Inatsisartut Allattoqarfianni kontorfuldmægtigi ajornanngippat 2021-mi apriilip 15-iani sulilertussaq piaarnerpaamik pissarsiariniarneqarpoq.

 

Kontorfuldmægtigimik suliffeqarfik tamaat akimorlugu suliassanik suliaqartartussamik Inatsisartut Allattoqarfiat pissarsiorpoq.

 

Suliassaqarfiit tassaassapput suliffeqarfimi namminermi allaffissornikkut suliassat kiisalu suliffeqarfimmut tamarmut sullissinikkut suliassat allat.

 

Atorfimmut tiguneqarsinnaassagaanni eqaatsumik suleriaaseqarnissaq piumasaqaataavoq, taamaammat tamanna suliassaqarfimmi piginnaasaqassutsimut sanilliullugu immikkut pingaartinneqassaaq.  

 

 

Ulloq 9. April 2021 qinnuteqarsinnaanermut killiliunneqarpoq. 

 

 

Suliassaqarfiit:

• Allaffissornikkut nukingiullugit suliassat
• Sullissinermut immikkoortortap allagaatinik nalunaarsuinermik atuuffimminik suliaqarnerani ikiuuttarneq
• Inatsisartut ataatsimiinneranni nerisaqartitsinermi ikiuuttarneq
• Atortulersuutinik pequttanillu nakkutiginninneq aserfallatsaaliinerlu
• Ataatsimiititaliat ataatsimiinnissaannik piareersaateqarnerni, pisiniarnerni, naasunik imerterinerni ikiuuttarneq, allattoqarfiup torersuuneranik, ipiitsuuneranik takujuminartuuneranillu isumaginneqataaneq
• Mailinik immikkoortiterinermi, mailinik ingerlatitseqqiinermi, Inatsisartut ataatsimiinneranni suliassanik pappialanngorlugit nalunaarsuinermi allagaateqarfimmut ikiuuttarneq
• Ataatsimiititaliat allatseqarfiini allaffissornikkut suliassanik suliarinninnermi ikiuuttarneq
• Inatsisartut ataatsimiinnissaannut piareersaateqarnerni allattoqarfimmi immikkoortortanut allanut ikiuuttarneq

 

Inatsisartut ataatsimiinneranni ullut suliffiusut takisuut kiisalu sapaatit akunnerisa naanerini sulisarnissat naatsorsuutigisariaqarput.

 

Suliffeqarfimmi suliassanik assigiinngitsunik tamanik suliarinninnermi eqaatsumik suleriaaseqarnermik tamatigoortuunermillu attassinissaq pingaarnertut pisussaaffiussaaq.

 

 

Naatsorsuutigaarput:

• Allaffissornikkut naleqquttumik ilinniagaqarsimaneq
• Suliassanik assigiinngiiaartunik ullormiit ullormut allanngorarsinnaasunik suliaqarnissamik nuannarisaqarneq
• Pitsaasunik piginnaasaqarneq suliassallu suliarineranni eqaatsumik suleriaaseqarnissamik piumasaqaammik paasinnittuuneq
• Qarasaasiarsornermi atortulersuutinik IT- systeminik atuillaqqissuuneq
• Aalajaatsuuneq, eqaatsumik suleriaaseqarneq suliassanillu sukumiisumik suliarinnissinnaassuseqarneq
• Oqaatsitigut kalaallisut danskisullu piginnaasaqarneq

 

Neqeroorutigaarput:

• Sulisilluni avatangiisit pitsaasut pissanganartullu
• Suliassat pissanganartut
• Suleqatit pikkorissut tunniusimasullu.

 

Atorfininnermi atugassarititaasut:

Piginnaasat, misilittakkat isumaqatigiissuteqarnerlu naapertorlugit aningaasarsiaqartitaaneq.

 

Sapaatip akunneranut nalunaaqquttap akunneri suliffiusut 40-t.

Atorfimmut atatillugu inissaqartitsisoqanngilaq. 

 

 

Paasisaqarnerujumagaanni:

Inatsisartut Allattoqarfiannut saaffiginninnikkut imaluunniit allatseqarfimmi pisortamut Elly Hauge Pedersenimut – oqarasuaatikkut ugguuna: 345354 imaluunniit e-mailikkut ugguuna: ehp@ina.gl saaffiginninnikkut annertunerusumik paasisaqarsinnaavutit.