Inatsisartut, nunatta inatsisiliortuisa, Allattoqarfiat ilinniagartuumik cand. jur.-imik ataatsimiititaliamut allatsissamik sulisussarsiorpoq.

Ujarparput
Inatsisileritooq (Cand. Jur.) pisortani sulinissamik soqutigisalik, ilaatigullu naalakkersuinikkut ataatsimiititaliamik Inatsisartunit pilersinneqarsimasumik namminersortumik sullissisinnaasoq.

 

Ataatsimiititaliap allattaatut inuiaqatigiinnut tamarmiusunut naalakkersuinikkut aalajangiiniartarnerit qaninnerulersinnaanagit sulissaatit. Naalakkersuinikkut ataatsimiititaliap ataatsip arlallilluunniit aalajangersimasumik sullinneqarneranut akisussaasuussaatit, taamaattumillu aamma avatangiisini naalakkersuinikkut aqunneqartuni sulisinnaassuseqassaatit allannikkullu oqaasiliullaqqissuussallutit.

 

Ataatsimiititalianik sullissinermut ilaapput qinikkanik immikkut tunngavilersorluakkamik, illuinnaasiunngitsumik ilisimasaqassutsimillu tunngavilimmik sullissineq kiisalu ataatsimiititaliap angalasarnerinik, annerusumik nunatsinni Danmarkimullu ingerlanneqartartunik, pilersaarusiorneq peqataanerlu.

 

Inuttut sunniuteqarsinnaanissat aammalu inatsisilerituutut naleqquttumik ilinniagartuutut naammassillugu ilinniarsimanissat aningaasaqarnikkullu pissutsinik ilisimasalittut uppernarsaasinnaanissat pisariaqarpoq. Pitsaasumik sunniuteqartumillu periuseqarlutit suliaqarsinnaanerit oqaluttariarsornikkut allattariarsornikkullu paasiuminartuliorsinnaanerit pingaartipparput.

 

Inatsisartut ukiumut marloriarlutik katersuuttarnerini, upernaakkut ukiakkullu, ulapinnerusarnissat kingissumullu sulinerusarnissat nuannaralugu inooqataaffigisinnaassavat.

 

Ataatsimiititaliap allattaatut nutaatut Allattoqarfiup ilinniartitseqqittarnerinut ilaassaatit, tassunga nalinginnaasumik ilaalluni ukiut siulliit marluk ingerlanerini Folketingimi ministeriaqarfimmilu sulianut attuumassuteqartumi paasisassarsiorluni sulineq.

 

Atorfik 1. november 2014 aallarnerfigalugu inuttassarsiuunneqarpoq.

 

Aningaasaqarsiaqartinneqarnermi atorfeqartinneqarnermilu atugassarititaasut orniginartut, taakkununnga ilanngullugit immikkut atorfeqarnermut tapiissutisisinnaaneq, atorfininnermut soraarnermullu atatillugu akiliunneqarluni angalasinnaaneq, pisattat assartorneqarnerinut akiliunneqarneq ineqartinneqarnerlu Inatsisartut Siulittaasoqarfiata DJØF-illu akornanni isumaqatigiissutit malillugit pissapput.

 

Qinnuteqarfissaq tallimanngorneq 26. september 2014-mut killeqarpoq.

Siusinnerusukkut suliarisimasanut soraarummeersimanernullu uppernarsaatit tamaasa qinnuteqaammut ilanngunneqassapput.

 

Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit  naligiissitsinermik siuarsaanissaq Inatsisartut Allattoqarfiata kissaatigaa. aamatuttaaq inuunermik misilittagaqarneq inuttullu inerisimassuseq iluaqutaassapput.

 

Danmarkimi sulinngiffeqarnissamik periarfissat Naalagaaffimmi tjenestemandit AC-llu isumaqatigiissutai arlallit malillugit atorfeqartinneqartut Namminersorlutik Oqartussani atorfinitsinneqarnerminnut atatillugu akissarsiaqarnatik sulinngiffeqarsinnaatitaapput. Aammattaaq Namminersorlutik Oqartussani atorfinitsitsinermi akissarsiaqarnani sulinngiffeqarnissamik qinnuteqaatinut kommunit nunallu immikkoortui akuersaartaqqullugit Nunamut namminermut ministeriaqarfimmit kaammattorneqarput. Sulinngiffeqarnissaq pillugu aalajangersakkanut aamma ilaapput Namminersorlutik Oqartussani atorfinitsinneqartup katissimallugu aapparisaa/inooqatigisaa.

 

Paasisaqarnerorusuppit?  

  
Paasissutissat sukumiinerusut nittartakkatsinni imaluunniit allattoqarfiup pisortaanut Nikolai Sten Christensenimut saaffiginnilluni pissarsiarineqarsinnaapput. (Eqqaamallugu nunatta Danmarkillu akornanni nalunaaqutaq akunnernik sisamanik nikingammat)

 

Inatsisartut
Inatsisartut
Postboks 1060
3900 Nuuk - Grønland
Tlf . +299 345000
Fax: +299 324606
www.inatsisartut.gl
inatsisartut@inatsisartut.gl

 

Inatsisartunut ilaasortat 31-it inatsisartut ukiuata ingerlanerani ukiumullu katersuuttarnerini marlunni, upernaakkut ukiakkullu, ataatsimiititaliat allattaannit ilinniagartuunit aqqanilinnit, annertuutigut imminnut ilisimasatigut suliassatigullu, ikioqatigiittunit sullinneqartarput.