Inatsisartut siulittaasuata allatsissaanik ilinniagartuumik piumassuseqarluartumik Kalaallit Nunaanni Inatsisartut pissarsiorput.

 

Inuk suliffeqarfimmi pissanganartumi pisoqarfiulluartumilu suliassanik naalakkersuinermut attuumassutilinnik suliaqarnissamut piumassuseqarlunilu kajumissusilik piaartumik sulilertussaq ujartorneqarpoq.

Suliassatit

Inatsisartut Siulittaasuannut allatsitut ilinniagartuutut atuutissaatit. Aaqqissuussaanikkut Siulittaasoqarfiup allattoqarfiani inissinneqassaatit ilaatigullu suliassat makku isumagissallugit:

 

• Oqalugiaatissanut allakkianut tusagassiorfinnut nalunaarutinut il.il. missingiusiorneq.

• Oqaatsitigut allakkatigullu saaffiginnissutinut akissutissanik suliarinneqataaneq.

• Inatsisartut Siulittaasuannut atatillugu sulianik ingerlatsinermik isumaginninneq.

• Inatsisartut Siulittaasuata ataatsimiinnerinik angalanerinillu aaqqissuussineq peqataanerlu.

• Siulittaasoqarfiup ataatsimiinnerinik aaqqissuussinermut ingerlatsinermullu ikiuunneq.

• Inatsisartut ataatsimiinnerinik aaqqissuussinermut ingerlatsinermullu ikiuunneq.

• Nunat Avannarliit Killiit Siunnersuisoqatigiivini aallartitanut allattaaneq, tassani aamma Siunnersuisoqatigiit ukiumoortumik  ataatsimiinnerinik aalajangersimasumillu qulequtaqarlutik ataatsimeersuarnerinik, taakku Kalaallit Nunaanni ingerlanneqarnerini, pilersaarusiorneq.

Inatsisartut Siulittaasuata angalanerini ingiallortaasassaatit, taamaattumillu angalangaatsiartarnissat taakkununngalu atatillugu ilassinnerni suliaqartarnissat naatsorsuutigisariaqarpat.

Piginnaasat

Inuppassuarnut attaveqartarneq atorfimmut ilaavoq. Taamaattumik ataqatigiissaarilluarsinnaanissat, aaqqissuussinissamut piumassuseqarnissat, ilakkuminartuunissat kiisalu allakkatigut oqaatsitigullu attaveqarluarsinnaanissat pingaaruteqarpoq.

 

Atorfiup inummik utaqqiinnarani iliuuseqarsinnaasumik aammalu annertuumik qaffasissusilimmik ilisimasaqartumik inuttalerneqarnissaa naatsorsuutigineqarpoq. Ullut sivisuumik suliffiusut, aamma sapaatip akunnerisa naanerini sapissanngilatit.

Ulluinnarni suiliassavit akisussaassuseqartumik ingerlannissaannut sapiutinnginnissat sapiissuseqarnissallu pingaaruteqarpoq. Taamaammat suliassanik annertuumik namminersuutigalugit tunniusimaffigalugillu naammassinnissinnaaneq pingaaruteqarpoq. 

 

Tamatuma peqatigisaanik Inatsisartut allaffeqarfianni immikkoortortanik tamanik suleqateqarsinnaassuseqassaatit. Taamaattumik suliatigut naalakkersuinikkullu apeqqutinik ajornarnerusunik isumaginnissinnaanissat pisariaqarpoq.

 

Naleqquttumik naammassisamik ilinniagartuujunissat aammalu nunatsinnik tassanilu inuiaqatigiinni pissutsinik, tassunga ilanngullugu naalakkersuinermi periaatsinik ilisimasaqarluarnissat naatsorsuutigineqarpoq. Allattariarsornikkut oqaluttariarsornikkullu marluinnik kalaallisut/danskisut oqaaseqartuunissat piumasaqaataavoq. Aammattaaq allattariarsornikkut oqaluttariaqarsornikkullu tuluit immaqalu allamiut
oqaasiinik ilisimasaqarnissat annertuumik iluaqutaassaaq.

 

Akissarsiat atorfinitsitsinermilu atugassarititaasut

Kingusinnerpaamik ulloq 1. april 2014 - taannaluunniit sioqqullugu sulilersinnaanissat kissaatiginarpoq. Taamaanngippat isumaqatigiissuteqarnikkut tamanna pissalluni.

 

Akissarsiat atorfinitsitaanermilu pissutsit Inatsisartut Siulittaasoqarfiata aammalu kattuffiup susassaqartup akornanni isumaqatigiissut malillugu pissapput. DJØF-imut isumaqatigiissutit malillugit ministerimut allattaasunut tapit ilanngullugit atorfinitsitaanermi akissarsiaqartitaanissat aallaavittut
naatsorsuutigineqarpoq.

 

Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik. Taamaattorli Nuummi inissaaleqineq pissutigalugu ataavartumik inissiamik innersuussisoqannginnerani utaqqiisaasumik sivikinnerusumik ineqartinneqarnissaq naatsorsuutigineqartariaqarpoq. Isumaqatigiissut atuuttoq naapertorlugu atorfinikkiartorluni angalanermut pisattallu angallanneqarnerinut
akiliussisoqarsinnaavoq.

 

Paasissutissat allat
Atorfik pillugu paasissutissanut atatillugu attavigineqarsinnaapput Allattaaneq Ellen Kolby Chemnitz, oqarasuaatikkut. +299 48 43 03 imaluunniit e-mailikkut ekc@ina.gl, Allattoqarfiup pisortaa Nikolai Sten Christensen oqarasuaatikkut +299 34 53 54 aammalu e-mailikkut nch@ina.gl kiisalu Siulittaasup allatsigigallagaa Elly Hauge Pedersen oqarasuaatikkut +299 34 61 18 e-mailikkulluunniit ehp@ina.gl. 

Inatsisartut Inatsisartullu Allattoqarfiat
Kalaallit Nunaata inatsisiliortui Inatsisartut 31-inik ilaasortaqarput. Inatsisartut, Folketingip siulittaasoqarfia assigalugu, Siulittaasoqarfimmit siulersorneqarput, tassani inuttaallutik Inatsisartut Siulittaasuat Siulittaasullu tullii sisamat.

 

Inatsisartut Allattoqarfiat maannakkut 32-nik sulisoqarpoq, taakkunannga ilinniagartuut aqqaneq marluullutik. Suliffiup ulapaarfiunini sulianillu ilisimasaqarfiunini ilisarnaatigaa, tamatumani Inatsisartut ukiumut marloriarlutik ataatsimiinneranni suliat annertunerpaasarlutik.

 

Allattoqarfiup suiaassuseq, sumiuussuseq, upperisaq, innarluutit qassinilluunniit ukioqassuseq apeqqutaatinnagit naligiisitaaneq pingaartippaa, taamaammallu kikkulluunniit qinnuteqaqqullugit kaammattorneqarpoq.

 

Paasissutissat annertunerusut Inatsisartut nittartagaanni uani takuneqarsinnaapput: www.inatsisartut.gl. Qinnuteqaat soraarummeersimanermut uppernarsaatinik taakkununnga ilanngussanik aammalu C.V.-nik ilallugu allakkatut e-mailitulluunniit uunga nassiunneqassaaq:

 

Inatsisartut Allattoqarfiat

Postboks 1060

3900 Nuuk

e-mail: inatsisartut@inatsisartut.gl.

 

taamaalilluni qinnuteqaat kingusinnerpaamik ulloq
10. marts 2014 Inatsisartut Allattoqarfiannit tiguneqareersimasussanngorlugu.
Allakkat puuat/maili ima nalunaaqutserneqassaaq "Siulittaasup allattaa ".