Kalaallit Nunaanni Inatsisartut inatsisilerituumik pikkorissumik misilittagartuumillu pissarsiorput.

 

Uagut pilluta:

Inatsisartut Allattoqarfiat Kalaallit Nunaata Inatsisartuisa allattoqarfigaat katillugit 30-t missaannik sulisulik. Inatsisartut katersuuttarnerat aaqqissuuttarparput Inatsisartunullu ilaasortat ataatsimiititaliallu sullittarlugit.

 

Atorfik pillugu:

Allattoqarfiup Inatsisilerinermut Pisortaa peqatigalugu suleqatigiinnguanut Allattoqarfiup Pisortaaneranut akisussaaffeqartunut suleqataassaatit immikkullu makku suliassaqarfigissallugit:

 

• Inatsisinut Ataatsimiititaliap (Folketingip Retsudvalginut assingusup) allattaaffiginera. Ilaatigut ataatsimiititaliap ataatsimiinnissaanut oqaluuserisassat atortussallu, isumaliutissiissutissanut missingiutit, allakkat tusagassiorfinnullu nalunaarutit suliarisassavatit kiisalu Naalakkersuisunik siunersiuinissat, takuniaanerit ataatsimiititaliallu angalaneri pilersaarusiorlugillu ingerlattassavatit. Ataatsimiititaliat ataatsimiinneri sulinerilu kalaallisut pingaarnertut ingerlanneqartarput, taamaattumillu ataatsimiititaliat tamarmik oqalutseqartinneqarput.

 

• Inatsisilerinermik suliaqartut (Inatsisissanik Nalilersuisarfimmi) inatsisissatut siunnersuutit pitsaassusiannik qulakkeerinnittartut suleqatigissavatit. Inatsisissanik nalilersuisarneq misilittagaqarfiginngikkukku inatsisissanik nalilersuisarnermik pikkorissarnissamik neqeroorfigineqassaatit.

 

• Inatsisilerinermut Pisortaq suleqatigalugu Siulittaasoqarfimmut pisariaqartitsinerlu naapertorlugu ataatsimiititalianut allatseqarfinnut aammalu Inatsisartunut ilaasortanut ataatsimiititalianullu inatsisilerinermut tunngasunik ikiuuttassaatit. Inatsisilerinikkut ilaatigut ikiorsiissutigineqarsinnaapput allakkiornerit kiisalu inatsisissanik imaluunniit inatsisinut allannguutissatut siunnersuutinik suliaqarneq.

Piffissaq nalinginnaasumik suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq.

 

Neqeroorutigaarput:

• Suliassat pissanganartut assigiinngisitaartullu.
• DJØF-ip aammalu Inatsisartut Siulittaasoqarfiata akornanni isumaqatigiissut atuuttoq naapertorlugu akissarsiat atorfinitsinneqarnermilu pissutsit assut orniginartut. Qinnuteqartoq eqqortunik piginnaasalik immikkut ilisimasalittut imaluunniit siunnersortaanertut tapiissuteqarnissamik isumaqatigiinniarfigineqarsinnaavoq.
• Atorfininnermi soraarnermilu angalanermut akiliunneqarneq
• Pequttat nuunneri inissiarlu (pequtsersugaanngitsoq).

 

Kiisalu assersuutigalugu Folketingimi ministereqarfimmilu attuumassuteqartumi paasisassarsiornissamut periarfissiisumik atorfeqarnerup ilinniaqqinnissaq neqeroorutigaarput. Taamatuttaaq neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut kiisalu suleqatit tunniussimasut misilittagartuullu.

 

Illit pillutit:

Naatsorsuutigaarput:

• Suliamut pikkorissuunissat
• Pingaartipparput ingerlatitseqqinnissamut piginnaaneqarluarnissat aammalu kukkuneqanngitsumik allassinnaanissat
• Allattoqarfimmi suleqatitit qanimut angusaqarusussusilimmillu suleqatigissagitit
• Ulapaarfiusumi ullullu ilaanni sivisuumik suliffiusumi sulisinnaanissat.

Ilakkuminartuussaatit, qajannaatsuussaatit naammagittartuussallutillu. Kalaallit Nunaanni pissutsit ilisimasaqarfiginissaat iluaqutaassaaq.

 

Malugalugu politikimut tunngasutigut sammisaqaraanni tamanna atorfimmut naleqqutinngimmat.

   

Atorfininneq: 1. juni 2023 isumaqatigiissuteqarnikkulluunniit.

Qinnuteqarnissamut killiliussaq: 25. april 2023.

 

Qinnuteqaat:

Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuunermik misilittagaqarneq inuttullu inerisimassuseq iluaqutaassapput.

Qinnuteqaammut ilannguteqquneqarput CV-t soraarummeersimanermullu uppernarsaatit Qinnuteqaammut ilannguteqquneqarput CV-t soraarummeersimanermullu uppernarsaatit, taakkununngalu ilanngullugit karakterit allattorsimaffii uungalu nassiuteqquneqarlutik:

 

Bureau for Inatsisartut

Postboks 1060, 3900 Nuuk Grønland

imaluunniit mailikkut uunga: inatsisartut@inatsisartut.gl

 

Pisortani atorfigisamit allamit sulinngiffeqarnissamut periarfissaq:

Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.

 

Annertunerusumik paasisaqarusukkuit:

Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl

Apeqqutissaqaruit Inatsisilerinermut Pisortamut Kent Fridbergimut oqarasuaatip normua  34 61 19, e-mail: kfr@ina.alla.gl imaluunniit Pisortaanermut  Ellen Kolby Chemnitzimut oqarasuaatip normua 34 61 04, imaluunniit email:  ekc@ina.gl atorlugit attaveqarnissamut tikilluaqqusaavutit.