Inatsisartut siulittaasoqarfiata allattoqarfiani pisortatut atorfimmut inatsisilerituumik (cand.jur.) piukkunnaateqarluartumik pisortallu inatsiseqarnerannik, tassunga ilanngullugu naalagaaffeqarnermut inatsisinik aammalu pisortat ingerlatsineranni inatsisinik minnerunngitsumillu sulisoqarnikkut inatsisinik ilisimasalimmik misilittagartuumillu pissarsiorpugut. Siulittaasoqarfiup allattoqarfiani Inatsisartut allattaanerata ataani immikkoortoqarfiusumi sulisorineqarput allattoqarfimmi pisortaq, Inatsisartut siulittaasuata allattaa allatsillu marluk.

 

Inatsisartut Siulittaasoqarfiannik Inatsisartullu Allattaanerannik inatsisilerinikkut siunnersuineq pingaarnertut suliassarissavat. Aammattaaq makku suliassarissavatit:

• Inatsisartut Siulittaasoqarfiannut allattoqarfiuneq.
• Atorfeqarnermi pissutsit inatsisitigut pitsaasuunissaannik qulakkeerineq (atorfinitsitsinerit soraarsitsinerillu kiisalu atorfeqarnermut atatillugu isumaqatigiinniarnerit).
• Inatsisartut ataatsimiinnerini oqaluuserisassanik suliarinninnermi peqataaneq.
• Inatsisartuni suliniutini ingerlaavartuni assigiinngitsuni peqataaneq.
• Inatsisartut siulittaasoqarfiata oqartussaaffianut tunngasuni maleruagassiassanik missingiusiorneq.

Atorfimmut atatillugu inuttut suliatigullu annertuumik ineriartornissamut periarfissaqartoqarpoq.

 

Suleqatiginnillaqqissuseqarnissat naatsorsuutigaarput. Ulluni ataatsikkut suliassarpassuaqarfiusuni sulinikkullu annertuumik piumasaqarfiusuni uippalliaatsuunissat ilanngullugu naatsorsuutigaarput. Sulerusussuseqartuunissat, ilisimasanik ingerlatitseqqillaqqissuunissat piffissamilu ulapaarfiunerpaami kajumissuseqarlutillu nikallujaatsuunissat pingaartipparput.

 

Annertuumik namminersortumillu suliaqarnissat piareersimaffigisariaqarpat aammalu annertuumik qaangiuttoortarnissat naatsorsuutigisariaqarlugu, minnerunngitsumik Inatsisartut ataatsimiinnerisa nalaanni. Kalaallit Nunaanni avataanilu angalasarnissaq naatsorsuutigineqarsinnaavoq.

 

Inatsisartut Allattoqarfiat maannakkut 30-it  missaannik sulisoqarpoq, taakkunanngalu ilinniagartuut qulingiluat ataatsimiititalianut allattaallutik. Suliffiup ulapaarfiunini ilisarnaatigaa inatsisartut ukiumut marloriarlutik ataatsimiinneranni suliat annertunerpaasarlutik.

 

Isumaqatigiinniarneq piginnaasallu malillugit akissarsiatigut atorfeqartitaanermilu atugassarititat aalajangersarneqassapput.

 

Qinnuteqartunik nalilersuinermi sulisoqarnikkut inatsisinik ilisimasaqarneq misilittagaqarnerlu aammalu suleqatiginnillaqqissuseqarneq immikkut isiginiarneqassapput.

 

Pisattavit maanna najugarisannit Nuummut nuunneqarnerannut aningaasartuutit Inatsisartut allaffeqarfiannit akilerneqassapput. Malittarisassat atuuttut naapertorlugit akilersorneqartussamik ineqartitsisoqarsinnaavoq.

 

Atorfik pillugu paasissutissat avammut saqqummiunneqartussaanngitsut Allattaanermut Ellen Kolby Chemnitzimut, angallattagaq (+299) 48 43 03, saaffiginninnikkut pissarsiarineqarsinnaapput. (Danmarkimi nalunaaquttap akunnernik sisamanik siulliunera pissutigalugu nal. 12.00-ip kingorna saaffiginnittoqassaaq). Aammattaaq qarasaasiakkut uunga saaffiginnittoqarsinnaavoq: ekc@inatsisartut.gl

 

Paasissutissat sukumiinerusut www.inatsisartut.gl-imi pissarsiarineqarsinnaapput.

 

Qinnuteqaat soraarummeersimanermut uppernarsaatinik suliarisimasanullu takussutissiamik ilallugu allakkatut qarasaasiakkulluunniit uunga nassiunneqassaaq:

 

Inatsisartut Allattoqarfiat

Postboks 1060

3900 Nuuk

inatsisartut@inatsisartut.gl

 

qinnuteqaat kingusinnerpaamik ulloq 31. august 2010 Inatsisartut Allattoqarfiannit tiguneqareersimasussanngorlugu. Allakkat puuat nalunaaqutserneqassaaq "Allattoqarfimmi pisortaq".