Suliffimmi immikkoortortani tamani suliassanik assigiinngitsorpassuarnik isumaginnissinnaasumik paasissutissiisartutut atorfeqalertussamik Kalaallit Nunaanni Inatsisartut pissarsiorput.

 

Paasissutissiisartutut atorfeqalertussat annertut suliassarai:

• paasissutissiinernik suliffiup iluaneersunik avataaneersunillu suliaqarneq
• Inatsisartoqarfiup tusagassiorfiillu akornanni attaveqaqatigiinnermik isumaginninneq
• Suliffiup iluaneersunik avataaneersunillu suleqatinik attaveqaqatigiinnermik isumaginninneq aammalu inatsisartoqarfiup nittartagaani paasissutissiinissamut attaveqaqateqarnissamullu suliassanut tunngasunut saqqummersitanullu naqitanut assigiinngitsunut ikiuunneq

 

 

Inatsisartut siulittaasoqarfiani imminnut qanittumik suleqatigiit ikittut paasissutissiisartutut atorfeqalertussap suleqatigisassavai suliffimmilu immikkoortortat allat suleqatiginerisigut eqaatsumik sulisinnaassalluni.

 

Inatsisartoqarfiup paasissutissiisarfii aqqutigalugit paasissutissat pisariallit eqqortorlu paasissutissiissutigineqartarnissaasa qulakkeerneqarnissaat illit suliassavit annersarissavaat.

 

Suliassatit:

• Nittartakkap intranetillu imarisassaanik ikiuunneq
• Inatsisartut suliaat pillugit paasissutissiissutissanik suliaqarneq
• Atuarfinni inuusuttut inatsisartuisa ataatsimiinnissaannut pilersaarusiornermut ikiuunneq
• Ilisarititsinissamut, aaqqissuussanut, saqqummiussassanut allanullu inerisaanissamut ikiuunneq
• Inatsisartut ukiumoortumik nalunaarutaannut ataqatigiissaarineq ilanngussassanillu katersineq
• Ilisarnaatitsinnik allanngutsaaliuineq aammalu suliffitsinni tamassuma ilisimaneqarnera qulakkeerlugu
• Suliassanut annikinnerusunut, atorfinnut allagarsiussanut allanullu suliffitta iluani assiliisartuuneq
• Suliassanut takkussortunut peqataasarneq

 

Inatsisartut akornanni paasissutissiisarnermi suliassanut assigiinngitsunut kivitseqataanissamut sulinermi soqutiginnittuunissat paasisassarsiorusuttuunissallu pingaaruteqarpoq aammalu namminersorlutit sulisinnaassuseqarnissat tunniusimanissallu pingaartipparput.

 

Akisussaassuseqarluarsinnaasumik namminerlu suliassaminik isumaginninnissaminik nangiarisaqanngitsumik suleqatissatsinnik pissarsiorpugut.

 

Tamatigoortumik pissanganartumillu suliffittaassaatit, annertut allattoqarfimmut atassaatit tassani allaffissornikkut suliassanik pitsaasumik anersaaqarlutit isumaginnittassallutit.

 

Ilaatiguttaaq inatsisartoqarfiup webmasteria Inatsisartoqarfik pillugu paasissutissanik qarasaasiatigut isumaginnissinnaasoq qanimut suleqatigilissavat.

 

Suliffeqarfimmi anginngitsumi ataatsimut isigalugu maligassiuerusussuseqarfiusumi aammalu annertusaanissamut isummanik siunnersuutinillu tigusaqarnissamut kissaateqarfiusumi suleqataassaatit. Nukissaqarluarputit eqinnaattuullutillu aammalu ulluinnarni qiimmassaasinnaallutit.

 

Siusinnerusukkut suliffigisimasanit suliassanut attuumassuteqartunit misilittagaqarnissaq ilinniagaqarsimanermullu tunuliaqutit pingaartinneqarput.

 

Atorfinitsitsinermi atugassarititaasut:

Immikkut isumaqatigiissutitalimmik aammalu piginnaasatit misilittakkatillu apeqqutaatillugit atorfinitsinneqassaatit. Piffissap nalinginnaasumik suliffiusup avataatigut suliartoqquneqaratarsinnaanermut pisussaaffimmik atorfik ilaqartinneqarpoq.

 

Isumaqatigiissuteqarneq naapertorlugu sulineq aallartinneqassaaq – taamaattorli piaarnerpaamik atorfinittoqarnissaa kissaatigineqarluni.

Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik.
Isumaqatigiissut atuuttoq naapertorlugu atorfinikkiartorluni angalanermut pisattallu angallanneqarnerinut akiliussisoqarsinnaavoq.

 

Qinnuteqaat:

Tallimanngorneq ulloq 24. marts 2023 qinnuteqarnissamut killigitinneqarpoq.

Taamaattumik piaarnerpaamik qinnuteqaat ilinniagarisimasat siusinnerusukkullu suliffigisimasat pillugit paasissutissanik ilalik, soraarummeersimanermut uppernarsaatit il.il. assilinerinik ilalerlugu uunga nassiuguk:

Bureau for Inatsisartut, Postboks 1060, 3900 Nuuk Grønland

imaluunniit mailikkut uunga inatsisartut@inatsisartut.gl  

 

Paasisaqarnerorusukkuit:

Inatsisartut Inatsisartoqarfillu pillugit www.inatsisartut.gl iserfigalugu atuarsinnaavutit

 

Atorfik pillugu apeqqutissaqaruit allattoqarfiup pisortaata tullia Elly Hauge Pedersen oqarasuaatikkut attavigineqarsinnaavoq +299 34 53 54  imaluunniit e-mail ehp@ina.gl