Allanit tunniussassaqarneruit? Uagut aamma tunniussassaqarpugut!
Inatsisartut, Kalaallit Nunaata Inatsisiliortui, Kukkunersiuinermik Ataatsimiititaliamik sullissisussamik inatsisilerituumik, aningaasaqarniarnermik ilinniagartuumik (cand. merc. aud.-imilluunniit ) pissarsiorpoq.
Ujarparput
Kukkunersiuinermik Ataatsimiititaliamik sullissisussamik inatsisilerituumik, aningaasaqarniarnermik ilinniagartuumik (cand. merc. aud.-imilluunniit ). Sullissinermut ilaapput ataatsimiititaliap suliassaqarfiisa iluanni Inatsisartunut ilaasortanik suliamut tunngatillugu illuinnaasiunngitsumik paasisimasaqarluartumillu siunnersuineq. Sullinermut ilaapputtaaq ataatsimiititaliamit isumaliutissiissutissanut allakkiassanullu missingiusiornerit, kiisalu ataatsimiititaliap ataatsimiinnissaanik angalanissaanillu pilersaarusiorneq taakkununngalu peqataaneq.
Ataatsimiititaliap allattaatut suliassanik aamma allanik suliaqartarnissat naatsorsuutigissavat, ass. Inatsisartut ilaasortat siunnersuusiornerinut ikiuunnermut. Ungasinnerusoq isigalugu Kukkunersiuinermut Ataatsimiititaliap sullinnerata saniatigut ataatsimiititalianik allanik sullitaqartarnissaq periarfissaqassaaq.
Inatsisilerituujuguit taamatuttaaq inatsisilerinermut immikkkoortortaqarfimmi inatsisillu ilusiligaanerannik suliaqarnissat naatsorsuutigissavat.
Suliassanik aaqqissuulluakkamik, naammassineqarfiusumik namminersorlutillu naammassisaqarsinnaanissat pingaartipparput.
Sulianik ingerlatitseqqinnissamut oqaaseqaatigiiliornermullu pikkorissuunissat naatsorsuutigaarput. Inuttut sunniuteqarsinnaanissat avatangiisinilu naalakkersuinermik aqunneqartuni sulisinnaanissat Taamatuttaaq pisariaqarpoq.
Uloapporissuusariaqarputit ilaatigullu qaangiuttuungaatsiartarnissat naatsorsuutigisariaqassavat, mminnerunngitsumik Inatsisartut ukiakkut ataatsimiinnerisa nalaani..
Makkuli neqeroorutigaavut Inatsisartut Siulittaasoqarfiata DJØF-illu akornanni isumaqatigiissutit malillugit aningaasarsiatigut atukkat unammillersinnaasut, kiisalu soorunami atorfininnermi soraarnermilu akiliunneqarluni angalaneq, pisattat nuunneqarneri inissaqartinneqarnerlu (pisatsersorneqanngitsumik).
Taamatuttaaq ilinniarteqqinneqarnissamik neqerooruteqarpugut, ukiut atorfeqarfiit siulliit marluk iluanni Folketingimi ministeriaqarfimmiluunniit attuumassuteqartumi paasisassarsiorluni sulinissamut periarfissartalimmik.
Kiisalu aamma soorunami sullivimmi avatangiisit naalakkersuinikkut aalajangiisartunik qanimut attaveqarfiusut, suleqatillu tunniusimasut misilittagaqarluartullu suleqatigissavatit. Naalakkersuinikkut suliniaqatigiiffiit sulinerinut peqataanissaq piffissamilu qanittumi peqataasimaneq atorfillu ataqatigiissinneqarsinnaanngimmata inussiarnersumik malugeqquneqarpoq.
Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuunermik misilittagaqarneq inuttullu inerisimassuseq iluaqutaassapput. Pisortani atorfimmit allamit allaffissornermik misilittagaqarneq aamma iluaqutaassaaq.
Atorfiniffissaq: 15. september 2019 isumaqatigiissuteqarnikkulluuniit.
Qinnuteqarfissaq: 1. september 2019
Qinnuteqaat CV, soraarummeersimanermullu uppernarsaatinik, karakteriliunneqartut tamaasa ilanngullugit nassiunneqassaaq. Danmarkimi atorfimmit sulinngiffeqarnissamut periarfissat Naalagaaffimmi tjenestemandit AC-llu isumaqatigiissutai arlallit malillugit atorfeqartinneqartut Namminersorlutik Oqartussani atorfinitsinneqarnerminnut atatillugu akissarsiaqarnatik sulinngiffeqarsinnaatitaapput.
Aammattaaq Namminersorlutik Oqartussani atorfinitsitsinermi akissarsiaqarnani sulinngiffeqarnissamik qinnuteqaatinut kommunit nunallu immikkoortui akuersaartaqqullugit Nunamut namminermut ministeriaqarfimmit kaammattorneqarput.
Sulinngiffeqarnissaq pillugu aalajangersakkanut aamma ilaapput Namminersorlutik Oqartussani atorfinitsinneqartup katissimallugu aapparisaa/inooqatigisaa.
Annertunerusumik paasisaqarusukkuit
Paasissutissat sukumiinerusut nittartakkatsinni imaluunniit Inatsisartut allattaanerannut Ellen Kolby Chemnitzimut saaffiginnilluni pissarsiarineqarsinnaapput: Tlf.: +299 34 61 04 E-mail: ekc@ina.gl, Danmarkimiit sianissaguit danskit nalunaaqutaat naapertorlugu ullup-qeqqanut aatsaat allaffiit inoqalersimassapput.
Inatsisartut
Postboks 1060
3900 Nuuk - Grønland
Oqarasuaat. +299 345000 Fax: +299 324606
www.inatsisartut.gl