Inatsisartut Allattoqarfiat UKA2013-ip ingerlanerani Sullissinermut Immikkoortortami igaffimmi ikiortissarsiorpoq

 

Inatsisartut Allattoqarfiat 2013-mi Ukiakkut Ataatsimiinnerup (UKA2013) ingerlanerani piffissami killilikkami nerisassaqartitsinermi najugassaqartitsinermilu ikiortitsissarsiorpoq. UKA2013-p septembarip ulluisa 13-ianniit novembarip ulluisa 15-iannut
ingerlanneqarnissaa naatsorsuutigineqarpoq. Atorfinitsitsisoqassaaq piaartumik atuutilersumik.

 

Suliassassat tassaassapput siulittaasoqarfimmik, ilaasortanik allattoqarfimmilu sulisunik nerisassaqartitsineq najugassaqartitsinerlu, tamatumalu saniatigut eqqiaaneq, naasunik imerterineq pisiniartarnerillu.

 

Ullut ilaasa sivisuumik suliffiusarsinnaanerat sap. ak. naaneranilu sulisarnissaq naatsorsuutigineqartariaqarpoq.

 

Ulapaarnerup nalaani suliassanik immikkoortortanillu allanik isumaginninnermi "ikiuuttarnissat" pisariaqarfiatigut naatsorsuutigissavattaaq.

 

Naatsorsuutigaarput siusinnerusukkut taamatut suliaqarnermik misilittagaqariissasutit, nammineersinnaasutit aalajaatsuullutillu.

 

Inissaqartitsisoqarsinnaanngilaq.

 

Saaffiginninnissamut qinnuteqarnissamullu killigititaq 9. september 2013.

 

Allatsi Dorthie Friis Lyberth qarasaasuiakkaut doly@inatsisartut.gloqaruaatikkulluunniit 34 61 02 atorfik pillugu attaveqarfigineqarsinnaavoq.