Inatsisartut, nunatta inatsisiliortuisa, Allattoqarfiat ilinniagartuumik cand. jur.-imik inatsisilerinermut immikkoortortamut sulisussarsiorpoq.

Pissarsiarerusupparput
inatsisileritooq (Cand. Jur.) Inatsisinut Ataatsimiititaliamik sullissinermut aammalu inatsisissanik nalilersuinermut peqataarusuttoq.

 

Inatsisinut Ataatsimiititaliamik sullissinermut ilaapput qinikkanik immikkut tunngavilersorluakkamik, illuinnaasiunngitsumik ilisimasaqassutsimillu tunngavilimmik sullissineq kiisalu ataatsimiititaliap ataatsimiinnissaanik piffissallu ilaani angalanissaanik pilersaarusiorneq peqataanerlu.

 

Inatsisissanik nalilersuinermut ilaavoq inatsisissanik ilusilersuinermut maleruagassat atuuttut naapertorlugit inatsisissatut siunnersuutit inatsisilerinikkut pitsaassusissaannik qulakkeerinninnermut peqataaneq.

 

Immikkoortortami suleqatigiinni inatsisilerinermut siunnersortaaneq peqatigalugu peqataassaatit. Inatsisilerinermut immikkoortortami sulisut allattoqarfimmi ataatsimiititalianut allatsinut aamma akuupput.

 

Avatangiisini naalakkersuinikkut aqunneqartuni sulisinnaassuseqassaatit allannikkullu oqaasiliullaqqissuussallutit kiisalu pitsaasumik suliaqarnermik takutitsisinnaassuseqassallutit.

 

Tamatuma saniatigut inuttut sunniuteqarsinnaanissat aammalu inatsisilerituutut naleqquttumik ilinniagartuutut naammassillugu ilinniarsimanissat pisariaqarpoq. Pitsaasumik sunniuteqartumillu periuseqarlutit suliaqarsinnaanerit oqaluttariarsornikkut allattariarsornikkullu paasiuminartuli-orsinnaanerit pingaartipparput.

 

Kiisalu Inatsisartut ukiumut marloriarlutik  katersuuttarnerini, upernaakkut ukiakkullu, ulapinnerusarnissat kingusissukkullu sulinerusarnissat nuannaralugu inooqataaffigisinnaassavat.

 

Allattoqarfiup ilinniartitseqqittarnerinut ilaassaatit, tassunga nalinginnaasumik ilaalluni ukiut siulliit marluk ingerlanerini Folketingimi ministeriaqarfimmilu sulianut attuumassuteqartumi paasisassarsiorluni sulineq.

 

Atorfik 1. august aallarnerfigalugu inuttassarsiuunneqarpoq.

 

Aningaasaqarsiaqartinneqarnermi atorfeqartinneqarnermilu atugassarititaasut orniginartut, taakkununnga ilanngullugit im-mikkut atorfeqarnermut tapiissutisisinnaaneq, atorfininnermut soraarnermullu atatillugu akiliunneqarluni angalasinnaaneq, pisattat assartorneqarnerinut akiliunneqarneq ineqartinne-qarnerlu (pequtsersugaanngitsoq) Inatsisartut Siulittaasoqarfiata DJØF-illu akornanni isumaqatigiissutit malillugit pissapput.

 

Naalakkersuinermut maanna imaluunniit qanittukkut akuusimaneq atorfillu ataatsimoortinneqarsinnaanngillat.

 

Pisortani atorfeqarsimanermit allaffissornikkut misilittagaqarneq pitsaaqutaassaaq.

 

Qinnuteqarfissaq talimanngorneq 3. juli 2015-mut killeqarpoq.

 

Siusinnerusukkut suliarisimasanut soraarummeersimanernullu uppernarsaatit tamaasa qinnuteqaammut ilanngunneqassapput.

 

Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit  naligiissitsinermik siuarsaanissaq Inatsisartut Allattoqarfiata kissaatigaa. Tamatuttaaq inuunermik misilittagaqarneq inuttullu inerisimassuseq iluaqutaassapput.

 

Danmarkimi sulinngiffeqarnissamik periarfissat Naalagaaffimmi tjenestemandit AC-llu isumaqatigiissutai arlallit malillugit atorfeqartinneqartut Namminersorlutik Oqartussani atorfinitsinneqarnerminnut atatillugu akissarsiaqarnatik sulinngiffeqarsinnaatitaapput. Aammattaaq Namminersorlutik Oqartussani atorfinitsitsinermi akissarsiaqarnani sulinngiffeqarnissamik qinnuteqaatinut kommunit nunallu immikkoortui akuersaartaqqullugit Nunamut namminermut ministeriaqarfimmit kaammattorneqarput. Sulinngiffeqarnissaq pillugu aalajangersakkanut aamma ilaapput Namminersorlutik Oqartussani atorfinitsinneqartup katissimallugu aapparisaa/inooqatigisaa.

 

Paasisaqarnerorusuppit?    

Paasissutissat sukumiinerusut nittartakkatsinni imaluunniit siunnersortaanermut Kent Fridbergimut saaffiginnilluni oqarasuaat +299 34 61 19 imalt. E-mail kfr@ina.gl pissarsiarineqarsinnaapput. (Eqqaamallugu nunatta Danmarkillu akornanni nalunaaqutaq akunnernik sisamanik nikingammat)

Inatsisartut
Postboks 1060
3900 Nuuk - Grønland
Tlf . +299 345000
Fax: +299 324606
www.inatsisartut.gl
inatsisartut@inatsisartut.gl

 

Inatsisartunut ilaasortat 31-it Inatsisartut ukiuata ingerlanerani ukiumullu katersuuttarnerini marlunni, upernaakkut ukiakkullu, ataatsimiititaliat allattaannit ilinniagartuunit aqqanilinnit, annertuutigut imminnut ilisimasatigut suliassatigullu, ikioqatigiittunit sullinneqartarput.