(UPA 2020) 2020-mi Upernaakkut ataatsimiinnerup nalaani piffissaq aalajangersimasoq Inatsisartut Allattoqarfiat ikiortimik pissarsiorpoq Naatsorsuutigineqarpoq UPA 2020 17. april 2020-miit juni ilanngullugu ingerlassasoq.

 

Atorfinitsitsineq marlunngorneq 14. april pissaaq.  

 

Suliassat tassaapput Siulittaasoqarfimmut, Inatsisartut ilaasortanut aamma  Inatsisartut Allattoqarfiani sulisunut kaffiuliuussineq, nerisassanik piareersaassineq, ataatsimiittunik isumaginninneq, torersaaneq, eqqiianeq naasunik imerterineq kiisalu pisiniarnerit. 

 

Ullut suliffiit takisarsinnaanerat kiisalu sapaatit akunnerisa naanerini sulisarnissaq naatsorsuutigisariaqarpoq, tamatumanili Inatsisartunut qanimut sullisseqataassaatit

 

Ullut suliffiusut 7.00-ip missaaniit – 17.00-ip missaanut pisarput, ullut ilai sivisunerusinnaapput.

Ilinniagaqarsimasuunissaq piumasaqaataanngilaq misilittakkat iluaqutaassapput.

 

Kalaallisut imaluunniit marluinnik oqaaseqartuunissat, ullaakkut takkutiaartarnissat nammineerlutit sulisinnaanissat kiisalu suliffimmut tunniussimasuunissat naatsorsuutigaarput. Suliffik kivitsinerpassuarnik allornerpassuarnillu ilaqarmat peqqissuunissat naatsorsuutigineqarpoq.

 

Inissaqartitsisoqanngilaq.

 

Piginnaasat malillugit akissarsiaqartitsisoqassaaq.

 

Saaffiginniffissaq qinnuteqarfissarlu kingulleq ullulerneqarpoq 3. april 2020.

 

Qinnuteqarnermi paasissutissat uku ilanngunneqassapput, atit, ukiutit, misilittakkat, mobil normu kiisalu sumi najugaqarneq.

 

Nammineq takkulluni imaluunniit email atorlugu saaffiginninneq ingerlanneqassaaq uunga: Sullissinermut pisortaq Ivana Josefsen email: ivjo@inatsisartut.gl imaluunniit oqarasuaat 34 61 25.