-it missaanik aningaasartamikkut
qaffaavigineqarlutik.
Naartuneq sulinngiffeqartarneq ullormusiaqartarnerlu
pitsanngorsaavigineqarput sapaatip akunnerini 22-ni akissarsiaqaatigalugu
ingerlanneqartalerluni, aammalu ippassaq marlulisut amerlalnerusunilluunniit
ataatsitsut meerartaartut sulinngiffeqartitaasarnerat annertusineqarluni.
Inatsisit eqaallisarneqarnerat
aallartippoq Isumaginninnikkut maalaartarnerup eqaallisarneqarnera aamma
siulliulluni taanna naammassineqarluni.
Pitsanngorsaanerillu ingerlaqqissapput
suliassat aallunneqaleruttormata suleqatigiissitaliornikkut tamanna
naalakkersuisumit saqqummiinermini nassuiaatigisaa isumalluartitsivoq.
Siumumiillu kaammattuutigissavarput
angajoqqaat meerartuut isertitakitsullu atugarisaasa
pitsanngorsaavigineqarnissaat pisariaqarluinnartuusoq, taakkuami akunnattumik
isertitaqartarnertik pillugu meerartaat meeqqanut tapiissutisisinnaasanngillat,
naak annertunerpaatigut allanut tamanut naleqqiullutik qitornakkaajunertik
pillugu aningaasartuuteqarnerpaasaraluarlutik. Tamanna
aaqqiiviginiartariaqarparput.
Taamaattumik aamma boligsikringep qummut
200.000 kr-nit tikillugit pissarsisinnaanermut killingata
qaffaavigineqarnissaa, tassa maannakkut 128.000-iusup, Siumumit
kaammattuutigisassatta pingaarnersaasutulluunnit taasariaqarparput, sunut
tamanut misinnartumik atukkat pitsaanerulernerannik kinguneqartussaasoq
nalunnginnatsigu.
Ineqarnermut tapiissutit meeqqanut
tapiissutit pisortatigut ikiorsiissutit annertussusileriikkamik ikiorsiissutit
tamaasa ataatsimoortillugit nalilersorluarneqartariaqarput
oqimaaqatigiissaaraluni tamanut naleqqunnerpaamik aaqqissuteqarnissaq
anguniartariaqarmat, KANUKOKA kattuffiillu peqataallutik paaseqatigalugillu
taakkua naammassiniartariaqarput.
Kisiannilu qulaani suliassat
pingaaruteqangaartut kanaartai quliusut tikkuaaffigisavut tamakkiisumik ersarissumillu
politikkeqarfigissagutsigit suliassaqaqaagut, taammaattumik
tupigineqartariaqanngilaq Isumaginninnermi iluarsaaqqinnermi
Ataatsimiititaliarsuup isumaliutissiissutaa kingulleq quppernerpassuaqarmat.
Tamanna ersiutaaginnarpoq qanoq suliassap annertutigineranik. Aammalumi
Inatsisartuni oqallinneq annertooq siunnersuuterpassuillumi
aniatinneqartareerput.
Aammalu inuit amerlasuut suleqataasimapput
immikkut ilisimasaqartut peqataaffigisaannik suliarlu peqqissaarullugulu
suliaasoq misissuataaraanni tamanna takuneqarsinnaavoq. Taamaattumik uani
naalakkersuisutulli Iluarsaaqqinnermut tunngasut uterfigeqqajaajuarpavut
tamannalu avaqqukkuminaalluinnartuuvoq, iluarsaaneq torersaanerlu maanna
aallartereersoq soqutiginarlunilu unitsiinnarneqarsinnaanngimmat.
Nunatsinni kommunini aningaasartuutit
isumaginninnermut atortakkavut allanit tamanit sanilliullugit
amerlanerpaajupput soorlu naalakkersuisup aamma tamanna oqaatigaa ukiumut 1
mia. sinnerlugit atorneqartartut.Taamatut atuitigineq milliliiviginiarlugu iliuuserisavut
allanngortilluinnartariaqarpavut, soorlu aamma Ataatsimititaliarsuup
isumaliutissiissummini tamanna kaammattuutigigaa.
Inuit tamarmik suliffeqarnissaat
amerlanerpaartaasaluunnit suliffeqarnissaat angusuugutsigu
milleriangaassagaluartoq.
Suliffissaaleqinermut ikiorsiissutitigut
atukkavut nunatta aningaasaqarnera ataatsimut isigalugu
amerlavallaarujussuarput, ikiuinikkut tunioraaginnarnermik ingerlatsinerput aaqqinniartariaqarparput
sulininngortitsinikkut. Tamanna qaangerniarlugu aasaq suliffeqarnikkut
ataatsimeersuartut ersarilluinnartumik aamma piumasaqarput suliffissarsiortut
siunnersorneqarnerat ullumikkornit piffissaqarfiginerullugit
iliuuseqartariaqartugut pikkorissaanernik ilinniartitaanernik aammalu
piumaffiginnissinnaanermik annertunerusumik ilalerlugit, aamma matumani
Inatsisartuni ilaasortap Kristine Raahaugep ilaatigut inuusuttut
suliffissaaleqisut suliffissaqartinniarlugit siunnersuutaanut naapertuuttumik.
Taamaattumik Siumumit ippassaani
inuussutissarsiutinik ilinniartitaanermi eqqartuinitsinni iluarsaaqqinnermik
pilersitsinissamik uddannelsesreformimik kaammatuutigisarput uunga aamma
naleqquttuutillugu oqaatigeqqissavarput pisariaqarluinnartutut isumaqarfigigatsigu.
Paaqqinnittarfiit unnuakkut ullukkullu
nassuiaammi illoqarfinni sumiinnerinik assigiinngitsutigullu
anguniagaqarfiuneri ersersinneqarput. Malunnartumillu illoqarfiit anginerit
taamatut ingerlatsiviupput.
Inatsisartuni Isumaginninnermi
Ataatsimiititaliap atuuffiisa ukiut siullianni tamakkua amerlanerpaartaat
alakkarterneqarnikuupput allaat Danmarkimiittut aamma ilanngullugit
takusarneqarlutik aamma sulisorisat najugaqartullu
ataatsimeeqatigineqartarlutik.
Maanilu Nuummi illoqarfinnilu anginerusuni
oqaatigineqartartoq malugisarput unaavoq illoqarfissuarmi taamak angitigisumi
ajornakusoortuusartoq taamaattunik pingaartumik meeqqanik inuusuttuaqqanillu
ajornartorsiuteqartunik pikileruttortunillu suliaqarniarluni,
pitsaanerussasutut isumaqarfigineqartarpoq illoqarfinni mikinerni akunnattunilu
angerlarsimaffiit siunissami inissinneqartassappata. Taamaattumik
Naalakkersuisut tamatuminnga eqqarsaatersuuteqaqqussavavut.
Kisianni pingaarnerpaaq tassa, meeqqat
namminneq angajoqqaaminni toqqissisimasumik peroriartornissaasa
ingerlanneqarnissaat, angajoqqaammi tassaammata qitornaminnut akisussaanerpaat
asanninnerpaallu. Nalunngilarpummi nammineq angerlarsimaffigisaq najorlugu
pilluarnarnerpaasoq.
Tamaattumik ilaqutariit ajornartorsiuteqartut
sapinngisamik najukkaminni ataatsimut suliffigineqarnissaat
pingaarutilerujussuartut Siumumit isumaqarfigigatsigu ilaqutariinnut
siunnersuinerup annerpaanngortinnissaa anguniarlugu peqataaffigisariaqarparput.
Inuiaqatigiinni qaammarsaaneq,
siunnersorneqarneq annerpaaq, atuartitaaneq pitsaasoq ilinniartitaaneq
pikkorissaanerillu eqaassuseqartut ingerlanneqarnissaat tamanik allanik
pingaarnerpaalertariaqarput soorlu aamma arlaleriarlugu tamanna maani
oqaluttarfiit ataqqinarnersaannit
ilungersortumik anittareeripput taamaattumik anguniakkap
ataatsimoorunneqarnissaa pisariaqarpoq pitsaasumik angusaqarniassagatta.
Siunissami isumaginninnerup tungaa,
kulturi sunngiffik pinaveersaartitsinerlu ataatsimuulernissaat
eqqarsaatersuutissiissutigerusupparput, ilaatigummi kommunini taamatut
aaqqissuussineq misilinneqartalereermat. Imaluunniit siunissami Isumaginninneq
Peqqinnissaqarfillu ataatsimuulissappat?
Taamatut nassuiaat tusaatissatut Siumumit
tiguarput, qujavugut naalakkersuisup saqqumiineranut suleqataasullu tamaasa
Siumumit qutsavigaavut.
Naggataagut aliannaalaarlunga
eqqaasinnialaarlusilu uku oqaatsit anikkusuppakka Iluarsaaqqinnermi
ilisarnaatitta ilaat:
Toqqissisimaneq, Akisussaaqataaneq,
Nammineersinnaaneq, Ataatsimoorneq Nuannaarnerlu, qujanaq.
Jakob Sivertsen, Atassut-ip oqaluttua:
Nunatsinni inunnik isumaginninnermik
ingerlatsineq pillugu nassuiaat Atassut-mit soqutigalugu
oqaloqatigiissutigisimaqaarput assullu nassuiaat pingaartutut nalilersimallugu,
soorlu naluneqanngitsoq inunnik isumaginninnermut tunngasunik
Iluasaaqqinnissamik Ataatsimiititaliorsimasugut taassumalu suliani 1997-mi
upernaakkut inatsisartunut naalakkersuisunullu saqqummiussimavaat.
Atassut-mit Ataatsimiititaliarsuup
anguniagassatut saqqummiussaat soqutigalugit malinnaaffigivarput, inunnik
isumaginninnermut tunngassuteqartunik aaqqissuusseqqinnissat
Ataatsimiititaliarsuarmi siunniunneqartut malitteqartinneqarnissaat,
peqqissaartumik suliarineqassappata inatsisartunut nassuiaateqartarnissaq
Atassut-mit assut pingaartipparput, anguniakkanut aaqqiiniutissat
aningaasalersuinissallu tulleriiaarlugit pisariaqarmata, innuttaasunit
aaqqinniagassatut kissaatigineqartut ataatsikkut
aningaasaliiffigineqarsinnaanngitsut nalunnginnatsigik.
Taamaattumik ukiut marlukkaarlugit inunnik
isumaginninnermik suliat pillugit naalakkersuisut nassuiaateqartalernissaat
inatsisiliornerni, peqqussutiliornerni, kaajallaasitaliornernillu
pinngitsoorani iluaqutaasussaavoq, pingaartumillu malittarisassatigut allanngortiterinerit
aningaasatigut kingunerisassaasa peqqissaartumik suliarineqartarnissaannik
aamma iluaqutaasussaammat.
Inatsisartut inatsisiliaat,
peqqussutiliaat, kaajallaasitallu inuttaasunut eqqortumik
atuuttinneqartarnissaat Atassut-mit assut pingaartipparput, soorlu
arlaleriarluta erseqqissaassutigisaripput inatsisisit, maleruagassat,
peqqussutit, kaajallaasitallu paasiuminaatsinnaasarnerat inuit ikiortariallit
eqqortumik ikiorserneqartarnissaralui assut pisarissersortaraat. Tamakku aamma
peqqutaallutik inuit ikiortariaqartut ilaatigut kukkusumik
ikiorserneqartarnerat kingunerisarlugu.
Inuit inunnik isumaginninnikkut
ikiorserneqartarnerat mianernartuuvoq, inuit misigissusaannut annertuumik
attuisarnera peqqutigalugu, taamaattumik inuit ikiorserniakkat eqqortumik
ikiorserneqartarnissaat pingaartorujussuuvoq. Tamakku tunngavigalugit inuit
isumaginninnermik suliaqartut pikkorissartuarneqartarnissaat Atassut-mit assut
pingaartipparput, taamaaliornikkut inuuttaasut maleruagassaat tunngavigalugit
eqqortumik ikiorserneqartarnissaat kingunerissammagu.
Soorlu 1997-mi meeqqat tapisiassaagalui 6
mio. kr.-it nalillit aaneqanngitsoorsimasut tusagassiuutitigut
tusarlualersimagipput, tamatumani Kommunit innutaasunut sullissinerminni
kukkuluttuuteqarsimappata piaartumik aaqqiiniarnissaq pisariaqarpoq. Matumuuna
Atassut-mit sakkortuumik piumasarissavarput isumaginninnermut pisortaqarfiup
paasisitsiniaanissaq kukkuluttuutinullu aaqqiiniarnissaq
sulissutigissagaa,taamatut pisoqarsimanera akuersaarneqarsinnaanngimmat.
Meeqqat ineriartornerat angajoqqaasunut
aningaasarpassuarnik naleqartartoq tamatta nalunngilarput, soorlu angajoqqaat
ataatsikkut suliffeqarsimagunik meeqqerivimmiititsineq meeqqamut ataatsimut
ukiumut 24.000 kr.-it angullugit aningassaasartuutigineqartarput, tamakkulu
saniatigut atisassat nerisassat il.il aningaasartuutigineqartarput.
Matumuuma Atassut-mit piumasarissavarput
angajoqqaat meeqqerivimmiititsisarnerannut akiliutigineqartartut
assigiinnginnerujussuisa nalimmassarneqarsinnaannerat naalakkersuisunit
sulissutigineqalereeqqullugu, assersuutigisigu angajoqqaat ataatsikkut
suliffeqarsimagunik meeqqat aningaasarsiaannik pissarsineq ajorput,
taamaakkaluartoq meeqerivimmiititsinermut akisunerpaamik akiliisarlutik,
tamakku equngassutit aaqqiiffiginissaat pisariaqalerpoq.
Pisortanit ikiorsiissutit aammalu
annertussusileriikkanik ikiorsiissutit inuttaasunut marloriusamik
periuseqarluni ikiorsiissutigineqartarnerat innuttaasut akornanni
assigiingisitsinermik kinguneqartoq piaartumik aaqqiiffiginiartariaqarpoq,
innuttaasut kikkulluunniit pisariaqartitsineq najoqqutaralugu assigiimmik
ikiorserneqartarnissaat Atassut-mit assut pingaartikkatsigu.
Ineqarnermut meeqqanut tapiissutit
meeqqanut tapiissutit, kiisalu meeqqerimimmititsinermut akilersuutit
allaffissornartorujussuarmik aaqqissuussivigineqarsimapput, matumuuna
Atassut-mit kissaatigaarput tamakku nalilersoqqinneqarnissaat
pisariaqartikkipput siamasinnerusumik allaffissornannginnerusumillu
aaqqiinissat tamatumani eqqarsaatigalugit.
Ineqarnermut tapiissuteqartarnermi
isertitanut qummut killissarititaasup qaffanneqarsinnaaneranut siunnerfiup
piviusunngortinneqarnissaa pisariaqalerpoq, tassami ineqarnermut
tapiitsuteqartarneq 1. januar 1984-mi atortuulersinneqarpoq ullumimullu
isertitanut qummut killissarititaasut suli allanngortinneqarsimanatik.
Matumuuna Atassut-mit isertitanut qummut killiliussap qaffanneqarsinnaaneranut
suliniutit nalilersuinerillu aallartinneqarnissaat piumasaraarput.
Pinaveersaartitsinermut suliniutit
allartereersut ineriartortinneqarnissaat qitiusumiillu
ataqatigiissaarneqartarnissaat Atassut-mit assut pisariaqartipparput,
Atassut-mittaaq maluginiarparput kommunini pinaveersaartitsinermi
siunnersorteqarneq assut iliaqutaasoq naak aaqqissuussineq nutaajugaluaqisoq
kingunilimmik sunniuteqartoq takusinnaalereeratsigu, taamaattumik
ineriartortitsiuarnissaq pisariaqarpoq.
Pinaveersaartitsinermi siunnersortinik
attorfinititsiniartarneq ajornartorsiutaasartoq Atassut-mit
ilisimasaqarfigaarput, tamatumani qanoq akissaateqartinneqarsinnaanissaq
aalajangersakkatigut maannamut suli aaqqiiffigineqarsimanngimmat. Matumuuna
Atassut-mit naalakkersuisumut apeqqutigissavarput pinaveersaartitsinermi
siunnersortit misiligutitut atorfinitsinneqartarnerisa qaqugu taamaatinneqarnissaat.
Kalaallit Nunatsinni imigassamik
ikiaroorniutinillu atuinerujussuup kiisalu imminortarnerit toqussisarnerit
meeqqanillu pisuussuteqanngivissunik atornerluisarnerit
akuersaarneqarsinnaanngilluinnartut ataatsimoorluta ilorraap tungaanut
sangutinniarneeqarnissaannut suleqatigiittariaqarpugut. Nunatsinni
ajornartorsiutit taama annertutigitillugit politikkerit, pinaveersaartitsinermi
siunnersortit, politiit ilagiinnik sullissisut, inunnik isumaginninnermik
suliallit, kisimiillutik aaqqissinnaanngikkaat nassuerutigisariaqarparput.
Ttigussaasumik angusaqarfiginiassagutsigik nunatsinni innuttaasugut tamatta
peqataasariaqarpugut, soorlumi oqaasinnaaqartugut unagisami ajortoqarsimappat
inuisa sanarfitassaraat.
Atassut-mit upperaarput ajornartorsiutit
sulluunniit ataatsimoorullugit aaqqinniaraanni aatsaat tigussaasumik
aaqqisoqarsinnaasoq. Siunissaq ungasinnerusoq eqqarsaatigalugu
pinaveersaartitsinermi suliniuteqarnerup meeqqat atuarfianniit
aallartinneqartarnissaa Atassut-mit assut pisariaqartipparput, tamatumani
meeqqat ajornartorsiutinut pulammaatinnginneranni sunnerniarneqartarnissaat
pingaartorujussuummat, inuit
ajornartorsiutinut assigiinngitsunut pulammaatereersut pinaveersaartinneqartarnerat
aningaasarpassuarnik nukippassuarnillu atuinikkut aatsaat
angusaqarfigineqartartoq nalunnginatsigu.
Nassuiaammi saqqummiunneqartut allat
isumaqataaffigigatsigik suleqataafigisimallugillu annertunerusumik
oqaaseqarfigisanngilagut.
Taamatut oqaaseqarluta nassuiaat
soqutiginartoq imartoorlu Atassut-mit akuersaarparput.
Lars Sĝrensen, Inuit Ataqatigiit oqaaseqartuat:
Inuit Ataqatigiit nuannaarutigaarput
Isumaginninnermik ingerlatsineq pillugu ukiut allortarlugit
nassuiaasoqartarnissaanik siunnersuuterput Isumaginninnermut Suliffeqarnermullu
Ataatsimiititaliap taamatuttaaq naalakkersuisunit tapersersorneqarluni
piviusunngortinniarneqarsimammat.
Isumaginninnermik ingerlatsineq pillugu
nassuiaat siullermeerlugu saqqummiunneqartoq aallaaqqaammut
oqaaseqarfigissagaanni Inuit Ataqatigiinniit oqartariaqarpugut nassuiaatip
annertunersaa kingumut qiviarluni killiffimmik naliliinerummat.
Nassuiaat annertunerusumik politikkikkut
isummersornerunngilaq, allaffissornikkullu nassuiaataanerulluni. Taamaattumik
nassuiaat isumaginninnermut ilinniarfinnut, kommuneqarfiit nunaqarfiillu
allaffiinut ingerlateqqitassatut piukkunarneruvoq. Oqareernitsituummi
nassuiaatip annertunerusumik imaraa inatsisit ullumikkut atuuttut qanoq
paasineqarnissaat qanorlu malitsinneqarnissaat.
Nalinginnaavallaaleqaaq killiffimik
naliliiutigaluni ingerlariaqqinnissamik tikkuussinissatut ilimagisariaqakkat
oqalungusiarnerinnaalersimanerat.Inuit Ataqatigiit isumaqarpugut
peqqinnissaqarfimmi pissutsit initungaalersimammata allaat isumaginninnikkut
politikki ullumikkut aanngarsimasoq.
Inatsisartunut ilaasortat ukiut
sisamanngulersuni isumaginninnikkut siunnersuutigisartagaat 50-inik
ikinnerunngitsut Isumaginninnermut Iluarsaaqqinnissamut
Ataatsimiititaliarsuarmut suliassanngortinneqartarsimapput, ilisimaneqareertutuulli
ataatsimiitialiarsuup isumaliutissiisutaa 1997-imi upernaakkut
saqqumiunneqarmat inassuteqaatit kaammattuulillu inatsisartunit tamanit
piviusunngortinniarneqarnissaat akuersaarneqarput.
Nassuiaat saqqummiunneqartoq Kattuffiit ilaaniit
nalilerneqarpoq nassuiaat qalipagarsuusoq kusanartuliaq, pissusiviusunik
aallaveqanngitsoq. Inuit Ataqatigiit isumaqarpugut siunissami isumaginninnikkut
nassuiaammik inatsisartunut saqqummiussineq tulliuttoq taaguserneqartariaqartoq
Isumaginninnermik Politikkikkut ingerlatsineq pillugu nassuiaat
Naasuiaat siunissami isumaginninnikkut
ersarissumik politikkikkut ingerlatitsinissamik imaqartinneqartariaqarpoq, qanorlu isumaginninnikkut
ajornartorsiuterpassuata qaangerneqarnissaanik tikkuussisumik. Iaaltigut
makkuninnga:
Nunatsinni suliffissaaleqisut qassiuppat,
tamatumani ilanngullugu suliffissaaleqisunik naatsorsueriaaseq tamanit
akuerisaq, ilisimaneqartutuummi suliffissaaleqinermik nunatsinni
naatsorsueriaaseq assigiinngitsoq ingerlanneqarpoq.
Kommuuneqarfiit suliffissaaleqisunik
naatsorsuutaat Nunatsinnilu
naatsorsueqqissaartarfiup naatsorsutaat suli annertuumik nikingassuteqarput.
Tamanit akuerisaasumik suliffissaaleqisut
eqqortumik naatsorsorneqartarnissat Naalakkersuisut KANUKOKA-llu
suleqatigiillutik aqqittariaqaraat Inuit Ataqatigiinni isumaqarpugut. Tamanna
pisariaqarpoq, kommuuninummi ukiumoortumik Landskarsip tapiissutinut
(Bloktilskudinut) eqqortumik tunngavillinnik tunniunneqartarnissaa tamatumani
eqqarsaatiaaarput.
Nassuiaammi amigaatigaarput nunatsinni
meeqqat meeqqerivinnut utaqqisut allattorsimaffiat,.
Eqqoriaasoqartarporlu ullumikkut
meeqqat 1500-it missaaniitut meeqqerivinnut utaqqisuutigineqartut.
Oqaannartoqarsinnaanngilaq ilaqutariit meerartallit atugarisaat
pitsanngorsaavigineqassasut. Oqaatsit kusanartuupput,
timitaliisoqartariaqarporlu. Taamaattumik Inuit Ataqatigiit partiit allat
suleqatiseraavut meeqqeriviliornernut ukiunut tulliuttunut Landskarsip
aningaasaliissutigisai kommuunit qinnuteqataannut naleqquttunik
aningaasaliinissaanut suleqataanissaannut.
1999-imut kommuunit qinnuteqaataat 30 mio
korunit missaaniipput. Naalakkersuisut siunnersuumminni taamaallat 5,5 mio
korunit meeqqeriviliornernut atorneqartussatut siunnersuutigaat.
Meeqqat inuusuttullu peroriartornerminni
pisariaqartitaat pingaarneq tassaavoq angajoqqaanit asaneqarneq,
siunnersoneqarneq kaammattorneqarnerlu, inoqatinillu taamatut pineqarnissaq
aamma pingaartuuvoq. Uagut inersimasut meerartatsinnik sumiginnaanerput
peqqutigalugu ullumikkut meerartatta 15%-it missaat uagut Inuit Ataqatigiit
naatsorsuinerput tunngavigalugu meeqqat 1500-1800-llu akornannittut
pisariaqartippaat piaarnerpamik ikiorneqarnissartik,
naatsorsuutigisariaqarparpullu maannangaaq
iliuuseqanngikkutta suli taakku siunissami amerliartornissaat, tamannami
ilisimasalinnit eqqoriarneqartalereerpoq.
Aap, iliuuseqarniarsarivugut
pinaveersaartitsineq annertuumik aqqutigalugu, tamannali naammanngilaq. Ikeq
mamitinniaraanni katsorsarneqartariaqarpoq, ikeq mamitinneqanngitsoq
aseruuttarpoq, aamma tamanna inuunermiippoq.
Taamaattumik Inuit Ataqatigiit
isumaqarpugut pinaveersaartitsineq ikiorsiinermik katsorsaanermillu
ilaqartinneqartariaqartoq. Nukiit maannakkut pigineqartut ataqatigiissarneqartariaqarput, angajoqqaajusugut, innuttaaasugut politikkeriusugut suliassaq ajornarsereertinnagu iliuuseqartariaqarpugut.
Inuit Ataqatigiit tupigusuutigaarput
illuatungaani oqaluutigaluni meeqqat inuusuttullu ajornartorsiutaat
amerliartortut, taamaattoq Naalakkersuisut siunniuppaat Inuusuttut Inaat Aasianniittup matuneqarnissaa. Tamanna
qanoq paasisariaqarpa? Sooq Inatsisartut Isumaginninnermut Ataatsimiititaliaat
tusarniaaffigineqanngila?
Isumaginninnermik Iluarsaaqqinnissamik Ataatsimiitialiarsuarmi
suleqataanitsinni meeqqat inusuttullu ulloq unnuarlu paaqqinniffinnut
inissineqartarnerat pillugu, sulisuniit kissaatigineqarpoq illoqarfinni
anginerni inissiisarneq inissinneqartut eqqarsaatigalugit peqqinnanngitsuusoq ,
inissinneqartullu piffissaq sivisooq atorlugu atsaat sungiussimanngisat
sungiunniaqqartarlutik, taamaattumik siunissami ulloq unnuarlu
paaqqinnitaarfiliornermi illoqarfiit mikinerusut piukkunnarnerusutut
oqaatigineqarput.
Inuit Ataqatigiinni isumaqarpugut meeqqat
inuusuttullu atugarisaat pillugit nalunaarusiamik piaartumik naalakkersuisut
paasissutissanik sanasariaqartut.
Pisortanit isumannaallisaatinik
ataasiinnarmik periuseqarluni siunissami tunniusseriaaseq atorneqalissappat
kattuffinnut, soorlu SIK-tut ittunut qanoq kinguneqassanersoq naalakkersuisut
kattuffiillu peqatigalugit piaartumik oqaloqatigiinnerit
aallartinneqartariaqaraat Inuit Ataqatigiit
oqaatigeqqissavarput.
Naalakkersuisut piumassuseqarunik
ineqarnermut tapiissutit (boligsikring) partiinit tamanit kissaatigineqartoq
taamatuttaaq Isumaginninnermut Iluarsaaqqinnernut Ataatsimiititaliarsuup
inassuteqataa piviusunngortissinnaavaat, tassalu ineqarnermut
tapiissutisisinnaanermut qummut killissarititaasup maannakkut 128.000 kroniniit
200.000-inut qaaffaanikkut. Taamatuttaaq aningaasatigut kommuuninut
artukkiinngitsumik aamma aaqqinneqarsinnaavoq aningaasatigut pisussaaffiit
allanngortinneratigut. Maannakkut kommuunit 60 % akilertarpaat 40 %
Namminersornerullutik Oqartussat, kisitsisit taakkua killormut
saatinneqarsinnaapput taamaalillunilu aamma kommuninut artukkiinngitsumik
aaqqiisoqarsinnaalluni.
Isumaginninnikkut nammineq piumassuseq
naapertorlugu suliaqartut maannakkornit annertunerusumik pisortanit
kaammattorneqarlutillu tapersersorneqartariaqarput, pingaartumik
pikkorissartinneqartarnissaat tamatumani aamma eqqarsaatigalugit.
Naasuiaammi isumaginninnikkut
ilisimatusarnerup siunissami annertunerusumik ingerlanneqalernissaa Inuit
Ataqatiigiinnit ilassiulluarparput, taamatumammi suliniutigineqarnissaa
Isumaginninnermut Iluarsaaqqinninermut Ataatsimiititaliarsuup
isumalitissiissutaata saqqummiunneqarnerani kaammattuutigereeratsigu.
Inuiaqatigiinni inooqataaffigisatsinni
inuit tamarluinnangajatta inuunerup ilaani qanoq ilisukulluunnit
isumaginninnermik ingerlatsinermut attuumassuteqalertarpugut. Tamanna atuisutut
sulisutulluunnit pisinnaavoq.
Inuiaqatigiit isumaginninnikkut
pitsaasumik kiffartuunneqarnissarput kissatigaarput, tamatumanilu
pasiaqarluinnarpoq isumaginninnikkut sullissisut ilinniagaqarluarsimasutk
sullisisorinissaat, tamanna atuuppoq meeqqanik, inuusuttunik, inersimasunik,
utoqqarnik, innarluutilinnik allanulluunniit sullitaqarneq
apeqqutaatinnagu, tamattami
pitsaanerusumik inuuneqarnissatsinnik
siunnersorneqarnissarput inuunerup ilaani pisariaqartittarparput.
Taamaattumik isumaginninnikkut
sullissisunik nunatsinni amigaateqarnerujussuarput qaangerniarlugu isumaginninnikkut ilinniarfiit
suleqatigalugit isumaginnittunngorniarnerup pilerinartunngorsarneqarnissaa
sulissutigineqartariaqartoq Inuit Ataqatiigiinni isumaqarpugut, tamatumani
ilanngullugit sulisut akissarsiaat.
Suliat
annertussusiat naapertorlugu akissaatit
aaqqinneqanngippata ukiorpassuarni isumaginninnikkut
siunnersortinik perorsaasunillu
amigaateqarnissarput naatsorsuutigisariaqarparput. Takornartaanngilaq
kommuunini aamma angisuuni allaat meeqqerivinni meerarpassualinni
amerlasuutigut ataassiinnarmik perorsaasutut ilinniarsimasunik
sulisoqartarmatat.
Inuit Ataqatigiit ilisimaarivarput
isumaginninnikkut sullissinissamut ilinniagaqarsimanngikkaluarlutik
ajunngitsorsuarmik sullissisut amerlasoorujussuusut, taakkuli aamma
pisariaqartippaat pikkorissartittuarneqarnissartik tamannnalu aamma politikkikkut pingaartinneqartariaqarpoq. Isumaginninnikkut
ingerlatsineq iluarsartuussinerlu aallarteruttorpagut, inatsisit
paasiuminartun-ngorsalerpavut aningaasanullu tunngasortai nutaamik
nalilersorlugit aamma aallartereerpugut.
Taamaattumik Inuit Ataqatigiit kingumut kaammatuutigeqqissavarput
naalakkersuisut, KANUKOKA kattuffiillu qanimut suleqatigiillutik
paaseqatigiillutillu pingaartumik aningaasanut tunngasortaannut
aaqqiiniaqqullugit.
Taama oqaaseqarluta Isumaginninnermik
ingerlatsineq pillugu nassuiaat tusaatissatut tiguarput.
Anthon Frederiksen. Kattusseqatigiit aqaaseqartuat:
Isumaginninnermi ingerlatsineq pillugu
nassuiaat soqutigalugu Kattusseqatigiit sinnerlugit misissorsimavara,
siusinnerusukkullu isumaginninnermut tunngasut, minnerunngitsumillu Isumaginninnermik
Iluarsaaqqinnissamut Ataatsimiititaliarsuup isumaliutissiissutaa 1997-mi
upernaakkut saqqummiunneqarmat Kattusseqatigiit sinnerlugit
oqaaseqaatigisarsimasakka innersuussutigalugit
oqaaseqaateqassuunga:
Isumaliutissiissut
takisoorsuunngikkaluarpoq, innersuussutaali assigiinngitsut eqqarsaatigigaanni
isumaliutissiissummi sammineqartut annertoqaat, minnerunngitsumik
eqqarsaatigalugu inuiaqatigiinni aningaasartuutigineqartartut
sisamararterutaasa missingi isumaginninnermut tunngasunut aningaasartuutigineqartarmata.
Aallaqqaammut eqikkaanermi
eqqarsaatissiissutissatut maqaasivara nunatsinni ukiut ingerlanerini
isumaginninnermi tunngaviusimasut itinerusumik taaneqarsimanngimmata, tassami
oqarsinnaagunaratta ullutsinni naleqqunnerusumik nunatsinni inunnik
isumaginninnermik ingerlatsineq maannamut ukiut 75 missiliuinnarlugit
ingerlanneqarsimammat, mannalu
nassuiaat ukiut 2000-it ingerlalerneranni isumaginninnermik ingerlatsinissamut
tunngavissiuisussaalluni.
Meeqqat inuusuttullu eqqarsaatigalugit
isumaginninnermik ingerlatsinissamut tunngavissiuutit tunngaviatigut ingerlatsinissat
isumaqatiginarput, pingaartumik meeqqat ineriartornerini
ikorfartuinissat pinaveersaartitsinissallu eqqarsaatigalugit, matumanimi
puigortariaqanngimmat meeqqat inuusuttullu akornanni innarluutillit allatigullu
immikkut inuuniarnermi atugassarititaasut
ilaatigut akuersaaruminaattut
takussaasarmata, taakkuami
inuiaqatigiinni nalinginnaasumik inuulernissaannut arlaatigut
aporfissaasinnaasut isumaginnilluarnikkut ikorfartuilluarnikkullu
ikiorsiiviginneqarsinnaammata inersimalernerminni nammineq
pisinnaanerulersinnaanissaat eqqarsaatigalugu.
Inersimalernermi isumaginninnermi
atugassarititassatut anguniagassat
eqqarsaatigalugit isumaqatiginarpoq maannamut sunut arlaannut suliffeqarnikkut
assiinngissutit tunngavigalugit assigiinngitsumik pineqartarneq, siunissami
atorunnaarsinniarlugu eqqarsaatigineqarmat ikiorseeriaatsip periaatsimut
ataasiunerusumut eqikkarneratigut. Matumanili aamma eqqarsaatigineqartariaqartutut isigaakka qaqugu
soraarninngornissamut sillimaniarluni aningaasaateqarfinnik
pilersikkiartuaarneqartut pimoorunnerullugit suliniutiginissaat.
Innarluutillit eqqarsaatigalugit
nuannaarutigaara siunertarineqarmat ukiut killissarititat, tassalu ukiut aalajangersimasut
atorunnaarsinneqartussaammata, tassami soorlu inimi maani arlaleriarlunga
oqartareernittut innarluuteqaraanni tamanna 60-inik imaluunniit 63-inik ukioqalernikkut qaangerneqarneq ajortoq. Aammami qularnanngilaq innarluuteqarneq
utoqqarmut sanngiillilernermi suli malunnarnerulersartoq ukiut tamakku
angusimagaanni.
Taamatut naatsumik oqaaseqarlunga
nassuiaat akuersaarlugu tusaatissatut tiguara.
Mikael Petersen, Isumaginninnermut, Suliffeqarnermut Pisortallu
Suliassaqarfitaannut Naalakkersuisoq:
Partiit oqaaseqartui assigiinngitsunik
innersuussuteqarput aammalu apeqqutinik ataasiakkaanik naalakkersuisunut
saqqummiussaqarlutik. Isumaginninikkut ingerlatsineq pillugu nassuiaat
isumaqarpunga partiit ataasiakkaat tamarmik oqariartuutigigaat
nassuiaatigineqartut tassani akuersaarlugit aammalu naalakkersuisut
tungaaninngaanniit suliassatut pilersaarutigineqartut saqqummiunneartut aamma
taakkua akuersaarneqartutut paasivakka, ilami allaat Siumumin-ngaanniit
oqaatigineqartut assigiinngitsut nuannaarutigaakka, tassami imatut oqarlanga,
ersarilluinnartumik paasineqarsimasut paasivara naalakkersuisut
tungaaninngaanniit ullumikkut isumaginninikkut ingerlatsineq pillugu killiffiup
ingerlariaqqinnissaa eqqarsaatigalugu suliniutissat naalakkersuisut
saqqummiussaat paasineqarluarsimasut.
Aamma taamatuttaaq soorunami paasivara
partiit allat tamarmik naggataatigut oqarmata tusaatissatut tigullugu aammalu
suliassat pineqartut ingerlaqinnissaat kaammatuutigalugu.
Atassumminngaanniit apeqqutigineqarpoq
meeqqat tapiinut tunngatillugu 6 mio. taakkua qanoq pineqarsimaneri.
Erseqqissaatigilaarlara taakkua aaneqanngitsoortarsimasut 6 mio.-nit suut
pineqarnersut naalakkersuisut nalummatigit, aamma naalakkeruisuninngaanniit
saqqummiisoqanngisaannarnikuuvoq 6 mio.-nit aaneqanngitsoortartut.
Uani pineqarput aningaasaliissutaasartut
amerlavallaarneri, tassa 6 mio.-nik amerlanaakkanik aningaasaliisoqarsimavoq
aammalu taamaalilluni soorunami meeqqat eqqarsaatigalugit angajoqaat tapinik
pisarput, angajoqqaat meerartallit aningaasarsiaqaraangamik 280.000,-it
ataalugit qinnuteqarsinnaapput tapinik piniarlutik, qinnuteqarsimasullu taakkua
naatsorsuutigaara tamarmik pisartut. Aamma kommunininngaanniit
ilisimatinneqanngilanga aaneqanngitsoortartunik aamma Landskarsiminngaanniit,
uagutsininngaanniit immikkoortinneqartartut aningaasat taakkua 50
mio.-ngajaasut qinnuteqaatigineqarneri naapertorlugit kommuninut
ingerlateqqinneqartarput.
Taamaattoqarsimassappat,
aaneqanngitsoortartoqarsimassappat tamanna taava kommunit nalussanngilaat,
kisianni tassa oqaatigaara naalakkersuisutut ilisimatinneqarsimanngilanga
taamaattoqarneranik. Suminngaanneeraluarnersoq taanna oqallinneq uanga
akisussaaffiginngilara, aallartitsisimasut taanna akisussaaffigissavaat.
Ineqarnermut meeqqanut tapiissutit
eqqarsaatigalugit kiisalu aamma ineqarnermut nalinnginnaasumik
tapiissuteqartarnerit pillugit Atassumminngaanniit aamma Inuit
Ataqatigiinninngaanniit Siumumiillu
soorunami saqqummiisoqarpoq. Taakkua tamaasa ataatsimut immikkoortinnagit
akissuteqarfigissavakka partiit tamaasa ataatsimut, tassa saqqummiunneqartut
assigiiaarmata.
Matumani nassuiaammi oqaatigineqarpoq
naatsorsuutit 1997-minngaanneersut naapertorlugit isumaginninikkut aningaasartuutit
Namminersornerullutik Oqartussanit kommuninillu, tassa pisortanit,
ingerlanneqartut 1,3 mia. sinneqartut. Milliardit, aningasarpassuupput
nunatsinni aningaasanut ingerlaartitsineq ataatsimut qiviarutsigu
procenterpassuullutik. Kisianni taakkua katinnerat 1,3 mia-tiusoq
assersuutigiinnarlugu oqaatigissagutsigu Landskarsip budgetia 4 mia-nik
imaqartoq qiviarutsigu takusinnaalerparput qanoq aningaasat amerlatigisut.
Kisianni soorunami 1,3 mia-inik oqalunnitsinni nunatsinni aningaasat
kaaviaartinneqartut tamaasa eqqarsaatigisariaqarpavut. Ullumikkorpiarlu taakkua
kisitsisit uanga soorunami oqaatigisinnaanngilakka qasserpiaanersut, kisianni
kommunit aningaasaqarniarnerat aammalu kaaviaartitsinerat, pisortat ataatsimut
kaaviaartitsinerat eqqarsaatigalugu 1,3 mia.-it isumaginninnerup tungaanut
atorneqartartut imaannaanngillat.
Taakkua iluini ikiorsiissutinut
atorneqartarput 164 mio.-nit taakkualu saniatigut meeqqat tapiinut,
ineqarnermut tapiissutinut, ineqarnermut meeqqanut tapinut taakkua ataatsimut
katikkaanni 100 mio.-nit missaaniipput. Tassa immaappoq ikiorsisarneq pillugu
iluarsaaqqinnissami inatsisitigut naapertuuttungorsaanissami aningaasat
qissimigaangassat amerlasoorujussuupput, taamaattumik oqariartuutigaara
naalakkersuisuninngaanniit maannga oqaannarluni pineq ajornarpoq, ineqarnermut
tapiissutit peqqussutikkut allanngortitseqqaarluni kinguneqartussat massakkut
imaaliallaannarsinnaanngilavut. Ataqatigiissaarisoqartariaqarpoq tassani
aammalu kattuffiit kommunillu suleqatigilluinnarlugit tamanna suliarineqartariaqarluni.
Taamaattumik 1999 naalakkersuisuninngaanniit inassutigaarput atorneqassasoq
ikiorsiissutitigut nutarterinermut, inatsisit nutarterneqarnerinut
taamaalilluni 2000-minngaanniit aningaasartalerlugu aaqqiineqarsinnaaqqullugu.
Neriuppunga tamanna partiit tamarmik
paasisasgaat aammalu Kattusseqatigiit.
Taassuma saniatigut naalakkersuini aajuna,
naasuiaammi aamma oqariartuuterput pisariaqartoq paaqqinnittarfitsigut aamma
aaqqissuusseqqitoqartariaqarnerani. Isumaginninnikkut ulloq unnuarlu
paaqqinnittarfiit, ulluunerani paaqqinnittarfiit nunatsinni
ingerlanneqarnerannut aningaasartuutit annikigisasaanngillat. Taamaattumik
pingaartipparput soorlu Inunnik Isumaginninnermut Ataatsimiititaliarsuup aamma
kaammattuutigereersimagaa paaqqinnittarfitsigut nutarterisoqarnissaa, tassani
peqqinnissaqarfik, Inunnik isumaginnittoqarfik, kommunit
suleqatigiiffigisaannik. Utoqqaat illui eqqarsaatigalugit, utoqqaat
paaqqutarineqartariaqalersimasut peqqinnissakkutaaq aamma ilanngullugit
eqqarsaatigalugit, plejehjemmit eqqarsaatigalugit. Ilami aamma innarluutillit
paaqqinnittarfii eqqarsaatigalugit nunatsinni nutarterinissaq pisariaqarpoq,
sanaartornissarlu taanna puigornagu.
Taamaattumik nunatsinni siunissami
paaqqinnittarfitsigut ilusilersuinissarput suliasaavoq
pilersaarusiugassaasorlu, taanna naalakkersuisut aamma aallartinniarpaat.
Tamatumani pingaartinneqassaaq aamma aningaasatigut aningaasartuutitigullu
annikillisaanissamut periarfissat, imaanngitsoq ikiorneqartussat atugarisaasa
ajortinnissaat siunertaasoq, naamerluinnaq, atugarisat
pitsanngoriartiitigalugit pisortat aningaasartuutaasa
annikkillisarneqarsinnaaneri misissugassaavoq annertooq.
Inuusuttut Inaat immikkut eqqaaneqarpoq,
tassungalu tunngatillugu oqaatigilara ulloq unnuarlu paaqqinnittarfiit
eqqarsaatigalugit ingerlatsinerit nalilersoqqissaarneqarmata, ullumikkullu
ingerlatsinerput eqqarsaatigalugu meeqqat inuusuttuaqqallu sullinneqarnerini
paaqqinnittarfiit sukumiisumik suliarineqarput,.tamanna nalakkersuisut
akisussaaffigaarput taamaattumillu suliaraarput. Siorna Inatsisartuni tamakku
oqallisigineqarmata aamma ilanngullugu piumasaavoq nalilersuiffigineqarnissaa,
taamaattumik Inatisartut avaqqullugit sulisoqanngilaq, naalakkersuisuni Inatsisartut
suliassiissutaat naapertorlugit suligatta aammalu Inunnik Isumaginninermi
Iluarsaaqqinnissami Ataatsimiititaliarsuup suliakkiissutaanut malinnaasitsieq
ingerlaavarmat, aamma sulianut taanna ilaalluni. Erseqqissaatigilara Inuusuttut
Inaat pillugu paaseqatigiiffiusumik kommunillu taanna ingerlakkatsigut aammalu
Aasianni kommunalbestyrelsi ataatsimeeqatigereersimagakku tamakku
naalakkersuisuninngaanniit siunertavut pillugit, aamma meeqqat inuusuttuaqqallu
ulloq unnuarlu paaqqinnittarfiisa ingerlatitaanerat atuisunit
akilersorneqarmat. Tassa kommunit akilertarpaat atuineq naapertorlugu,
taammaattumik oqaatigilara Inuusuttut Inaat Aasianni akisoorojorujussuuvoq
sulianut naammassisaqarfiusunut naapertuuttuunani. Atorneqarnera
annikitsuinnanngorsimavoq naggataatigut allaat sulisorpassuit inuusuttuaqqat
paarineqartut pingasuinnanngorsimallutik. Taamaattumik atuineq naapertorlugu
aamma pisariaqartitsineq naapettorlugu paaqqinnitaarfitsigut
ilusilersuinissarput suliaraarput. Aamma Aasianni Inuusuttut Inaat asuli matuinnarneqarnavianngilaq,
suleqatigiissitaqarpugut uagut naalakkersuisoqarfitsinniit KIIP-miillu, Aasiaat
kommunianiit peqataaffigineqartumit, Inuusuttut Inaanni illuutik taakkua
Inuusuttut Inaattut atorneqaraluartut pitsaanerpaamik qanoq atorneqarnissaannik
siunnersuusiortumik.
Erseqqissaatigissavara kommuni
saneqqutiinnarlugu iliortoqanngimmat aamma kommuni suleqatigalugu illuutit
taakkua qanoq atorneqarnissaat aaqqiivigissagatsigu. Atorluarsinnaasorsuupput, nutaarsugamik
kusanaqaat, atagu akilersinnaanerpaamik atorneqarnissaat taanna
siunertariniartigu.
Taakkua saniatigut oqariartuutigineqartut
kaammatuutigineqartut naalakkersuisuni naammassiniarumaarpavut, suliarput
annertooq ingerlaqqittussaavoq partiiniillu Kattusseqatigiinniillu
piumasarineqartut taakku ilanngullugit suliatsinnut suliariumaarpavut.
Naggataatigut Inuit Ataqatigiit
oqaaseqartuanut oqaatigissavara ingerlatsinermut, una ingerlatsinerinnarmut
nassuiaataasuuppat, ila annertussagaluaqaaq, kisianni tassa naalakkersuinikkut
ingerlatsineq pillugu nassuiaataavoq, tamanna takusinnaanngikkaanni isit suut
aallaavigalugit isiginninnertut isigineqarsimassagaluarnerpa.
Partiit allat tamarmik paasilluarpaat,
nuannaarutigaat. Nasuiaat assiliarsuartut kusanartuliatut isigineqarsimassappat
tupigaara pissutigalugu nassuiaammi ajornartorsiutit ersarilluinnaqqissaartumik
taakkartorneqarsimammata, aammalu aningaasanut tunngasortai. Aamma nassuiaammi
nassuiaaginnarnani naalakkersuisuniit suliat qanoq ingerlanneqarsimanerat
taakkartorneqarmat.
Kisianni siunissami isumaginninikkut
ingerlatsineq pillugu nassuiaasarneq taanna sunik immersorneqasssanersoq
qanorlu ilusilersorneqassanersoq pillugu Ataatsimiititaliaq oqaloqatigissallugu
piareersimavugut.
Marianne Jensen, Peqqinnissamut Ilisimatusanermut Avatangiisinut
Pinngortitalerinermullu Naalakkersuisoq:
Naatsunnguamik ilassuteqalaassaanga, tassa
qujassutigerusuppara oqaluttunit arlalinnit Paarisa-p pilerseqqinneqarnerminiit
sulinera iluarisimaarlugu oqaatigineqartunut. Suleqatigiittariaqartut akornanni
suleqatigiinneq ineriartortilluarneqarpoq tamannami aamma pisariaqavippoq
sulilu ineriartorteqqitariaqarluni.
Atassutip oqaluttuata Jakob Sivertsen -ip
apeqqutigivaa pinaveersaartitsinermi siunnersortit misiliutitut
atorfinitsitaanerat qaqugu naammassissanersoq aammalu pinaveersaartitsinermut
siunnersortit akissaasersorneqarnerannut tunngasumik apeqquteqarluni.
Taakkununnga tunngatillugu oqaatigissavara tassa eqqaamaneqassammat
Inatsisartut aningaasaliimmata 1997-ip ingerlanerani misiliutaasumik
pinaveersaartitsinermi siunnersortinik kommunit ilaanni
atorfinitsitsisinnaanermut Namminersornerulluitk Oqartussat akiligaannik.
Tamatuma kinguneraa kommunit ilaannaat pinnatik kisiannili aamma kommunit tamarmik
nunatsinni pinaveersaartitsinermik siunnersortinik atorfinitsitsinissaannut
Namminersornerullutik Oqartussat affaa tikillugu aningaasarsiaasa
tapiisinnaanerminnut Inatsisartuninngaanniit 1998-mi Aningaasanut Inatsit
aqqutigalugu aammalu ukiuni tulliuttuni taamatut periarfissiilluni
aaqqiisoqarmat. Tassalu tamaalilluni 1997-i misiligutaagallartumik
ikingerlatsineq maanna Inatsiartut aningaasaliineratigut misiligutaajunnaarluni
ataavartussanngorluni aaqqiivigineqarmat.
Aningaasarsianut tunngatillugu
oqaatigissavara isumaqatiiginniarnerit pinaveersaartitsinermut siunnersortit
aningaasarsiassaannut tunngasut KANUKOKA-miit ingerlanneqartarmata aammalu
nalunngilara tassani sumiiffinni ataasiakkaani pissusiviusut allaavigalugit
isumaqatigiinniarnerit ingelanneqartartut.
Tamatuma saniatigut
kommuneqarfiupavataaningaanniit pinaveersaartitsinermut siunnersortinik
kommuneqarfimmi atorfinitsitsisoqassatillugu tassunga nuunnermut tunngasumik
aningaasartuutit aamma matuneqartarput kiissalu aamma Inatsisartut
aningaasaliinerisigut pinaveersaartitsinermut siunnersortit ukiumoortumik
naapeqatigiittarneri tassanilu isumasioqatigiinneq pikkorissartitsinertalik
aamma taakkua Inatsisartuniit aningaasaliiffigineqarput. Tassa taamaalillunga
neriuppugut soorunami massakkut misilittakkat pigileriikkavut tunngavigalugit
taamatut ingerlatsineq aamma ukiuni tulliuttuni periarfissinneqartarumaassasoq.
Ukiup siulliup ingerlasimanera 1997 aallarnerfigalugu
tassani naliliineq ukiaq imaluunnit ukiup aallartinnerani 1998-mi Paarisa
pillugu nassuiaammi Inatsissartunut saqqummiunneqartumi tamanna aamma
oqaluttuarineqarpoq kiisalu aamma oqaatigissavara ukiup aappaata
ingerlasimasinera pillugu naliliineq, tassa 1998-mi ingerlasimaneq, tamanna
pillugu naalakkersuisut siunniussaqarmata upernaamut Inatsisartut 1999-mi
ataatsimiinnissaanni aamma Paarisa pillugu nassuiaammik tamakku ilanngullugit
nassuiaassiffigineqarnissaat.
Ruth Heilmann, Siumut:
Tassa aamma uanga Simuminngaanniit
saqqummiussamut oqaaaserisagut naalakkersuisunit oqaaseqarfiigneqarmata aamma
qujavugut ilassilluarneqarlutillu aamma partiinit allat oqaaserisaat aamma
tassuunakkut isumaqatigiittorujussuugatta, kiisalu aamma naalakkersuisup
Inatsisartuni Isumaginninnermut Suliffeqarnermullu Ataatsimiititaliaanut
suleqatiginnikkusunnera, taanna assut
aamma soqutigaarput, tassami aamma Siumumi taamatut kissaateqarpugut. Una aatsaat
siullermeerutaammat, taamaattumik aamma isikkumigut aamma imarisamigut
pitsaasuunissaa tamatta kissaatigilluinnaratsigu.
Uani oqaatigerusuppara
paaqqinnittarfeqarnermut tunngasut, tassa Iluarsaaqqinnermut
Ataatsimiititaliarsuup aamma kaammattuutigimmagu paaqqinnittarfeqarnerup
pitsaanerpaamik aaqqinneqarnissaa, tassani nalunnginnatsigu sulerusukkaluartut
ilaatigut sivisoorsuarmik utaqqisariaqartartut meqqerivimmiititsiniarlutik
aammalu maannakkut NUKA A/S pilernera ilutigalugu qularnanngitsumik
nunaqarfinni aamma pisariaqartitisneq annertunerulissaaq aammalu uani
Iluarsaaqqinnermut Ataatsimiititaliarsuup aamma nunaqarfinni meeqqerivinnik
pilersitsiortornissaq aamma taanna kaammattuutaasa ilagisaat isumaqarpunga
aamma ilanngullugu eqqarsaatigineqartariaqartut.
Kiisalu uani sammisassaqartitsiviit
eqqarsaatigalugit suliffissaaleqisut, innarluutillit allallu immikkut
nakkutigineqarlutik angerlarsimaffinniiginnartut sammisaqartarnissaat
ornittagaqartarnissaat eqqarsaatigalugu illut sulliviit sinerissamiittut aamma
atorluarneqarsinnaannerat kiisalu aamma katersortarfiit
sammisassaqaqrtitsivittut allallu timersortarfiit, klubbiit aamma ataatsimut taakkua qanoq aaqqissuussisarnissaasa
aamma eqqumaffigineqarnissaat isumaqarpunga pisariaqartuusoq. Inuuneq Nakuunermut
uani aamma saqqummiunneqartumut allaaserineqarput erseqqissumik suut
tapiiffigineqarsinnaanermut periarfissaqartut taamatut ilaatigut aaqqissuussiniassagaanni,
pingaartumik aamma imigassartaqanngitsumik tassani qinnuteqartoqarsinaalluni,
uanilu Inuuneq Nakuunermut aamma saqqummiunneqartut ilaat nalunngilluagarput
sap. akunnerisa 18-ani aaqqissuussat imigassartorfiunngitsumik, immikkut ingerlanneqartartut ukiut tamaasa
tapiissuteqarfigineqartarput. Taanna uparualaarusullugu, tassa imatut
isumaqalersitsisinnaasoralugu sap. akunnera taanna kisiat imissanngitsugut,
tassa ukioq tamaat pinaveersaartitsiffiuvoq, ukioq tamaat akiuniarfiuvoq
taamaattumik periarfissaq taanna tamaat atortariaqarpoq immikkut sap.
akunnerani taanna 18-ni taanngikkaluarlugu.
Lars Sĝrensen, Inuit Ataqatigiit:
Tassaana naalakkersuisup oqaasianut
ilaatigut akissuteqartariaqarsorigama neriuutigissvara Isumaginninermut
naalakkersuisup isumaginninnermut ingerlatsineq siunissami niuernerpalaartumik
imaluunniit niuernerpalaartoq tunngavigalugu imaluunniit akitieselskabitut
ingerlanneqarnissaa taanna mianersuutariaqaraa.
Inuit Ataqatigiinninngaannit
oqaatigivarput nalunaarusiami aammalu saqqummiussami oqaatigineqarpoq meeqqaat
inuusuttullu ajornartorsiutaat aatsaat taama annertutigipput, taamaattumik
meeqqanut inuusuttunullu paaqqinniffinnik matusiinnarnissaq taanna soorunami
soqutigineqartariaqanngilaq.
Isumaginninnermi ingerlatsinermi
nassuiaatip saqqummiunneqartup politikkikkut imaqannginnera imaluunniit
imaqarnera taanna isumaqarpunga assortuussutaasariaqanngitsoq, kisianni aamma
Siumukkormiut ersarissumik oqaatigivaat nammineerlutik nassuiaat
pakatsissutigamikku, tassami suliat ingerlareersut annertunerusumik
politikkikkut isummersorfigineqanngitsut nassuiaammi tamatumani pineqarmata.
Kisianni isumaginninnermi ingerlatsinermi
inuup nammineq napatissinnaannissaa tamatumani pingaartinneqartariaqarpoq,
oqaannartoqarsinnaanngilaq 1,3 mio.-inik anigaasartuutigut
ikilisarneqartariaqartut, illua-tungaanilu oqalulluni ulluinnarni
ikiorsiissutit assigiinngitsullu pitanngorsarneqartariaqarput. Taakkua oqaatsit
imminnut ataqatigiinngillat, tamaattumik sapinngisamik suliniarnermi tamatigut
ataqatigiissaarinissaq, pinaveersartitsiniaraanni aamma pinngitsoornani
ikiorsiissoqartariaqarpoq, ikiorsiisoqanngippat, katsorsaasoqanngippat, taava
aamma ajornartorsiutit assigiinngitsut takkuttut
aaqqinninarneqarsinnaanngillat.
Aamma oqartariaqarpugut
aningaasartuutikillisaaginnarnissaq eqqarsaatigissagaanni, massakkut
suliffissaaleqisut, ilisimavarput sapaatip akunneranut taamaallaat 250 kr.-it
inuusutiginiarsarisarpaat. Taakkua ikilisaavigineqassappata taava sumut
ingerlassuugut? Oqareernitsituut Inuit Ataqatigiinniit inuup nammineq
napatissinnaanissaa pingaartuuvoq, inuit ikiorneqartariaqartut ikiorneqartariaqarput,
inuillu ikiorneqarnissamik pisariaqartitsinngitsut taakkua
kingulliunniarneqartariaqarput, tamaattumik suleriaqqinnissani assigiinngitsuni
immitsinnut isummersueqatigiinnissarput taanna saneqqussinnaanngilarput, aamma
saqqummiusaq, nassuiaat saqqummiunneqartoq kattuffiit ilaanninngaannit
qalipakkatut kusanartutut oqaatigineqarnera, tamatumani soorunami
eqqarsaatigineqarpoq, taamatut aaqqiinniartoqaraanngat aningaasarparparujussuit
tamatumani pineqartarmata, aammalu pitsanngorsaaniaraanni amerlanerparpaatigut
tamatumani aamma aningaasat uniffiusarmata, taamaattumik suleqqatigiinnissaq,
ataqatigiissaarinissarlu taanna tamanit pingaartinneqartariaqarpoq,
pingaartumillu aamma KANUKOKA kattuffiillu pinngitsoornatik qanimut
suleqatigeqqissarneqartariaqarput, inatsisiliagummi kusanartut naammanngillat,
amerlanertigut aningasartai kingulliullugit aaqqinniarneqaraanngata taava aamma
inatsisiliat kusanartut atorsinnaanngitsutut allaat oqaatigineqartarput.
Taamaattumik ingerlariaqqinnissami suleqatigiinnissaq kattuffinnik taavalu
aamma peqatigiiffinnik taanna pingaartinneqartariaqarpoq.
Jakob Sivertsen, Atassut:
Naatsunngumik, tassa una 6 mio.-it
malersorqqinniarpakka, tusagassiuutaannakkut tusarlugit ajorpoq,
paasineqartariaqarpoq aamma angajoqqaat paasiumavaat. Aningaasalerparput
meeqqanut tapiissutit 100 procentimik, aamma eqqortumik atortinneqarnissaat
pisussaaffigaarput, taamaattumik taakku sinnerussimappata, taava immaqa allatut
atorneqasinnaanisaat aamma isummerfigineqartariaqarpoq.
Inatsisartuni sulinermi pingartittarpara
aningaasaliissutit eqqortumik atorneqarnissaat, pingaartumik meeqqanut
inuusuttunullu tunngasut. Neriuppunga taanna ulluni qaninnerni
tusagassiuutaannartut oqallissutaajunnaarluni naalakkersuisuni erseqqissumik tusagassiuutitigut
aaqqissoqarsinnaajumaartoq.
Siunnersorteqarnermut tunngassumik
ajornartorsiut uagut aamma misilittagaqarfigigatsigit naluneqanngilaq
Ammassallip kommunia assigiinngitsorpassuarnik aamma ajornartorsiuteqarfiusoq.
Tamakku tunngavigalugit periarfissaq, tassa siunnersorteqalernissamik
periarfissaq aallarnerlugu qinnuteqarsimavoq kommuni, kisiat akissaatit
peqqutigiinnarlugit piukkunnartuugaluit ilaatigut atorfimmut pinngitsoorpagut,
taamaammat pisariaqartissimagiga misiligutitut atorneqarnerat
killeqartariaqarpoq, aamma nalunngilarput iluaqutaalluartorujussuupput,
tamaattumik isumaqatigiinniarnerit akissaatit tungaatigut piaartumik
aaqqinneqarnissaat aamma kissaatigissavara ilaatigut kommunit
atorfinitsitsiniarnerminni inuit piukkussarigaluatik
pissarsiarinngitsoortamassuk akissaatitigut aaqqiissoqannginnera suli
peqqutigalugu.
Anthon Frederiksen, Kattusseqatigiit:
1997-imi upernaakkut Isumaginninnermut
Ataatsimiititaliarsuup isumaliutissiisunni saqqummiummagu taamanikkut oqaaserparujussuit
aammalumi tamanna sioqqullugu oqaaserparujussuit anninneqarput. Matumani nassuiaammi oqaaseqarninni
innersuussinera Isumaginninnermut Ataatsimiititaliarsuup
isumaliutissiissutaanut, soorunami aamma partiit maani oqaluttuisa
saqqummiinerat tunngavigalugu tusaasinnaavara soorunami Ataatsimiititaliarsuup
suliarujussua annertooq tununneqarani nassuiaammi matumani ilanngullugu aamma
suleriaqqinnermi atorneqartussaasoq, taamaatumik saqqummiussininni
takivallaangitsumik oqaaseqarlunga naatsorsuutigilluinnarlugulu Inunnik
Isumaginninnermut Ataatsimiititaliarsuup sineriak tamaat tusarniaaffigalugu
angalaffigereersimallugu, pissutsit piviusut tunngavigalugit ingerlatsisimanera
ataqqillugu aamma Inatsisartuni suleriaqqinnissami nassuiaammut aamma ilanngullugu
sulinissami puigorneqarani soorunami ingerlaqqinnissaa
naatsorsuutigilluinnarunarparput tamatta, taamaattumik annerusumik
eqqartueqqinnanga qalleqqissaaqqinnangalu tamakku oqaatsit ajunngitsorpassuit
annittarsimasagut puigorneqaratik ingerlatseqqineqarnissaat pingaartipparput.
Mikael Petersen, Isumaginninnermut, Suliffeqarnermut, Pisortallu
Suliffeqarfiutaanut naalakkersuisut:
Siumuminngaaniit Ruth Heilmannip
oqaatigisaa nunaqarfinni paaqqinnittarfinnut tunngatillugu, taanna pisariaqartinneqaleriartortoq
ammalu nunaqarfinni suliffissuaqarnerup ineriartortinneqalerneratigut,
ersarissumik minnerunngitsumik aalisagaqarfiusuni, tamanna
pisariaqartinneqartoq, tamanna naalakkersuisuni arajutsisimanngilarput, aamma
nunaqarfinni paaqqinnittarfitsigut aaqqissuussisinnaanerit massakkut
suliarineqarput, tamatumani soorlu oqaatigigiga paaqqinnittarfitsigut
iluarsaaqqinnissaq pisariaqartoq.
Erseqqissatigissavara nalunaarutissaq
naalakkersuisuni suliarineqarmat, meeqqanik paaqqinnittarfiit ulluunerani
meeqqanik paaqqinnittarfiit pillugit, taanna nutaamik aaqqissuusseqqinnissaq
siunertaralugu, tassa pisortat kisiinnangajammik meeqqanik ulluunerani
paaqqinnittarfinnik akisussaaffeqartinneqarput. Tamatumani ilaatigut
misiliinissat ingerlanneqarumaarput annertuut, tassa sulifeqarfiit annertuut
paaqqinnittarfitsigut soorlu misilittagaqalersimapput Royal Greenlandikkut,
soorlu Maniitsumik tamanna misilinneqarsimasoq, kisianni suliffeqarfiit
piumasut sulisorpassuallit paaqqinnittarfinnik ingerlatsinissaminnut
ammaaneqarnissaat, tamakku eqqartorneqartareersimasut Inatsisartuni
ilanngullugit nalunaarummi suliariniarneqarput. Taakkualu sanitigut aamma
nunaqarfinni, nunaqarfinnut tulluuttunik meeqqanik paaqqinnittarfinnik
ingerlatsisinnaaneq aamma suliariniarneqarluni. Tassa piumasaqaatit
inatsisitigut, nalunaarutikkut aalajangersarneqartussat, taakkua
tunngaviliisussaasapput ulluunerani meeqqanik paaqqinnittarfinnik
ingerlatsinikkut aammalu pilersitsisinnaanikkut piumasaqaatinik nutarterinermi.
Neriussuunga taakkua soorunami
naammassineqariarpata tamakkiisumik aamma nalunaarusiorneq naalakkersuisut
akisussaaffigimmassuk, kisianni tusarniaanerit pingaarteqaavut, aamma tassani
Inatsisartut Ataatsimiititaliaat uangattaaq pingaartippara tamatumani aamma isumasiorneqarnissaa.
Inuit Ataqatigiit oqaaseqartuata
oqaaserisaa kingulliit oqaaseqarfigilaasavakka, tassa inunnik isumaginnineq
niuerutiginianngilarput, oqaatigiinnarpara ullumikkut immaqa
pissarsiarineqartartumut naleqqiullugu isumaginninnikkut isumgineqartunullu
pissarsiarineqartartunut naleqqiullugu aningaartuutigut amerlavallaarput.
Tamanna assortuussutigisinnaavarput, kisianni naalakkersuisuni tamanna
arajutsisimannginnatigu oqaatigaarput nalilersueqqissaartoqartariaqartoq, isumaginninneq
pitsaanerusariaqarpoq aamma aningaasartuutit qissimigaartariaqarput.
Ilami 6 mio.-it ukiumut ulloq unnuarlu
paaqqinnittarfimmut atussagaanni taava aamma meqqaat isumagineqartussatut
siunertarineqartut aamma isumagineqartariaqarput. Imaattoqarsinnaanngilaq 6
mio.-it atorigut meerartaqanngitsumi isumagineqartumi inoqanngitsumi, tamanna
ajorpoq, taannaana pigiga, naleqquttariaqarpoq aammalu inatsisitigut
piumasaqaatit, isumaginninnikkut piumasaqaatit naammassineqarsinnaasariaqarput
aningaasaliissutissagut, tamanna puigussanngilarput. Naamerluinnaq tunisassiunngilagut uani
isumaginninnermi, kisianni
isumaginninnissaruna pitsaanerpaaq anguniarlugu aamma paaqqinnittarfiit ilusilersorneqartariaqartut,
taamaappoq, tassuuna assortuukkunnanngilagut.
Atassumminngaannit oqaatigineqartoq 6
mio.-inut tunngatillugu, taakkua tusagassiuutitigut naalakkersuisut
nalunaaruteqartareerput, aamma neriuppunga tassa oqallinneq tusagassiuutitigut
unitsinneqarpoq, naalakkersuisuniit nalunaaruteqaratta, tassa paatsoorneq annertungaatiartoq
taanna pisimasoq ajuusaarnarpoq, kisianni neriuppunga massakkut
paasineqarsimassasoq, aamma tusagassiutinut taanna ingerlanneqartareersimavoq
naalakkersuisut tungaanninngaannit, kisianni taanna uningaarfiginagu
neriuppunga suleqatigiissitaq pilersinneqartussaq, suleqatigiissitarsuaq
ikiorsiissutitigut aaqqissuusseqqinnissamik suliaqartussaq naalakkersuisut
aamma Inatsisartut massakkut kaammattuutaannik ilaqartinneqartunik
suliaqartussaq, taanna kinguneqartitsilluarumaartoq meeqqat tapii eqqarsaatigalugit,
ineqarnermut meeqqanut tapit aammalu nalinginnaasumik ineqarnermut tapiissutit
pillugit nutaamik aaqqiinnernik.
Paatsoortoqaqqunagu ullumikkut meeqqat
tapii tassaammata angajoqqaanut tapiissutit, taamatut peqqussut oqarpoq,
angajoqqaat isertitaannut tapiissutaammata, imaanngitsoq meeqqanut
ataasiakkaannut tunngatinneqartut, taanna paaseqqussavara, taamaattumik
nalilersugassat ilagissavaat Atassutip oqaaseqartuata oqaatigisaa, meeqqanut
tunngatitanut aaqqiissoqarsinnaannera ilanngullugu naliligassarisariaqartoq.
Taamannak oqaaseqarlunga qujavunga
kaammaattuutinut assigiingitsunut oqaatigineqartunullu, soorlu oqatigereeriga
Inatsisartut Isumaginninnermut Suliffeqarnermullu Ataatsimiititaliaat oqaloqatigissallugu
piareersimavunga nassuiaatip siunissami, nutaanilluunniit
naalakkersuisun-ngortoqaraluarpat, nassuiaataasarumaartussat imarisinnaasai
pillugit ullumikkut misilittakkagut aallaavigalugit taama ilusiliinissamut.
Anders Andreassen, Inatsisartut Siulittaasuat:
Qujanaq. Tassa
taamaalilluni ullumikkut oqaluuserisassaq imikkoortoq 46 Isumaginninnermik
ingerlatsineq pillugu nassuiaat tussatissatut tiguneqarpoq.