Ulloq 1. juni 2023 isumaqatigiissuteqarnikkulluunniit

atorfinitsitsinissaq naatsorsuutigineqarpoq.

     

Atorfik pillugu:

Ataatsimiititalianut allatsitut ilaatigut Sanaartornermut Ataatsimiititaliamut aammalu Eqqissisimatitsinermut Avatangiisinullu Ataatsimiititaliamut sullisseqataassaatit.

 

Inatsisilerituujuguit inatsisilerinermik suliaqartut (Inatsisissanik Nalilersuisarfimmi), Inatsisartut sinnerlugit inatsisissatut siunnersuutit pitsaassusiannik qulakkeerinnittartut suleqatigissavatit. Inatsisissanik nalilersuinermik ilinniartinneqarnissamut periarfissaqassaaq, tamannalu pikkorissarnikkut ingerlanneqarsinnaalluni.

 

Piffissaq nalinginnaasumik suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq.  

 

Naatsorsuutigaarput:

Suliamut pikkorissuunissat naatsorsuutigaarput pisortat ingerlatsiviini misilittagaqarnissaq kissaatiginarluni. Tamatuma peqatigisaanik ilakkuminartuussaatit, inussiarnersuullutit minnerunngitsumillu naammagittarsinnaassuseqassallutit. Politikerit suleqatigisinnaassavatit.

 

Pingaartipparput suliumatunissat naammassisaqarsinnaanissallu aammalu suliffimmi piffissat ilaanni ulapaarfiusumi sivikitsumik piffissaqartitaalluni tunniussinissamik piumasaqarfiullunilu ullut ilaanni sivisuumik sulisariaqarfiusumi sulisinnaanissat.

 

Aamma pingaartipparput ingerlatitseqqinnissamut piginnaaneqarluarnissat aammalu kukkuneqanngitsumik allassinnaanissat.

 

Kalaallit Nunaanni pissutsinik ilisimasaqarneq iluaqutaassaaq. Taamatuttaarlu pisortani allamik atorfeqarsimanermit misilittagaqarneq.

 

Politikimik nammineq ingerlatsineq politikimulluunniit tunngasumik qanittukkut akuusimaneq atorfimmut naapertuutinngilaq.

 

Neqeroorutigaarput:

 

• Ataatsimiititaliamut ilaasortanik qanimut attaveqarluni sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut

 

• Suleqatit misilittagaqarluartut tunniusimasullu persuarsiunngitsumik ataatsimooqatiginerat

 

• Suliassat pissanganartut assigiinngisitaartullu

 

DJØF-ip aammalu Inatsisartut Siulittaasoqarfiata akornanni isumaqatigiissut atuuttoq naapertorlugu akissarsiat atorfinitsinneqarnermilu pissutsit assut orniginartut.

 

Malittarisassat atuuttut naapertorlugit akilerneqartussamik ineqartitsisoqarsinnaavoq. Nuummi inissaaleqinerujussuaq pissutigalugu inissamik tunineqarnissap tungaanut piffissami sivikinnerusumi utaqqiisaasumik ineqartitaanissaq naatsorsuutigineqassaaq. Isumaqatigiissutit atuuttut naapertorlugit atorfininnermut atatillugu angalaneq pigisallu nuunneqarnerat akilerneqassapput.

 

Uagut pilluta:

Inatsisartut ukiumut marloriarlutik katersuuttarnerat aaqqissuuttarparput aammalu Inatsisartunut ilaasortat 31-usut Inatsisartullu ataatsimiititaliaat sullittarlugit. Massakkut sulisut 30-uvugut, taakkunannga ataatsimiititalianut allatsit ilinniagartuut 10-ullutik.

 

Qinnuteqaat:

Uunga nassiuteqquneqarpoq:

 

Bureau for Inatsisartut

Postboks 1060

3900 Nuuk

Grønland

 

Imaluunniit uunga mailikkut nassiuteqquneqarluni: inatsisartut@inatsisartut.gl

 

Qinnuteqaammut ilannguteqquneqarput CV-t soraarummeersimanermullu uppernarsaatit, taakkununngalu ilanngullugit ilinniarnerup immikkoortuini tamani karakterit allattorsimaffii.

 

Qinnuteqarnissamut killiliussaq: 25. april 2023.

 

Pisortani atorfigisamit allamit sulinngiffeqarnissamut periarfissaq:

Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput.

 

Annertunerusumik paasisaqarusukkuit:

Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl.

 

Akissarsiat atorfininnermilu atugassarititaasut uani takuneqarsinnaapput:

Inatsisartut Siulittaasoqarfiata Djøfillu akornanni isumaqatigiissut. Taanna pingaarnertullu isumaqatigiissut Djøfip nittartagaani takuneqarsinnaapput.

 

Atorfik pillugu apeqqutissaqaruit Allaffimmi pisortamut Mikaela Augustussenimut oqarasuaatip normua 34 61 26 atorlugu imalt. mika@ina.alla.gl attaveqarnissannut tikilluaqqusaavutit