Allanit tunniussassaqarneruit? Aamma uagut!

 

Inatsisartut, Kalaallit Nunaata Inatsisiliortui, Kukkunersiuinermik Ataatsimiititaliamik sullissisussamik inatsisilerituumik, aningaasaqarniarnermik ilinniagartuumik (cand. merc. aud.-imilluunniit ) pissarsiorpoq.

 

Ujarparput

Kukkunersiuinermik Ataatsimiititaliamik sullissisussamik inatsisilerituumik, aningaasaqarniarnermik ilinniagartuumik (cand. merc. aud.-imilluunniit ). Sullissinermut ilaapput ataatsimiititaliap suliassaqarfiisa iluanni Inatsisartunut ilaasortanik suliamut tunngatillugu illuinnaasiunngitsumik paasisimasaqarluartumillu siunnersuineq. Sullinermut ilaapputtaaq ataatsimiititaliamit isumaliutissiissutissanut allakkiassanullu missingiusiornerit, kiisalu ataatsimiititaliap ataatsimiinnissaanik angalanissaanillu pilersaarusiorneq taakkununngalu peqataaneq.

 

Ataatsimiititaliap allattaatut suliassanik aamma allanik suliaqartarnissat naatsorsuutigissavat, ass. Inatsisartut ilaasortat siunnersuusiornerinut ikiuunnermut. Inatsisilerituujuguit taamatuttaaq naatsorsuutigissavat inatsisissanik nalilersuisarfiup sulineranut akuutinneqarnissat.

 

Pingaartipparput suliassanik aaqqissuulluakkamik, naammassineqarfiusumik namminersortumillu naammassinnissinnaanissat.

 

Naatsorsuutigaarput ingerlatitseqqiisarnermut oqaaseqaatigiiliornermullu pikkorissuussasutit. Taamatuttaaq pisariaqarpoq inuttut inerisimassuseqassasutit avatangiisinilu naalakkersuinermik aqunneqartuni sulisinnaanissat.

 

Atorfimmut atatillugu sulingaatsiartarnissaq naatsorsuutigineqassaaq. Taamaattumik ulapissinnaasariaqarputit, ullullu ilaanni qaangiuttuungaatsiartarnissat, minnerunngitsumik ukiakkut ataatsimiinnerup ingerlanerani, naatsorsuutigisariaqarlugu.

 

Akerlianik neqeroorutigaavut Inatsisartut Siulittaasoqarfiata DJØF-illu akornanni isumaqatigiissutit malillugit aningaasarsiatigut atukkat unammillersinnaasut, kiisalu soorunami atorfininnermi soraarnermilu akiliunneqarluni angalaneq, pisattat nuunneqarneri inissaqartinneqarnerlu (pequtsersorneqanngitsumik).

 

Taamatuttaaq ilinniarteqqinneqarnissamik neqerooruteqarpugut, ukiut atorfeqarfiit siulliit marluk iluanni Folketingimi ministeriaqarfimmiluunniit attuumassuteqartumi paasisassarsiorluni sulinissamut periarfissartalimmik.

 

Kiisalu aamma soorunami sullivimmi avatangiisit naalakkersuinikkut aalajangiiniartartunik qanimut qeratavallaanngitsumillu attaveqartarfiusut, suleqatillu tunniusimasut misilittagaqarluartullu. Inussiarnersumik malugeqquarput, Naalakkersuinikkut suliniaqatigiiffiit sulinerinut peqataaneq qanittukkulluunniit peqataasimaneq atorfillu ataqatigiissinneqarsinnaanngimmata.

 

Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuunermik misilittagaqarneq inuttullu inerisimassuseq iluaqutaassapput. Pisortani atorfimmit allamit allaffissornermik misilittagaqarneq iluaqutaassaaq.

 

Atorfininneq: 1. april 2016 isumaqatigiissuteqarnikkulluuniit.

Qinnuteqarfissaq: 15. februar 2016

Qinnuteqaat inuunermi suliarisimasanik soraarummeersimanermullu uppernarsaatinik, karakteriliunneqartut tamaasa ilanngullugit, ilaqartinneqassaaq.

 

Danmarkimi atorfimmit sulinngiffeqarnissamut periarfissat Naalagaaffimmi tjenestemandit AC-llu isumaqatigiissutai arlallit malillugit atorfeqartinneqartut Namminersorlutik Oqartussani atorfinitsinneqarnerminnut atatillugu akissarsiaqarnatik sulinngiffeqarsinnaatitaapput.

 

Aammattaaq Namminersorlutik Oqartussani atorfinitsitsinermi akissarsiaqarnani sulinngiffeqarnissamik qinnuteqaatinut kommunit nunallu immikkoortui akuersaartaqqullugit Nunamut namminermut ministeriaqarfimmit kaammattorneqarput.

 

Sulinngiffeqarnissaq pillugu aalajangersakkanut aamma ilaapput Namminersorlutik Oqartussani atorfinitsinneqartup katissimallugu aapparisaa/inooqatigisaa.

 

Paasisaqarnerorusukkuit

Paasissutissat sukumiinerusut nittartakkatsinni imaluunniit immikkut siunnersortimut Kasper Juul-Nielsenimut saaffiginnilluni pissarsiarineqarsinnaapput: Tlf.: +299 34 61 21 E-mail: juul@ina.gl (Eqqaamallugu nunatta Danmarkillu akornanni nalunaaqutaq akunnernik sisamanik nikingammat)

 

Inatsisartut

Postboks 1060

3900 Nuuk - Grønland

Oqarasuaat. +299 345000 Fax: +299 324606

www.inatsisartut.gl

inatsisartut@inatsisartut.gl