Kalaallit Nunaanni Inatsisartut sulisussamik ilinniagartuumik pikkorissumik pissarsiorput

 

Inatsisartut Allattoqarfiat ilinniagartuumik pikkorissumik Nunanut Allanut Sillimaniarnermullu ataatsimiititaliamut sullissisussamik pissarsiorpoq

 

Uagut pilluta:
Inatsisartut Allattoqarfiat Kalaallit Nunaata Inatsisartuisa allattoqarfigaat katillugit 32-t missaannik sulisulik. Inatsisartut ukiumut marloriarlutik katersuuttarnerat aaqqissuuttarparput aammalu Inatsisartunut ilaasortat 31-usut Inatsisartullu ataatsimiititaliaat sullittarlugit.

Atorfik pillugu:
Ataatsimiititaliamut allatsit qulingiluat, allaffimmut pisortamik qullersaqartut, peqatigissavatit. Inatsisartunut ilaasortanut kinaassusersiunngitsumik, arlaannaannulluunniit attuumassuteqanngitsumik aammalu suliamut ilisimasaqassuseqartumik siunnersuinikkut Inatsisartut ataatsimiititaliaannik sullissineq ataatsimiititalianut allatsit pingaarnertut suliassaraat. Ima isumaqarpoq ataatsimiititaliap ataatsimiinnissaanut oqaluuserisassat atortussallu, isumaliutissiissutit tusagassiorfinnullu nalunaarutit kiisalu siunersiuinerit, takuniaanerit aammalu Kalaallit Nunaannut, Danmarkimut immaqalu nunanut allanut angalanissat pilersaarusiorlugillu peqataaffigisassagitit. Ataatsimiititaliap ataatsimiinneri sulinerilu kalaallisut ingerlanneqartarput ataatsimiititaliallu tamarmik oqalutseqartinneqarput.

Inatsisilerituutut tunuliaqutaqarnissat kissaatigaarput, kisiannili qinnuteqartut ilinniagartuutut tunuliaqutallit tamarmik atorfimmut qinnuteqarnissaminnut tikilluaqqusaapput. Inatsisilerituujuguit inatsisilerinermik suliaqartut (Inatsisissanik Nalilersuisarfimmi), Inatsisartut sinnerlugit inatsisissatut siunnersuutit pitsaassusiannik qulakkeerinnittartut suleqatigissavatit. Inatsisissanik nalilersuinermik ilitsersuisoqarluni ilinniartinneqarnissamut periarfissaqassaaq.

Piffissaq nalinginnaasumik suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq.


Neqeroorutigaarput:
• Sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut
• Suleqatit misilittagaqarluartut tunniusimasullu persuarsiunngitsumik ataatsimooqatiginerat
• Suliassat pissanganartut assigiinngisitaartullu
• DJØF-ip aammalu Inatsisartut Siulittaasoqarfiata akornanni isumaqatigiissut naapertorlugu akissarsiat atorfinitsinneqarnermilu pissutsit assut orniginartut
• Atorfininnermi soraarnermilu angalanermut akiliunneqarneq
• pequttat nuunneri inissiarlu (pequtsersugaanngitsoq).

Kiisalu assersuutigalugu Folketingimi ministereqarfimmilu attuumassuteqartumi paasisassarsiornissamut periarfissiisumik atorfeqarnerup ukiuisa siulliit marluk ingerlaneranni ilinniaqqinnissaq neqeroorutigaarput. Taamatuttaaq neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut kiisalu suleqatit tunniussimasut misilittagartuullu.

Illit pillutit
Ataatsimiititaliamut allatsitut ilinniagartuutut sulinissanni pingaartipparput:

• Kandidatitut naleqquttumik ilinniagaqarsimanissat
• Ilisimasaqarluarnissat naalakkersuinikkullu ingerlatsisunik qanimut suleqateqarnissamik soqutiginninnissat
• Oqaatsitigut allakkatigullu ingerlatitseqqillaqqissuunissat aammalu kukkuneqanngitsumik allassinnaanissat
• Allattoqarfimmi qanimut angusaqarusussuseqartumillu suleqatigiinnermi peqataarusussuseqartutit
• Ulluinnarni sulinerup ulapaarfiunerani ullullu suliffiit ilaasa sivisusinnaaneranni suleqataarusussuseqartutit

 

Qinnuteqartussat nunanut allanut tunngasunik aamma/imaluunniit nunanut tamalaanut tunngasunik ilisimasaqartuunissaat orniginartinneruarput. Taamatuttaaq pisortani allani atorfeqarnermit misilittakkat politikkikkullu misilittakkat pingaartinneqassapput.
Tamatuma saniatigut Apeqqutaavallaanngilaq ilinniakkat naammasseqqammernerit imaluunniit ukiuni arlalinni misilittagaqarnerit, pingaarneruvorli ilinniakkatigut ineriartoqqinnissamut soqutiginninnissat aammalu pisortani ingerlatsinermut ilisimasaqarnissat. Suliassatit ilinniagaqarnernut misilittagaqarninnullu naleqqussarneqarumaarput.

Ilakkuminartuussaatit ammasuussallutillu, qajannaatsuussaatit naammagittartuussallutillu. Kalaallit Nunaanni pissutsit ilisimasaqarfiginissaat iluaqutaassaaq

Malugeqquneqarpoq taassuminnga atorfeqassagaanni naalakkersuinikkut soqutigisanik ingerlatsisoqarsinnaanngimmat qanittukkulluunniit ingerlatsisoqarsimassanani, atorfinitsitsinissamullu piumasarineqarsinnaalluni isumannaallisaaneq eqqarsaatigalugu pinngitsoornani akuersissuteqarnissaq

Atorfininneq: 1. februar 2023 isumaqatigiissuteqarnikkulluunniit.
Qinnuteqarnissamut killiliussaq: 15. december 2022.

Qinnuteqaat:
Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuunermik misilittagaqarneq inuttullu inerisimassuseq iluaqutaassapput.

Qinnuteqaammut ilannguteqquneqarput CV-t soraarummeersimanermullu uppernarsaatit:

Bureau for Inatsisartut
Postboks 1060, 3900 Nuuk Grønland
eller pr. mail til inatsisartut@inatsisartut.gl

Pisortani atorfigisamit allamit sulinngiffeqarnissamut periarfissaq:
Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.

Annertunerusumik paasisaqarusukkuit:
Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl 

Atorfik pillugu apeqqutissaqaruit Allaffimmi pisortamut Mikaela Augustussen-imut oqarasuaatip normua 34 61 26 atorlugu imalt. mika@ina.alla.gl attaveqarnissannut tikilluaqqusaavutit.