Inatsisartut Allattoqarfiat

allattoqarfimmi pisortassarsiorpoq

ulloq 1. september 2012 isumaqatigiissuteqarnikkulluunniit atorfinittussamik

 

Inatsisartut siulittaasoqarfiata allattoqarfiani pisortatut atorfimmut ajornanngippat inatsisilerituumik (cand. jur.) piukkunnaateqarluartumik pisortallu inatsiseqarnerannik, tassunga ilanngullugu naalagaaffimmut inatsisinik aammalu pisortat ingerlatsineranni inatsisinik minnerunngitsumillu sulisoqarnikkut inatsisinik ilisimasalimmik ajornanngippallu misilittagalimmik pissarsiorpugut. Siulittaasoqarfiup allattoqarfiani Inatsisartut allattaanerata ataani immikkoortoqarfiusumi sulisorineqarput allattoqarfimmi pisortaq, Inatsisartut siulittaasuata allattaa allatsilu.

 

Inatsisartut Siulittaasoqarfiannik Inatsisartullu Allattaanerannik inatsisilerinikkut siunnersuineq pingaarnertut suliassarissavat. Aammattaaq makku suliassarissavatit:

• Inatsisartut Siulittaasoqarfiannut allattoqarfiuneq.
• Atorfeqarnermi pissutsit inatsisitigut pitsaasuunissaannik qulakkeerineq (atorfinitsitsinerit soraarsitsinerillu kiisalu atorfeqarnermut atatillugu isumaqatigiinniarnerit).
• Inatsisartut suliniutaanni ingerlaavartuni assigiinngitsuni peqataaneq.
• Inatsisartut siulittaasoqarfiata oqartussaaffianut tunngasut iluini maleruagassiassanik missingiusiorneq.

Atorfimmut atatillugu inuttut suliatigullu annertuumik ineriartornissamut periarfissaqartoqarpoq.

 

Suleqatiginnillaqqissuseqarnissat naatsorsuutigaarput. Ulluni ataatsikkut suliassarpassuaqarfiusuni sulinikkullu annertuumik piumasaqarfiusuni uippalliaatsuunissat ilanngullugu naatsorsuutigaarput. Sulerusussuseqartuunissat, ilisimasanik ingerlatitseqqillaqqissuunissat piffissamilu ulapaarfiunerpaami kajumissuseqarlutillu nikallujaatsuunissat pingaartipparput.

 

Annertuumik namminersortumillu suliaqarnissat piareersimaffigisariaqarpat aammalu annertuumik qaangiuttoortarnissat naatsorsuutigisariaqarlugu. Minnerunngitsumik Inatsisartut ataatsimiinnerisa nalaanni. Kalaallit Nunaanni avataanilu angalasarnissaq naatsorsuutigineqarsinnaavoq.

 

Inatsisartut Allattoqarfiat maannakkut 30-it missaannik sulisoqarpoq, taakkunanngalu ilinniagartuut qulingiluat ataatsimiititalianut allattaallutik. Suliffiup ulapaarfiunini ilisarnaatigaa inatsisartullu ukiumut marloriarlutik ataatsimiinneranni suliat annertunerpaasarput.

 

Isumaqatigiinniarneq piginnaasallu malillugit akissarsiat atorfeqartitaanermilu pissutsit aalajangersarneqassapput.

 

Qinnuteqartunik nalilersuinermi sulisoqarnikkut inatsisinik ilisimasaqarneq misilittagaqarnerlu aammalu suleqatiginnillaqqissuseqarneq immikkut isiginiarneqassapput.

 

Pisattavit maanna najugarisannit Nuummut nuunneqarnerannut aningaasartuutit Inatsisartut allaffeqarfiannit akilerneqassapput. Malittarisassat atuuttut naapertorlugit akilersorneqartussamik ineqartitsisoqarsinnaavoq.

 

Atorfik pillugu paasissutissat avammut saqqummiunneqartussaanngitsut Allattaanermut Ellen Kolby Chemnitzimut, mobil (+299) 48 43 03, saaffiginninnikkut pissarsiarineqarsinnaapput. (Danmarkimi nalunaaquttap akunnernik sisamanik siulliunera pissutigalugu nal. 12.00-ip kingorna saaffiginnittoqassaaq). Aammattaaq e-mailikkut uunga saaffiginnittoqarsinnaavoq: ekc@gh.gl.

 

Paasissutissat annertunerusut Inatsisartut nittartagaanni uani takuneqarsinnaapput: www.inatsisartut.gl

 

Qinnuteqaat soraarummeersimanermut uppernarsaatinik CV-millu ilallugu allakkatut e-mailitulluunniit uunga nassiunneqassaaq:

 

Inatsisartut Allattoqarfiat

Postboks 1060

3900 Nuuk

inatsisartut@inatsisartut.gl

 

Qinnuteqaat kingusinnerpaamik ulloq 25. juli 2012 Inatsisartut Allattoqarfiannit tiguneqareersimassaaq. Allakkat puuat ima nalunaaqutserneqassaaq "Allattoqarfimmi pisortaq".