Inatsisartut Allattoqarfianni allaffimmi fuldmægtigitut atorfik piaarnerpaamik isumaqatigiissuteqarnikkulluunniit inuttassarsiorneqarpoq.
Atorfik Inatsisartut Allattoqarfiata aningaasaqarnermut immikkoortortaaniippoq.
Suleqatissarsiorpugut ataatsikkut arlalinnik namminersorluni akisussaassuseqarlunilu suliaqarsinnaasumik.
Naatsorsuutigaarput:
- Allaffissornermut tunngasumik ilinniagarsimassasutit. Ajornanngippat qaffasinnerusumik assigisaanilluunniit
- Aningaasaqarnermut immikkoortortami ukiuni arlalinni sulereersimassasutit
- Qarasaasianik sakkutut atuinermik misilittagaqassasutit aningaasaqarnermillu aqutseriaatsinik ilisimasaqarlutit
- Oqaluukkuminarlutillu sullissillaqqissuusutit, ammasuusutit minnerunngitsumillu aalajaatsuusutit
- Suliassanik assigiinngisitaartorpassuarnik suliaqarusussuseqartutit
- Ingerlatsinermi ineriartorsinermilu suliassanik tiguserusussuseqassasutit, taamaattumillu eqaatsuuneq naleqqussarsinnaassuseqarnerlu piginnaaneqarfigissagitit
- Kalaallit danskisullu oqalussinnaassasutit
Neqeroorutigaavut:
- Suliffimmi avatangiisut pitsaasut pissanganartullu
- Suliamut tunngasutigut innuttullu ineriartornissamut periarfissat
- Suliassat pissanganartorpassuit inernissai nammineq sunniuteqarfigisinnaasat
- Suleqatit pikkorissut tunniusimasulli
Atorfeqarnermi atugassarititat
Akissarsiatigut atorfeqartitaanermilu atugassarititaasut, tassunga ilanngullugu atorfininnermut soraarnermullu atatillugu angalasinnaatitaaneq pisattallu nuunneqarsinnaanerat, pineqartup kattuffiata isumaqatigiinniarsinnaatitaasup Namminersorlutillu Oqartussat akornanni isumaqatigiissut atorfinitsinneqarnermi atuuttoq naapertorlugit.
Suliffik ullumikkut Nuummiippoq.
Atorfimmut atatillugu inissaqartitsisoqarsinnaavoq, sulisorisalli inissiaannut innersuunneqarnissamut utaqqinissaq naatsorsuutigineqarsinnaavoq.
Paasissutissat sukumiinerusut allattaanermut Ellen Kolby Chemnitzimut, ekc@inatsisartut.gl, imaluunniit immikkoortortami aqutsisumut Arnajara? N. Møllerimut, armo@inatsisartut.gl, saaffiginnilluni pissarsiarineqarsinnaapput
Qinnuteqaat ilinniakkat siusinnerusukkullu suliarisimasat pillugit paasissutissartalik, soraarummeersimanernut uppernarsaatit il.il. assilinerinik ilanngussartalerlugu uunga nassiunneqassaaq:
Inatsisartut Allattoqarfiat
Postboks 1060, 3900 Nuuk
Nalunaaqutserlugu: Allaffimmi fuldmægtigi
Qinnuteqarfissaq: Qinnuteqaat Allattoqarfimmeeriissaaq kingusinnerpaamik ulloq 27. december 2010.
www.inatsisartut.gl