Ataatsimiittarfimmi assiliinerit filmiliornerillu
Ataatsimiittarfik tusagassiortut kisimik sulliviginngilaat aammali inatsisiliortut sullivigaat. Taamaammallu Inatsisartut eqqissillutik tusagassiorfinnilu sulisunit najuuttunit akornusersorneqaratik sulisinnaanissaat pingaaruteqarpoq.
Taamaammat isumaqatigiinniarnerit ingerlanneqarnerisa nalaanni ataatsimiittarfimmi assiliinerit filmiliornerillu ataatsimiittarfimmi tusarnaartunut inissat eqqaanni taamaallaat pisinnaapput. Taamaattorli ataatsimiinnerup ammarneranit tamatumalu kingorna minutsini tallimani siullerni assiliisartut filmiliortullu piffinni allani assiliillutillu immiussisinnaapput, tamanna Inatsisartut sulinerannut akornusersuutaanngitsumik pippat.
Qaqugukkulluunniit oqaluttarfik pallinneqassanngilaq.
Tusagassiortut inersuarmi pissusilersornerat akornusersuutaasutut ataatsimiinnermik aqutsisup nalileruniuk sukkulluunniit uparuarsinnaa-vaa. Taamaattoqartillugu peqqussutigineqartoq tusagassiortut piaartumik malissavaat. Tusagassiortut tamatuma saniatigut paarsisut (betjentit) innersuussutaannik malinnittassapput.
Immiussinissamik immikkut pisariaqartitsisoqartillugu piffissaalluartillugu kingusinnerpaamillu nalunaaquttap akinnerinik 48-nik sioqqutsilluni Allattoqarfimmut saaffiginnittoqarsinnaavoq, taassumalu kissaatigineqartoq Siulittaasoqarfimmut saqqummiutissavaa.
Uunga saaffiginnittoqassaaq:
assilineralu uunga nassiunneqassalluni:
Allattoqarfiup sulisui immikkut atugassaqartitaapput siuliani allassimasunit allaanerusinnaasunik.
