Eqqaamasassat - Naalakkersuisunut apeqqutit:
Naalakkersuisunut apeqqutit Inatsisartut ataatsimiinneranni taamatullu ataatsimiinnerisa avataasigut tunniussivissamik piumasaqaatitaqanngitsumik saqqummiunneqarsinnaapput.
Apeqqutit naatsunnguussapput, ersarissuussapput, aalajangersimasumik oqaasertalersorneqassapput kiisalu tunngavilersuummik ilaqartinneqassallutik.
Apeqqutit akineqartarnerat allaffissornermik annertuumik suliaqarfiusarmat apeqqutinik nassitsinnginnermi apeqqutip assinga apeqqummulluunniit assingusoq siusinnerusukkut apeqqutigineqarsimanersoq imaluunniit assersuutigalugu Aningaasanut inatsimmi imaluunniit naalakkersuisut.gl aqqutigalugit apeqqut allatut paasissutissiissutigineqarsinnaanersoq misissorneqaqqaartassaaq.
Eqqaamallugu Naalakkersuisunut apeqqutit Inatsisartut Allattoqarfiannut tunniunneqartussaammata, tassani toqqorneqarnissaat, Naalakkersuisunut
nassiunneqarnissaat kiisalu nuutinneqarnerisa Inatsisartunut ilaasortanut agguaanneqarnissaat isumagineqassammata. Apeqqut pappiaranngorlugu imaluunniit qarasaarasiakkut uiggiussanngorlugu nassiunneqassaaq. Apeqqut kalaallisut danskisullu tunniunneqassaaq
Naalakkersuisunut apeqqutip suliarineqarneranut atatillugu ataatsimiititaliami allatsimik ikiorteqarsinnaavutit.
Apeqqutip Naalakkersuisunut nassiutinnginnerani iluserititassatut piumasaqaatit malinneqarsimanersut Inatsisartut Allattoqarfiata misissussavaa. Apeqqutit iluserititassanut piumasaqaatinik eqquutsitsinngitsut nassiunneqarsinnaanngillat.
Naalakkersuisunut apeqqutip aallartissutigisinnaasaatut assersuut:
|
25. januar 2018 1 Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut: 2 [Siunnersuuteqartup apeqqutaa] Inatsisartunut ilaasortaq [Siunnersuuteqartup aqqa], [Siunnersuuteqartup partii ilaasortaaffia] 3 Tunngavilersuut: 4 [Siunnersuuteqartup apeqqummik saqqummiussinerminut tunngaviusoq pillugu nassuiaataa] |
Nalunaarsukkanut nassuiaatit:
(1) Ulluliunneqartoq tassaavoq ulloq apeqqutip Inatsisartut Allattoqarfiannut nassiunneqarnerata ullua.
(2) Apeqqutip qulequtaa ima aallartinneqassaaq "Naalakkersuisunut apeqqut:"ersarissunngorlugulu allanneqassalluni.
(3) Siunnersuuteqartup taaguutaa, aqqa partii ilaasortaaffia apeqqutip sammineqartup qulequtaata atinnguani ungaluusap iluani nalunaarneqassapput. Partii ilaasortaaffittut nalunaarneqartoq tassaasinnaavoq "Siumut", "Inuit Ataqatigiit", "Atassut", "Demokraatit", "Partii Inuit", "Partii Naleraq" imaluunniit "Attaviitsoq".
(4) Immikkoortumut, apeqqutip sammineqartup tunngavilersuutaanik nassuiaateqarfiusumut, qulequtaqersarissunngorlugu allanneqassaaq.