Allanit tunniussassaqarneruit? Aamma uagut tunniussassaqarpugut!

 

Ilinniagartuumik Aningaasaqarnermut Akileraartarnermullu Ataatsimiititaliamik pingaarnertut sullissisussamik pissarsiorpugut. Ataatsimiititaliamut allatsit - Kalaallit Nunaanni Inatsisartunik sullissisuusut - peqatigisassavatit.

 

Uagut pilluta:

Inatsisartut Allattoqarfiat Kalaallit Nunaata Inatsisartuisa allattoqarfigaat katillugit 30-t missaannik sulisulik. Inatsisartut ukiumut marloriarlutik katersuuttarnerat aaqqissuuttarparput aammalu Inatsisartunut ilaasortat 31-usut Inatsisartullu ataatsimiititaliaat sullittarlugit.

 

Ataatsimiititalianut allatseqarfik

Ataatsimiititaliamut allatsit qulingiluat, allaffimmut pisortamik qullersaqartut, peqatigissavatit. Inatsisartunut ilaasortanut kinaassusersiunngitsumik, arlaannaannulluunniit attuumassuteqanngitsumik aammalu suliamut ilisimasaqassuseqartumik siunnersuinikkut Inatsisartut ataatsimiititaliaannik sullissineq ataatsimiititalianut allatsit pingaarnertut suliassaraat. Ataatsimiititaliamik sullissinermi suliassat tamarmiusut isumagisassavatit, taakkununnga assersuutigalugu ilaapput:

• Ataatsimiinnerit ingerlanneqarnerat
• Ataatsimiititaliamut ataatsimiititaliamillu attaveqarnerit (tusagassiorfinnut nalunaarutit kiisalu siunersiuinerit pilersaarusiornerat ingerlannerallu),
• Ataatsimiititaliap ingerlataasa allat pilersaarusiornerat ingerlannerallu.

Ataatsimiititaliap ataatsimiinneri sulinerilu kalaallisut ingerlanneqartarput ataatsimiititaliallu tamarmik oqalutseqartinneqarput.

 

Atorfik pillugu:

Aningaasaqarnermut Akileraartarnermullu Ataatsimiititaliamut allatsimik atorfeqartitsisoqareerpoq. Suliassat annertunerulermata suleqatigiinnik piginnaaneqarluartunik peqateqarsinnaasumik aammalu ataatsimiititaliamut allattaasumik suleqateqarsinnaasumik pissarsiorpugut.

 

Takorloorparput suliassat akileraartarnermut akitsuusiisarnermullu tunngasut pingaarnertut suliarissagitit, maannalu sulisooreersup aningaasalersuinermut tunngasut, ilassutitut aningaasaliissuteqarnissat aningaasanullu inatsimmik suliaqarneq pingaarnertut suliarissallugit. Suliassaqarfinni nammineersinnaassuseqarlutik sulisinnaanissat aammalu suleqatiginnissinnaanissaat naatsorsuutigaarput, taamaalillusi immissinnut tapertariissinnaaqqullusi paarlatsigiittarsinnaaqqullusilu.

 

Kiisalu ulapiffiup nalaani ataatsimiititalianut allatsit sinnerinut ikiuuttarnissat naatsorsuutigissavat. Tamatuma saniatigut ataatsimiititalianut immikkoortoqarfimmi suliassat sinnerisa isumagineqarneranni, assersuutigalugu ilaasortat siunnersuutaannik suliarinninnermi ikiuuttassaatit. Kiisalu sulisut inatsisilernermik tunuliaqutaqartut Inatsisissanik Nalilersuisarfimmi, Inatsisartut sinnerlugit inatsisissatut siunnersuutit pitsaasuunissaannik qulakkeerinniffiusumi, suleqataasarput.

 

Piffissaq nalinginnaasumik suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq, taamaattumillu ulapaarfiusumi sulisinnaasuussaatit kiisalu piffissat ilaanni, minnerunngitsumillu ukiakkut ataatsimiinnerni, qaangiuttuungaatsiartarnissat naatsorsuutigissallugu.

 

Taamaattumillu neqeroorutigaagut:

Inatsisartut Siulittaasoqarfiata aammalu DJØF-ip isumaqatigiissutaat atuuttut naapertorlugit aningaasarsiaqarnermut tunngasut unammillersinnaassuseqartut, atorfininnermi soraarnermilu angalaneq, pequttat nuunneri inissiarlu (pequtsersugaanngitsoq.

Kiisalu assersuutigalugu Folketingimi ministereqarfimmilu attuumassuteqartumi paasisassarsiornissamut periarfissiisumik atorfeqarnerup ukiuisa siulliit marluk ingerlaneranni ilinniaqqinnissaq neqeroorutigaarput. Taamatuttaaq neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut kiisalu suleqatit tunniussimasut misilittagartuullu.

 

Illinnut tunngasut:

Aningaasaqarnermut Akileraartarnermullu Ataatsimiititaliaq pingaarnertut sullittussaagakku Kalaallit Nunaanni naalakkersuinikkut ingerlatsinermik soqutigisaqarnissat kiisalu aningaasaqarnermut tunngasunik ilisimasaqarnissat pingaartipparput. Cand.Jur.-itut, Cand.Oeconitut, Cand.Merc.Jur.-itut, Cand.Scient.Pol.-itut assigisaattulluunniit ilinniagaqarsimassaatit.

 

Ingerlatsivimmit naalakkersuinikkut aqutaasumit misilittagaqaruit kiisalu pisortani atorfimmit allamit allaffissornikkut misilittagaqaruit iluaqutaassaaq. Tamatuma saniatigut pingaartipparput misissueqqissaarnermik, eqaatsumik, naammassisaqarsinnaassuseqarnermik nammineersinnaassuseqarnermillu aallaaveqarlutik suliassanik suliarinnittarnissat aammalu naatsorsuutigalugu oqaluttariarsornikkut allattariarsornikkullu ingerlatitseqqinnissamut oqaasertalersuinissamullu pitsaalluinnartunik piginnaaneqarnissat. Kiisalu inuttut sunniuteqarsinnaasuunissat aammalu naalakkersuinikkut suliaqarfiusumi sulinissamut piginnaasaqarnissat pisariaqarpoq.

 

Inuttut qanilaartuunissat, ammasuunissat, nukittuujunissat naammagittartuunissallu naatsorsuutigaarput. Tamatuma saniatigut suleqatigiit peqatigalugit sulinissaq kajumissuseqarfigissavat.

 

Malugeqquneqarpoq taassuminnga atorfeqassagaanni naalakkersuinikkut soqutigisanik ingerlatsisoqarsinnaanngimmat qanittukkulluunniit ingerlatsisoqarsimassanani.

 

 

Atorfininneq: 1. maj 2022 isumaqatigiissuteqarnikkulluunniit.

Qinnuteqarnissamut killiliussaq: 15. marts 2022.

 

Qinnuteqaat:

Suiaassuseq, suminngaanneerneq, upperisaq innarluuteqarnerluunniit apeqqutaatinnagit naligiissitaanerup siuarsarneqarnissaa Inatsisartut Allattoqarfiannit kissaatigineqarpoq. Taamatuttaaq inuttut misilittagaqarneq inerisimanerlu iluaqutaasutut isigaagut.

 

CV-t soraarummeersimanermullu uppernarsaatit, ilinniagaqarnermi alloriarnerni tamani angusat qaffasissusaannut nalunaarsuutit qinnuteqaammut ilanngullugit uunga nassiuteqquneqarput:

 

Inatsisartut Allattoqarfiat

Postboks 1060

3900 Nuuk

Kalaallit Nunaat

 

Imaluunniit mailikkut uunga: inatsisartut@inatsisartut.gl

 

Pisortani atorfigisamit allamit sulinngiffeqarallarnissamut periarfissaq:

Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissutit arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput aammalu AC-mik isumaqatigiissutit arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarsinnaatitaaneq pillugu aalajangersakkat katissimallugu aapparisamut imaluunniit inooqatigisamut aamma atuupput. Kiisalu Kalaallit Nunaanni Namminersorlutik Oqartussani atorfininnermut atatillugu aningaasarsiaqarani sulinngiffeqarnissamik qinnuteqaatit akuersaartumik pissuseqarfigineqartarnissaat Nunamut Namminermut Ministereqarfiup kommuninut nunallu immikkoortuinut kaammattuutigimmagu aamma eqqumaffigeqquneqarpoq.

 

Paasisaqarnerujumaguit:

Inatsisartut Inatsisartullu Allattoqarfiat pillugit uani annertunerusumik paasisaqarsinnaavutit; www.inatsisartut.gl.

Atorfik pillugu apeqqutissaqaruit allaffimmi pisortaq Mikaela Augustussen attaveqarfigisinnaavat:

Tlf..: +299 34 61 26 / E-mail: mika@ina.alla.gl

 

(Malugeqquneqarpoq Danmarkimit sianissaguit nalunaaquttap nikinganera pissutigalugu allaffipput aatsaat nal. 12.00 inoqalissammat)

 

Inatsisartut

Postboks 1060

3900 Nuuk - Grønland

Tlf . +299 345000

Fax: +299 324606

www.inatsisartut.gl

inatsisartut@inatsisartut.gl