Oqaluuserisassani immikkoortoq 95 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ataatsinngorneq 1.november
1999 nal. 14.57
Ataatsimiinnermik
aqutsisoq:
Inatsisartut Siulittaasuat Johan Lund Olsen:
Anthon Frederiksen, Kattusseqatigiit, apeqquteqartoq:
Qujanaq - nalunngilarput
nunatsinni sanaartukkanut assigiingitsunut iluarsartuussinissaq, 4 mia
sinnerligit naleqartussaq taastorsuutigineqartoq, aammalu ukiut 15-it missaani
ingerlanneqarnissaa ilimagineqartoq. Aamma ilisimavarput meeqqat atuarfiini
iluarsaatassarpassuit soorunami pisariaqartut annertoqisut, taamaattumik
apeqqutiginiarpara meeqqat atuarfiisa iluarsaanneqarnissaat qaqugu aammalu
qanoq tulleriinnilersorlugu ingerlanneqarniarnersoq.
Steffen
Ulrich-Lynge (S), Ineqarnermut Pilersuinermut Attaveqarnermullu Naalakkersuisoq:
Qiinutigissavara
naatsunnguamik aamma pingaarnersiuillunga saqqummiissallunga. Tassa meeqqat
atuarfiisa illutaasa nutarserlugillu iluarsaanneqarnissaannik sulissat qanoq
amerlatigisut ukiuni aggersuni aallartinneqarnissaat, suli erseqqssumik maanna
oqaatigineqarsinnaanngilaq.
Kisianni suliassat
atuarfeqarnermut tunngasut tulleriinnilersorneqassapput, qanoq
pisariaqartitsineq aamma pilersaarusiorneq aallaavigalugu,
tulleriinilersuinerit siuliini eqqartorneqartoq naapertorlugit.Suliassallu
taakku aallartinneqarumaarput tamakkut tunngavigalugit.
Anthon Frederiksen, Kattusseqatigiit apeqquteqartoq:
Qujanaq - tassa paasivara
taamatut iluarsaassiniarnermut maannakkut suliassat ingerlanneqartut aammalu
tulleriiaarinerit taakkua qularnanngitsumik kingusinnerusukkut ersainnerusumik
paasisinnaalerumaarlutigit, qujanaq.
Oqaluuserisaq naammassivoq.