Inatsisartut Allattoqarfiat inatsisilerituutut atorfimmi 1. juli 2017-imi isumaqatigiissuteqarnerluunniit malillugu atorfinittussatut naatsorsuutigineqarluni ukiumi affarmi imaluunniit ilivitsumi ernisumut taartaasussarsiorpoq. Atorfinitsinneqarnerup sivitsorneqarnissaanut aamma periarfissaqassaaq.
Atorfik pillugu:
Ernisumut taartaasutut ilaatigut Inatsisinut Ataatsimiititaliamik sullisseqataassaatit. Inatsisinut Ataatsimiititaliaq nunatsinni Inatsisartuni ataatsimiititaliaavoq eqqartuussiveqarnermut, inatsisinut tunngaviusunut, kommunit aqunneqarnerannut aammalu ombudsmandimut nalunaarutiginninnernut il.il. tunngasunik suliaqartoq.
Aamma inatsisilerituutut suleqatigiinni (Inatsisissanik Nalilersuisarfik) Inatsisartut sinnerlugit inatsisissatut siunnersuutit pitsaassusissaannik qulakkeerisartuni ilaassaatit.
Sapaatip akunneranut piffissaq suliffiusoq 40 tiimiuvoq, piffissalli ilaanni sulinerungaatsiartarnissaq naatsorsuutigineqartariaqarluni.
Naatsorsuutigaarput:
Inatsisilerituutut sulianik ilisimannilluartuunissat naatsorsuutigaarput, kissaatiginarlunilu pisortat ingerlatsineranni inatsisinik aamma/imaluunniit pinerluttulerinermi inatsisinik ilisimasaqarluartuunissat. Tamatuma peqatigisaanik ilakkuminartuussaatit, inussiarnersuullutik naammagittarsinnaassuseqassallutillu.
Sullarissuunissat ulapporissuunissallu aammalu sulinermi avatangiisini piffissat ilaanni suliat naammassinissaannut sivikitsuinnarmik piffissaqarfiusuni, ulapaarfiusuni sivisuumillu sulisinnaassuseqarnissat pingaartipparput.
Ingerlatitseqqillaqqissuunissat aammalu kukkuneqanngitsunik allallutit oqaasiliorsinnaanissat aamma pingaartipparput.
Kalaallit Nunaanni pissutsit ilisimasaqarfiginissaat iluaqutaassaaq. Aamma taamaappoq pisortani allamik atorfeqarsimanermit misilittagaqarnissaq eqqarsaatigalugu.
Malugalugu politikimut tunngasutigut sammisaqaraanni tamanna atorfimmut naleqqutinngimmat.
Neqeroorutigaarput:
- sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut
- suleqatit misilittagaqarluartut tunniusimasullu suliat pillugit persuarsiunngitsumik ataatsimooqatiginerat
- suliassat pissanganartut assigiinngissitaartullu.
Akissarsiat atorfitsinneqarnermilu pissutsit orniginartut DJØF-ip aammalu Inatsisartut Siulittaasoqarfiata akornanni isumaqatigiissut naapertorlugu pissapput.
Allattoqarfik inissaqartitsisinnaavoq.
Uagut pilluta:
Inatsisartut Allattoqarfiat Inatsisartut allaffeqarfigaat. Inatsisartut ukiumoortumik marloriarlutik ataatsimiittarneri aaqqissuuttarpavut aammalu Inatsisartunut ilaasortat 31-t Inatsisartullu ataatsimiititaliaat 14-it sullitaraagut. Sulisut 31-uvugut, tassunga ilaallutik ataatsimiititalianut allatsit ilinniagartuut aqqaneq marluk.
Qinnuteqaat:
Qinnuteqaat uunga nassiuteqquneqarpoq:
Inatsisartut Allattoqarfiat
Postboks 1060
3900 Nuuk
Grønland
imaluunniit mailikkut uunga: inatsisartut@inatsisartut.gl
Qinnuteqaammut ilannguteqquneqarput CV-t, soraarummeersimanermut uppernarsaatit, tassungalu ilanngullugu ilinniarfigisimasanit tamanit karakteerit assilineri.
Qinnuteqarnissamut killiliussaq: 1. juni 2017
Pisortani atorfigisamit allamit sulinngiffeqarnissamut periarfissaq:
Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.
Annertunerusumik paasisaqarusukkuit:
Inatsisartut, Allattoqarfik Inatsisinullu Ataatsimiititaliaq uani annertunerusumik paasisaqarfigisinnaavatit: www.inatsisartut.gl
Atorfiup imarisaa pillugu annertunerusumik paasisaqarusukkaanni saaffigineqarsinnaavoq:
Siunnersortaaneq Kent Fridberg, e-mail : kfr@ina.gl
imaluunniit
Allattaaneq Ellen Kolby Chemnitz, e-mail ekc@ina.gl