Oqaluuserisassani immikkoortoq 99 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Tallimanngorneq 30. oktober
1998
Ataatsimiinnermik
aqutsisoq: Inatsisartut
Siulittaasuat Anders Andreassen.
Kristine Raahauge, Ataatsimiititaliap siulittaasua, Siumut:
Landskarsip 1997-imut
naatsorsuutaanut Landskarsip Naatsorsuutaasa kukkunersiorneqartarneqanut
Ataatsimiititaliamiit isumaliutissiissut saqqummiutissavara.
Isumaliutissiissummi pineqarput,
aallaqqaasiullugu Landskarsip Naatsorsuutaasa Kukkunersiorneqartarneranni
Ataatsimiititami ilaasortat,
Siulittaasoq Kristine
Raahauge, Siumut, Knud Sĝrensen, Atassut, Ruth Heilmann, Siumut, Lars Sĝrensen,
Inuit Ataqatigiit aamma Finn Karlsen, Atassut.
Landskarsip naatsorsuutaanut
isumaliutissiissummik tunniussinerup kingorna Inatsisartut ataatsimiitarfianni
isumaqatigiinnerit tunngavigalugit Inatsisartut inassuteqaataanik suliaqarnerminnik
nangitsipput.
Landskarsip Naatsorsuutaasa Kukkunersiorneqartarnerannut
Ataatsimiititamittaaq pissusissamisoortutut isigineqarpoq, ilassutitut
isumaliutissiissutikkut matumuuna Inatsisartunut inassuteqassalluni
kukkunersiuisut sorliit landskarsip naatsorsuutaanik ukiumut naatsorsuusiorfiusumut
1998-imut kukkunersuiuisuunissaat pillugu.
Inassuteqaat taanna
immikkoortup aappaani takuneqarsinnaavoq.
Landskarsip Naatsorsuutaasa
Kukkunersiorneqartarneranni Ataatsimiititattaaq suliap taassuma ingerlannerani pissusissamisoortutut
isigaa Ataatsimiititap suliassaasa, soorlu assersuutigalugu Inatsisartut
suleriaasiatigut erseqqinnerusumik nassuiaaneqartoqarneratigut, tamatumunnga
tunngasumik Inatsisartut siulittaasoqarfianut kaammattuutip immikkoortoq
pingajuanni takuneqarsinnaapput.
Landskarsip Naatsorsuutaasa
Kukkunersiorneqartarneranni Ataatsimiititami landskarsip naatsorsuutaanut
kukkunersiuisumik qinersinissaq Inatsisartunut inassuteqaataa,.Landskarsip
Naatsorsuutaasa Kukkunersiorneqartarneranni Ataatsimiititaliami
periarfissaasinnaasunik sukumiisumik oqallisereerluta isummerpugut
Inatsisartunut inassuteqarumalluta landskarsip naatsorsuutai ukiumut
naatsorsuusiorfiusumut matumunnga kukkunersiuisut Deloitte & Touche,
Statsautoriseret Revisionsselskab-imit kukkunersiorneqartarnerat
ingerlaannassasoq.
Landskarsip Naatsorsuutaasa
Kukkunersiorneqartarnerannut Ataatsimiititamit inassuteqaatit allat
aammattaaq Landskarsip Naatsorsuutaasa
Kukkunersiorneqartarneranut Ataatsimiititami Inatsisartunut siulittaasoqarfimmut
kaammattuutigineqarpoq Inatsisartut suleriaasiannut aalajangersakkanut
ilasisoqassasoq, taamaaliornikkut Ataatsimiititap suliassaanut tungasut
erseqqinneruleqqullugit.
Taamatullu suliassat taakku
Inatsisartut naalakkersuisullu pillugit Inatsisartut inatsisaani 7. oktober
1988-imeersumi erseqqissaavigineqartariaqarput.
Ataatsimiinneq manna
naammassippat suliap tamatuma aallartinneqarnissaa pillugu Inatsisartut
siulittaasoqarfiat Ataatsimiititamit attavigineqarumaarpoq.
Naggataatigut
oqaatigineqassaaq Ataatsimiititamit nuannaarutigineqarmat Inatsisartut
ataatsimiitarfianni oqallinermut atasumik matumani
isumaliutissiissutigineqartukkut qinikkat suliaasa nukittorsaavigineqarnerat
annertusarniarlugu tunngavissanik pilersitsisoqarmat.
Daniel Skifte, Aningaasaqarnermut Ineqarnermullu
Naalakkersuisoq:
Kukkunersiuinermut
Ataatsimiititaliap Namminersornerullutik Oqartussani sulianik kukkunersiuinerminut
tapiliussatut isumaliutissiissuteqarpoq.
Kukkunersiuinermut
Ataatsimiititaliap kukkunersiuisup tassanngaannartumik taarserneqarnissaanik
siunnersuuteqannginnera naalakkersuisut ilorraap tungaanut sammisutut
isumaqarfigaat, ilaatigut pissutigalugu kukkunersiuisup taarserneqarnissaanik
aalajangernissaq sukumiisumik suliareriikkamik tunngaveqarluni pisariaqarmat,
kiisalu pissutigaluguttaaq kukkunersiuisumik toqqaanissaq
tunngavissiuilluarluni Inatsisartunilu immikkut suliarineqarluni suliassaammat.
Taamaattumik naalakkersuisut
sinnerlugit suliassap Inatsisartut siulittaasoqarfiannut ingerlateqqinneqarnera
naammagisimaarlugu ilassivat, tassami Siulittaasoqarfiup inatsisiliornermi
allannguutissat suut ilanngunneqarnissaanik naalakkersuisunut
kissaatigisaqarnissaa erseqqissarneqartussaammat.
Taama oqaaseqarlunga suliassaq
Inatsisartunut suliassanngortippara.
Ruth Heilmann, Siumup oqaaseqartua:
Landskarsip 1997-imut
naatsorsuutaanut Landskarsip
Naatsorsuutaasa Kukkunersiorneqartarnerannut Ataatsimiititami
isumaliutissiissut aammalu naalakkersuisut paasinnillutik akissutaanut Siumuiit
qujassaagut.
Siumumiit Inatsisartuni
suleriaaseqarnerup nutarterneqarnera ilutigalugu aamma kukkunersiuisunik
Inatsisartut toqqaasalernissaannik malitassaqareernerput piviusunngortinniarlugu
suleqataasimanerput timitalerneqartussanngormat assut Siumumiit tamanna
iluarisimaarparput, mannalu piffissaq atorlugu siullermeertumik toqqaanissarput
pingaaruteqartuutipparput, tamaatuumik
Landskarsip Naatsorsuutaasa Kukkunersiorneqartarnerannut
Ataatsimiititaliap taamatut akuersaarluinnakkatsinnik
isumaliutissiissuteqarnerat Siumumiit tamakkiisumik taperserparput, aammalu
kukkunersiuisut Deloitte & Touche iluarisimaaratsigit ingerlatitseqqinnissaat
matumuuna inassutigineqartoq tamakkiisumik akuersaarlutigu.
Ataatsimiititaliami
suleqatigut qutsavigaagut, taamatullu naalakkersuisut paasinnillutik akuersaarnerat
pillugu qujangaarpugut, minnerunngitsumillu kukkunersiuisugut matumani suliami
suleqataasimasut suleqatigiilluartarnerput pillugu tamassa uummammik pisumik
qutsavigissavassi. Qujanaq.
Anders Nilsson, Atassup oqaaseqartua:
Atassut-minngaanniit
ilassutitut isumaliutissiissut taperserparput.
Lars Sĝrensen, Inuit Ataqatigiit:
Inuit Ataqatigiit
Inatsisartut Landskarsip Naatsorsuutaasa Kukkunersiorneqartarnerannut
Ataatsimiititaliaata isumaqatigiissup isumaliutissiissutaa akuersaarparput.
Inatsisartunullu
inassuteqaataa, tassa landskarsip naatsorsuutai ukiumut naatsorsuusiorfiusumut
tassa matumunnga 1998-imut kukkunersiusisut Deloitte & Touche,
naalagaaffimmit kukkunersiuinermut akuerisaasut kukkunersiuisuunissaat aamma
akuersaarparput.
Inuit Ataqatigiit
naatsorsuutigaarput Inatsisartut suleriaariaasiatigut ersarinnerusumik
ilasisoqarnissaa pillugu Inatsisartut siulittaasoqarfiat Ataatsimiititamit
qaminut paaseqatigiilluni suleriaaseqartoqarnissaa isumageqqullugu,
taamaalilluni siunissami landskarsip naatsorsuutai apeqquserneqarsinnaangitsumik
kukkunersiorneqartarnissaat anguneqarniassammat.
Taamatut naatsumik
oqaaseqarluta Kukkunersiunermut Ataatsimiititaliap isumaqatigiisup
isumaliutissiissutaa akuersaarparput.
Anthon Frederiksen, Kattusseqatigiit:
Landskarsip
Naatsorsuutaasa Kukkunersiorneqartarnerannut Ataatsimiititaliap inassuteqaataa
tamakkiisumik akuersaarpara.
Daniel Skifte, Aningaasaqarnermut Ineqarnermullu
Naalakkersuisoq:
Partiit oqaaseqartuinut
qujavugut aamalu Kattusseqatigiinnut. Siumut, Atassut, IA Kattusseqatigiillu
tamakkiisumik isumaqatigiimmata taamaattumik taamatut isikkoqarluni nalunaarutigineqarnera
nuannaarutigaarput, taavalu naggataatigut taamaallaat oqaatigeqqiinnassavara
Kukkunersiuinermi Ataatsimiititaliap sulilluarsimanera naalakkersuisut
sinnerlugit qujassutigigakku.
Anders Andreassen, ataatsimiinnermik aqutsisoq, Inatsisartut
Siulittaasuat:
Qujanaq, taamaalilluni
immikkoortoq 99, tassalu Namminersornerullutik Oqartussat naatsorsuuseriveqarnerat
il.il. pillugit Inatsisartut inatsisaani ' 5, immikkoortoq 1 naapertorlugu
kukkunersiuisunik naalagaaffimmit akuerisanik Inatsisartut qinersinerat
imaluunniit oqaluuserinninnerat naammassivoq.
Oqaluuserisaq naammassivoq.