Inatsisartut Allattoqarfiat fuldmægtigimik tamatigoortumik ataatsimiititaliat allatseqarfiinut ikiuuttussamik pissarsiorpoq.
Inummik annertuumik piumassusilimmik avatangiisini naalakkersuinikkut aalajangiiffiusartuni suliffimmilu pissanganartumik allanngorartumi suliassanik Allattoqarfiup immikkoortui tamaasa akimorlugit qanittumik suleqateqarluni suliaqarumasumik piaartumik sulilertussamik pissarsiortoqarpoq.
Atorfimmut atatillugu ataatsimiititaliat allatseqarfiinik sullissinermi suleriaatsit pillugit ilinniartitsisoqassaaq.
Suliassatit:
- Ataatsimiititaliani sulinermi suliassanik allattarissanik suliaqarnermi ikiuuttarneq
- Ataatsimiititaliat angalanissaannik ataatsimiinnissaannillu piareersaateqarnermi ikiuuttarneq
- Katersuunnerni ataatsimiititaliani suliassat suliarineqarneranni ikiuuttarneq
- Ataatsimiititaliat ullorsiutaannik kiisalu suliffiup iluani avataaneersunillu isumaqatigiissutaannik isumaginnittuuneq
- Inatsisartut inersuarmi ataatsimiinneranni ataatsimiinnermik aqutsisumut allattaanermut ilinniartinneqarsinnaanermut periarfissaqarpoq
Piginnaasat
Atorfik inunnut amerlasuunut siamasissumik atassuteqartarnermik nassataqarpoq. Taamaammat ataqatigiissaarinermik inerilluarsimasumik piginnaasaqarnerit, suliannik nammineerlutit ilusilersuerusussuseqarnerit, ammasuunerit, allakkatigut oqaluttariarsornikkullu attaveqallaqqissuunerit pingaaruteqarpoq.
Atorfiup inummik piumassuseqarluarluni nammineq siuuttuuffigalugu ineriartortitsisinnaasumik suliamullu pikkoriffeqarluartumik inuttalerneqarnissaa naatsorsuutigineqarpoq. Ullut suliffiit takisuut nuannarissavatit – imaluunniit artussanngilatit - aamma sapaatip akunnerisa naanerini.
Ulluinnarni suliassavit naammassineqarnissaannut akisussaaffimmik tigusinissavit qunuginnginnissaa pingaaruteqarpoq. Taamaammat suliat ingerlanneqarneranni annertuumik nammineersinnaassuseqarneq tunniusimasinnaanerlu pingaaruteqarput.
Ataatsimiititalianik sullissinermi immikkut suliassat pillugit, arlaannaannulluunniit attuumassuteqanngitsumik suliamillu ilisimasaqartutut inatsisartunut siunnersuisarneq ilaavoq.
Peqatigitillugu Inatsisartut allaffeqarfianni immikkoortortanik tamanik suleqateqarsinnaassuseqassaatit. Taamaammat suliamut atatillugu naalakkersuinikkullu ajornartorsiutinik qulangiillutillusooq isiginnissinnaanerit pisariaqarpoq.
Attuumassuteqartumik ilinniagaqartuunerit inuiaqatigiillu akornanni pissutsinik ilisimasaqarluarnissat ilimagineqarpoq, tassani aamma naalakkersuinikkut aaqqissuussaanermik. Pitsaaquterujussuussaaq allamiut oqaasiinik ingammillu tuluttut oqaatsinik atuisinnaaneq.
Akissarsiat atorfininnermilu atugassarititaasut
Sapaatip akunneranut nalunaaquttap akunnerini 40-ni sulisassaatit. Akissarsianut atorfininnermilu atugassarititaasunut tunngatillugu Allattoqarfiup atorfilittullu kattuffiup attuumassuteqartup akornanni isumaqatigiissutaasut malinneqassapput.
Atorfimmut atatillugu inissiamut, malittarisassat atuuttut malillugit akilersorneqartussamut innersuussisoqarsinnaavoq. Nuummili inissianik amigaateqarmat, inigilivigisassamut nuunnginnermi sivikitsumik inigigallagassamut innersuussisoqarsinnaanera ilimagineqassaaq. Isumaqatigiissutit atuuttut malillugit atorfininnermi angalanermut pisattanillu nuussinermut akiliussisoqarsinnaavoq.
Paasissutissat allat
Atorfik pillugu paasissutissat allat Allattoqarfiup allattaaneranut Ellen Kolby Chemnitzimut oqarasuaatikkut; +299 48 43 03-mut sianerluni kiisalu emailikkut uunga; ekc@ina.gl imaluunniit Allattoqarfiup pisortaanut Elly Hauge Pedersenimut oqarasuaatikkut; +299 55 33 53-imut sianerluni kiisalu emailikkut uunga; ehp@ina.gl. saaffiginninnikkut pissarsiarineqarsinnaapput.
Piaartumik atorfinitsitsinissaq kissaatigineqarluni qinnuteqarsinnaanermut tallimanngorneq ulloq 30. december 2016 killiliunneqarpoq.