Atuisunut teknikkumullu sullissinissannut tappippit? Suleqatit pikkorissut peqatigalugit unammillernartumik pissarsiaqarnartumillu Inatsisartut nittartagaanni ineriartortitsillutit suliaqarusuppit. Piviusunngortitsinissat nuannaraajuk? Ineriartortitsisartut suliffiup iluaneersut avataaneersullu peqatigalugit qarasaasiatigut suliassat ataqatigiitsilersinnaavigit inatsisartoqarfimmilu sulianut aaqqiissutissanik pilersitsillutit?
Taamaappat ina.gl.imut webmasteritut atorfimmik pissanganartumik peqarpugut.
Allattoqarfitsinnut suleqatissatsinnik pissarsiorpugut immikkoortortat tamaasa arlalinnik suliaqarfiginissaanik nuannarisalimmik.
Ullunik allanngorartorujussuarnik pissanganartunillu sulisassaatit, annertut allattoqarfimmut atassaatit tassani allaffissornikkut suliassanik pitsaasumik anersaaqarlutit isumaginnittassallutit.
Ilaatiguttaaq inatsisartut allattoqarfiani paasissutissiisartutut suliaqartartussaq Inatsisartoqarfik pillugu paasissutissanik qarasaasiatigut isumaginnissinnaasoq qanimut suleqatigilissavat.
Suliassavit ilarissavaat:
- www.ina.gl aamma inatsisartoqarfiup intranetiani UMBRACO atorlugu pilersinneqarnikut pillugit sullissinermik ataavartitsinermillu isumaginninneq
- IT-mi siunnersortit suliffiup avataaneersut suleqatigalugit nittartakkami allannguutit suliarineqarnerinik aqutsineq
- Inatsisartut ataatsimiinnerini nittartakkap imarisassaanut akisussaasuuneq
- Nittartakkami ataavartumik nutarterisarnissamut kiisalu intranetimut akisussaasuuneq
- Paasissutissiisartutut atorfilik peqatigalugu inatsisartoqarfimmi immikkoortortaani tamani ataqatigiissaarineq suleqatigiinnerlu
Webmaster ulluinnarni nittartagarput www.ina.gl kiisalu inatsisartoqarfimmi intranet sulisunit tamanit atorneqartartumik ataavartumik inerisaasassaaq. Programmini suliassat suliassamut ilaanngillat.
Aaqqiissutissap silarsuullu sinnerata akornanni ataqatigisiissutaasussaavutit pingaarutilik, suliassavillu annersaat tassaassalluni ina.gl-ip inerisartuarnissaa ataavartittuarnissaalu, taamaalilluni nittartagaq Inatsisartuni ineriartortuarnermut malinnaaginnaavittussaalluni.
Sulinermi soqutiginnittuunissat paasisassarsiorusuttuunissallu pingaaruteqarpoq, atuisut pisariaqartitaannik paasinnissinnaasoq kiisalu aaqqiissutissanik ersarissunik suliaqarsinnaasoq.
Suliffeqarfimmi anginngitsumi ataatsimut isigalugu maligassiuerusussuseqarfiusumi aammalu annertusaanissamut isummanik siunnersuutinillu tigusaqarnissamut kissaateqarfiusumi suleqataassaatit. Nukissaqarluarputit eqinnaattuullutillu aammalu ulluinnarni qiimmassaasinnaallutit.
Siusinnerusukkut suliffigisimasanit suliassanut attuumassuteqartunit misilittagaqarnissaq ilinniagaqarsimanermullu tunuliaqutit pingaartinneqarput.
Atorfinitsitsinermi atugassarititaasut:
Immikkut isumaqatigiissutitalimmik aammalu piginnaasatit misilittakkatillu apeqqutaatillugit atorfinitsinneqassaatit. Piffissap nalinginnaasumik suliffiusup avataatigut suliartoqquneqaratarsinnaanermut pisussaaffimmik atorfik ilaqartinneqarpoq, tassungalu atatillugu tapisiaqartitsisoqassalluni.
Isumaqatigiissuteqarneq naapertorlugu sulineq aallartinneqassaaq – taamaattorli piaarnerpaamik atorfinittoqarnissaa kissaatigineqarluni.
Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik.
Isumaqatigiissut atuuttoq naapertorlugu atorfinikkiartorluni angalanermut pisattallu angallanneqarnerinut akiliussisoqarsinnaavoq.
Qinnuteqaat:
Tallimanngorneq ulloq 28. oktober 2022 qinnuteqarnissamut killigitinneqarpoq.
Taamaattumik piaarnerpaamik qinnuteqaat ilinniagarisimasat siusinnerusukkullu suliffigisimasat pillugit paasissutissanik ilalik, soraarummeersimanermut uppernarsaatit il.il. assilinerinik ilalerlugu uunga nassiuguk:
Inatsisartut Allattoqarfiat
Postbox 1060 * 3900 Nuuk
E-mail: Inatsisartut@inatsisartut.gl
Paasisaqarnerorusukkuit:
Inatsisartut Inatsisartoqarfillu pillugit www.inatsisartut.gl iserfigalugu atuarsinnaavutit
Atorfik pillugu apeqqutissaqaruit allattoqarfiup pisortaata tullia Elly Hauge Pedersen oqarasuaatikkut attavigineqarsinnaavoq +299 34 53 54 imaluunniit e-mail ehp@ina.gl