Inatsisartut Allattoqarfiat, Sullissinermut Immikkoortortaq, allaffimmi ikiortimik napparsimasoqarnerani taartaasussamik pissarsiorpoq 1. maj 2014-ip tungaanuugallartoq sivitsorneqarsinnaallunili.

 

Allattoqarfiup sullissinermut immikkoortortaani suliassat makku isumagineqartarput:

Inatsisartunut ilaasortanik aammalu Inatsisartut Allattoqarfianni sulisunik sullissineq (Illutanut, pequtinut ininut, oqarasuaateqarnermut il.il. akisussaaneq)
Allakkanik nalunaarsuineq toqqortuinerlu
Assigiinngitsunik piareersaaneq aqutsinerlu, tassunga ilanngullugit Inatsisartunut ilaasortat angalanerinik ineqarnerannillu aaqqissuineq
Naqitanik amerlisaaneq agguaassisarnerlu
Ataatsimiititaliat ataatsimiinnerini aaqqissuussinernilu allani sutugassaqartitsineq
Ulluinnarni torersaaneq.

 

Allaffimmiutut ilinniagaqarsimanissat imaluunniit allaffimmi sulinermik misilittagaqarnissat naatsorsuutigaarput. Ullut ilaasa sivisuumik suliffiusarsinnaanerat sap. ak. naaneranilu sulisarnissaq naatsorsuutigineqartariaqarpoq.  Aammattaaq aalajaalluni suliartortarnissaq naatsorsuutigineqarpoq.

Qinnuteqarnissamut killigititaq ulloq 20. marts.

 

Piginnaasat malillugit aningaasarsiaqartitsisoqassaaq.

 

Paasissutissat annertunerusut ukununnga saaffiginninnikkut pissarsiarineqarsinnaapput: Allattaaneq Ellen Kolby Chemnitz, e-mail: ekc@ina.gl, oqarasuaat 34 61 04 imaluunniit allattoqarfimmi pisortaq Nikolai Sten Christensen, e-mail: NCH@ina.gl , oqarasuaat 34 53 54.