|
|
Nal. 10:00-imiit 11:00-imut akunneq apeqquteqarfissaq.
( § 37 imm. 7, naapertorlugu)
|
|
|
Partiit siuttuisa apeqqarissaarnerat.
Nal. 09:30-imiit 11:00-imut apeqquteqarfissaq.
|
|
|
Ataatsimiinnerup ammarneqarnera.
Inatsisartut Siulittaasoqarfiat
|
|
Imm./pkt.: 2
|
Ullormut oqaluuserisassanut nassuiaat.
Inatsisartut Siulittaasoqarfiat
|
|
|
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat
|
|
|
Inatsisartut ataatsimiititaliaannut sinniisoqarfinnullu ilaasortassanik sinni- isussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat
|
|
|
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat
|
|
|
2023-mi Inatsisartut Ukiakkut ataatsimiinnissaata aalajangiiffigineqarnera.
Inatsisartut Siulittaasoqarfiat
|
Imm./pkt.: 8Akuerineqarpoq
|
Inatsisartut ilassutitut aningaasaliissutinut inatsisissaannut siunnersuut 2022.
Aningaasaqarnermut Naligiissitaanermullu Naalakkersuisoq
|
|
|
1. august 2023 atuutilersussamik Ombudsmandimik qinersineq
Inatsisinut Ataatsimiititaliaq
|
|
|
Aningaasaqarnikkut Ingerlatsineq pillugu Nalunaarut 2023.
Aningaasaqarnermut Naligiissitaanermullu Naalakkersuisoq
|
Imm./pkt.: 11Aappass. UKA23
Kukkunersiuinermut Ataatsimiititaliamut innersuunneqarpoq
|
2022-mut Nunatta Karsiata naatsorsuutaasa akuersissutigineqarnissaannik siunnersuut.
Aningaasaqarnermut Naligiissitaanermullu Naalakkersuisoq
|
|
|
Unnerluutigineqarsinnaannginnerup atuukkunnaarsinneqarnera pillugu Inatsisartut aalajangiinerat.
(Matoqqasumik ataatsimiinneq)
Suleriaaseq pillugu Ataatsimiititaliaq
|
Imm./pkt.: 27Siull. 10/11-2022 Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
|
Utoqqaat pillugit isumalioqatigiissitamik utoqqarnut suliassaqarfimmi suliaqartunik peqataaffigineqartumik pilersitsinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Naalakkersuisut utoqqaat pillugit isumalioqatigiissitap kaammattuutai tunngavigalugit utoqqaat pillugit inatsisissatut siunnersuummik UKA2024-mi saqqummiussissapput.
Inatsisartunut ilaasortaq Mariane Paviasen, Inuit Ataqatigiit
|
Imm./pkt.: 29Siull. 16/11-2022 Aappassaaneerinninnermi allannguutissatut siunnersuut Ataatsimiititliamit saqqummiunneqartoq akuerineqarpoq
|
Kalaallit Nunaanni illunut inissianullu Radon-ip qinngorneranut illersuutilersuinissamut periarfissanik misissuititsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup imarissavaa pisortat ingerlataanni illuni aamma naammineq illuni inissianilu pisortanit pigineqartuni arlalinni periarfissarsiornissaq. Kingusinnerpaamik 2023-mi ukiaanerani ataatsimiinnermi misissuinermit innersuussutit saqqummiunneqassapput.
Inatsisartunut ilaasortaq Mariane Paviasen, Inuit Ataqatigiit
|
Imm./pkt.: 30Siull. 13/10-2022 Imm. 30, 78 aamma 89 ataatsimut siullermeerneqassapput
Ilaqutariinnermut Peqqissutsimullu Ataatsimiititaliamit allannguutissatut siunnersuut akuerineqarpoq
|
Meeqqat ADHD-mik aamma autisme-mik nappaateqartut siusinnerusukkut paasineqartarnissaannut qanoq pitsanngorsaasoqarsinnaaneranut pilersaarummik Naalakkersuisut suliaqaqqullugit peqquneqarnissaannut Inatsisartut aalajangiiffigisassaattut siunnersuut.
Inatsisartunut ilaasortaq Mikivsuk Thomassen, Inuit Ataqatigiit
|
Imm./pkt.: 31UKA2023-mut kinguartinneqarpoq
|
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 1/2022-imi Inatsisartut ilaliinissaannik siunnersuut:
Nunat Avannarliit Killiit Siunnersuisoqatigiiffiata Islandimi, Kalaallit Nunaanni Savalimmiunilu suleqatigiinnermut naalakkersuisunut kaammattuutigaa Nunat Avannarliit Killiit aalajangersakkatut kaammattuutaanik nunat malitseqartitsisarnerat pillugu suleqatigiinnermut naalakkersuisut ukiumoortumik nassuiaateqartarnerat siusarsaqqullugu Nunat Avannarliit Killiit Siunnersuisoqatigiiffiannut ataatsimut allakkatigut nassuiaateqartarnermut suleqatigiinnermut naalakkersuisut paarlakaajaallutik aqutsisuusarnerisigut.
Aallartitat siulittaasuat Kim Kielsen
|
Imm./pkt.: 32Akuerineqarpoq.
|
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 2/2022-imi Inatsisartut ilaliinissaannik siunnersuut:
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni Islandimilu naalakkersuisunut kaammatuutigaa nunani avannarlerni killerni naalakkersuisut inuusuttunut tunngasunik suliassaqartinneqartut 2023-mi naapisinneqassasut ulluinnarni atukkat, peqqissuseq, sunngiffimmi soqutigisat, inuit akornanni qarasiaatigut attaveqaqatigiittarfiit qulequttallu allat attuumassutillit eqqarsaatigalugit nunani pineqartuni pingasuni inuttut qanoq inissisimanerat pillugit misilittakkanik paarlaasseqatigiinnissaq aamma misissuinernik kisitsisitigullu paasissutissanik paarlaasseqatigiinnissaq siunertaralugu, taamaaliornikkut inuusuttut eqqarsaatigalugit ataatsimut ajornartorsiutit suussusersineqarnissaat ataqatigiissumillu suliniutigineqarsinnaasut eqqartorneqarnissaat siunertaralugu.
Aallartitat siulittaasuat Kim Kielsen
|
Imm./pkt.: 33UKA2023-mut kinguartinneqarpoq
|
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 3/2022-imi Inatsisartut ilaliinissaannik siunnersuut:
Nunat Avannarliit Killiit Siunnersuisoqatigiiffiata Islandimi, Kalaallit Nunaanni Savalimmiunilu naalakkersuisunut kaammattuutigaa pinngortitamik tunngavilimmik takornarniartitsisarnermut nunani avannarlerni killerni nunat periusissiat aaqqissuussinerillu qulaajarneqarlutillu sanillliunneqarnrannik ingerlataqaqqullugit, tassunga ilanngullugit nunani pineqartuni takornarniartitsisarnerup annertusiartorneranut atatillugu pinngortitamik atuisinnaaneq illersuinerlu, suliassaqarfimmi suleriaatsit pitsaanerpaat suussusersineqarnissaat paasiniarlugu.
Aallartitat siulittaasuat Kim Kielsen
|
Imm./pkt.: 34Siull. 9/11-2022 Kultureqarnermut, Ilinniartitaanermut Ilisimatumutsarnermut Ilageeqarnermullu Ataatsimiititalia innersuunneqarpoq
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
|
Pisariartitsineq aallaavigalugu nunalerinermik ilinniarfimmik pilersitsisoqarnissaanut Naalakkersuisut nalunaarusioqquneqarnissaaanik Inatsisartut aalajangiiffigisassaattut siunnersuut. Nalunaarusiaq Narsami Nunalerinermik ilinniarfimmik pilersitsinissamik qulaajaanerussaaq, pingaarnertut imminut pilersorsinnaaneq, nunalerineq aamma nerisassanik tunissassiornermik siunertaqartumik. Nalunaarusiaq Inatsisartut 2023-mi ukiaanerani ataatsimiinneranni agguaanneqassaaq.
Inatsisartunut ilaasortaq Mariane Paviasen, Inuit Ataqatigiit
|
Imm./pkt.: 35Akuerineqarpoq
|
Nunat Avannarliit Killiit Siunnersuisoqatigiiffiata kaammattuutityut aalajangersagaanik nr. 4/2022-imi Inatsisartut ilaliinissaannik siunnersuut:
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni Islandimilu naalakkersuisunut nunani avannarlerni killerni naligiissitaanissamut naalakkersuisut 2023-mi ataatsimeeqatigiissinneqarnissaat kaammattuutigaa. Tamatuma siunertarineqassaaq nunani avannarlerni killerni naligiissitaanermut naalakkersuisut Naligiissitaaneq eqqarsaatigalugut 2019-imiit 2022-mut nunani avannarlerni suleqatigiinnissamut pilersaarut, Nunani avannarlerni LGBTI-t naligiimmik pisinnaatitaaffeqarnerat, pineqartussaanerat periarfissaqartinneqarnissaallu pillugit tapertalerlugu 31. decemner 2024-ip tungaanut ingerlaqqittussatut nunani avannarlerni naligiissitaanermut ministerit 6. september 2011-mi aalajangiffigisaat, eqqarsaatigalugu misilittakkanik paarlaasseqatigiinnissaat. Taamatuttaaq kaammattuutigineqarpoq nunani avannarlerni killerni naligiissitaanermut naalakkersuisut naligiissitaaneq eqqarsaatigalugu nunani avannarlerni killerni ajornartorsiutit suussusersiniassagaat taakkulu eqqarsaatigalugit suliniutit ataqatigiittut eqqartorlugit. Ilanngullugu kaammattuutigineqarpit arnat angutillu naaligiissitaanissaat eqqarsaatigalugit Naalagaaffiit Peqatigiit nunarsuarmioqatigiinnut anguniagassiaat nunat avannarliit killiit naligiissitaanermut naalakkersuisut suleqatigiinnerminni innersuussutigissagaat.
Aallartitat siulittaasuat Kim Kielsen
|
Imm./pkt.: 36Siull. 8/11-2022 Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
|
Atorfimmi peqquserlunnerup akiornissaanut Naalagaaffiit Peqatigiit isumaqatigiissutaannut Kalaallit Nunaata ilanngunneqarnissaanik matumalu aalajangiiffigisassatut Siunnersuutip akuerineqarnerata kingunitsianngua tamatuma sulissutigineqalernissaa aallartinneqaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Asii Chemnitz Narup, Inuit Ataqatigiit
|
Imm./pkt.: 40Akuerineqarpoq
|
Aningaasanik peqquserluutinik malunnarunnaarsaaneq pillugu inatsimmik, aningaasalersuineq pillugu inatsimmik aamma inatsisinik assigiinngitsunik allanik allannguineq pillugu inatsimmi § 1-imik Kalaallit Nunaannut atuutilersitsineq pillugu peqqussutissatut siunnersuut (peqquserlunnikkut aningaasalersuinermut akiuiniarnermik sukaterineq aamma aningaasanik peqquserluutinik malunnarunnaarsaaneq pillugu malitassiat sisamaata (4.) aamma tallimaata (5.) naammassineqarnerannik)
Aningaasaqarnermut Naligiissitaanermullu Naalakkersuisoq
|
Imm./pkt.: 41Akuerineqarpoq
|
Taarsigassarsisitsisarfinnut aningaasaliisarnermillu ingerlatsivinnut aningaasaateqarnissamut piumasaqaatit nakkutilliinermullu piumasaqaatit pillugit Kalaallit Nunaanni inatsisip allanngortinneqarnissaanut siunnersuut ((EU) peqqussut nr. 575/2013 taarsigassarsisitsisarfinnut aningaasaliisarnermillu ingerlatsivinnut nakkutilliinermik piumasaqaatit) kiisalu aningaasalersuisarnermik ingerlatsineq pillugu inatsisini assigiinngitsuni aalajangersakkat Kalaallit Nunaannut atuutilersinneqarnissaanik peqqussummut ilaalernissamut siunnersuut kiisalu aningaasalersuisarnermi suliffiit ilaasa allatut ilusilersornissaat atorunnaarsinnissaallu pillugu inatsisip allanngortinneqarneranut inatsisit assigiinngitsut aamma aningaasaqarnermi patajaassuseq pillugu inatsisip atorunnaarsinneqarnera pillugu inatsisip Kalaallit Nunaannut atuutilersinneqarnerat pillugit peqqussummut Namminersorlutik Oqartussat ilanngunnissaat pillugu Inatsisartunut aalajangiiffigisassatut siunnersuut
Aningaasaqarnermut Naligiissitaanermullu Naalakkersuisoq
|
Imm./pkt.: 42Akuerineqarpoq
|
Utoqqalinersiaqarneq pillugu Inatsisartut inatsisaata aamma siusinaartumik pensionisiat pillugit Inatsisartut inatsisaata allanngortinneri pillugit Inatsisartut inatsisissaattut siunnersuut
Isumaginninnermut, Suliffeqarnermut Nunamullu Namminermut Naalakkersuisoq
|
Imm./pkt.: 43Akuerineqarpoq
|
Inissiani attartortittakkani ineqarnermut tapiissutit pillugit Inatsisartut inatsisaata allanngortinnera pillugu Inatsisartut inatsisissaattut siunnersuut
Isumaginninnermut, Suliffeqarnermut Nunamullu Namminermut Naalakkersuisoq
|
|
Imm./pkt.: 44
Trukket
|
Suliffissarsiortunut ikiorsiissutit pillugit Inatsisartut inatsisaata allanngortinnera pillugu Inatsisartut inatsisissaattut siunnersuut
Isumaginninnermut, Suliffeqarnermut Nunamullu Namminermut Naalakkersuisoq
|
|
Imm./pkt.: 45
Trukket
|
Siunnersuut uunga: Meeqqanut tapiissutit pillugit Inatsisartut inatsisaata, Utoqqalinersiaqarneq pillugu Inatsisartut inatsisaata, Siusinaartumik pensionisiat pillugit Inatsisartut inatsisaata, Ilinniartunut tapiisarneq pillugu Inatsisartut inatsisaata aamma Ilinniagaqarnersiutit pillugit Inatsisartut inatsisaata allanngortinneri pillugit Inatsisartut inatsisaat
Isumaginninnermut, Suliffeqarnermut Nunamullu Namminermut Naalakkersuisoq
|
Imm./pkt.: 46Akuerineqarpoq
|
Uunga siunnersuut: Inuussutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaanerit pillugit Inatsisartut inatsisaannik allannguineq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
|
Imm./pkt.: 47Akuerineqarpoq
|
Kalaallit Nunaanni pinerluttulerinermi inatsisip aamma Kalaallit Nunaanni eqqartuussisarnermik inatsisip allanngortinneqarnissaat pillugu inatsisissatut siunnersuummut (Tarnikkut nakuuserfigineqarneq pillugu aalajangersagaq immikkoortoq) aamma Pillaasarnermik inatsisip allanngortinneqarnerata ilaanik aamma inatsisit assigiinngitsut allat Kalaallit Nunaannut atuutilersinnissaat pillugu peqqussummut missingiut pillugu Kalaallit Nunaanni Namminersorlutik Oqartussat akuersissuteqarnissaat pillugu Inatsisartut aalajangiiffigisassaattut siunnersuut
Aatsitassanut Inatsisillu Atuutsinneqarnerannut Naalakkersuisoq
|
Imm./pkt.: 48Akuerineqarpoq
|
Kalaallit Nunaanni eqqartuussisarnermik inatsisip allanngortinneqarnissaanut inatsisissatut siunnersuutip (Pinerlunnernut Immikkut Isigisarialinnut Nuna tamakkerlugu Immikkoortortap Kalaallit Nunaannut piginnaatitaanera il. il.) kiisalu pillaasarnermik inatsisip, eqqartuussisarnermik inatsisip, aningaasanik malunnaarunnaarsaasarneq pillugu inatsisip aamma inatsisit allat assigiinngitsut pillugit inatsisip allanngortinneqarnerata ilaanik Kalaallit Nunaannut atuutilersitsinissamut peqqussutissatut missingiut pillugit Kalaallit Nunaanni Namminersorlutik Oqartussanit akuersissutigineqarnissaa pillug Inatsisartut aalajangiiffigisassaattut siunnersuut
Aatsitassanut Inatsisillu Atuutsinneqarnerannut Naalakkersuisoq
|
Imm./pkt.: 49Akuerineqarpoq
|
Uunga siunnersuut: Aatsitassanut tunngasunik suliaqarneq pillugu Inatsisartut inatsisaat
Aatsitassanut Inatsisillu Atuutsinneqarnerannut Naalakkersuisoq
|
Imm./pkt.: 50Akuerineqarpoq
|
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata (aatsitassanut ikummatissanullu inatsit) allanngortinneqarnissaa pillugu Inatsisartut inatsisaat
Aatsitassanut Inatsisillu Atuutsinneqarnerannut Naalakkersuisoq
|
Imm./pkt.: 51Akuerineqarpoq
|
Uunga siunnersuut: Illuliortiternernut aningaasalersuineq pillugu Inatsisartut inatsisaata allanngortinneqarnera pillugu Inatsisartut inatsisaat
Ineqarnermut Attaveqaasersuutinullu Naalakkersuisoq
|
Imm./pkt.: 52Akuerineqarpoq
|
Uunga siunnersuut: Sanaartorneq pillugu Inatsisartut inatsisaata allanngortinneqarnera, najukkat pillugit Inatsisartut inatsisaata allanngortinneqarnera kiisalu Grønlands tekniske Organisationi pillugu Inatsisartut peqqussutaata allanngortinneqarnera pillugu Inatsisartut inatsisaat
(Sanaartukkani piusuni nukimmik sipaarniarluni aaqqissuussinerit kiisalu nuna tamakkerlugu Illuutit Inissiallu nalunaarsuiffiannik BBR-imik pilersitsinissamut Naalakkersuisunut piginnaatitsissut)
Ineqarnermut Attaveqaasersuutinullu Naalakkersuisoq
|
Imm./pkt.: 53Akuerineqarpoq
|
Uunga siunnersuut: Meeqqat illersuisuat aamma Meeqqat pillugit Siunnersuisoqatigiit pillugit Inatsisartut inatsisaata allanngortinneqarneranut, Inuit Innarluutillit illersuisuat pillugu Inatsisartut inatsisaata allanngortinneqarneranut, Utoqqaat illersuisuat pillugu Inatsisartut inatsisaata allanngortinneqarneranut, Isumaginninnermik suliassaqarfimmi pissaanermik atuineq pillugu Inatsisartut inatsisaata allanngortinneqarneranut kiisalu Inuit Pisinnaatitaaffii pillugit Siunnersuisoqatigiit pillugit Inatsisartut inatsisaata allanngortinneqarneranut Inatsisartut inatsisaat
Meeqqanut, Inuusuttunut, Ilaqutariinnut Peqqissutsimullu Naalakkersuisoq
|
Imm./pkt.: 54Akuerineqarpoq
|
Kalaallit Nunaanni meeqqat pillugit inatsisip Kalaallit Nunaannut atuutilersinnissaanut peqqussutissatut missingiummut aamma meeqqat pilersorneqarnerat il. il. pillugu inatsisip Kalaallit Nunaannut atuutilersinnissaanut peqqussutissatut missingiummut Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut
Meeqqanut, Inuusuttunut, Ilaqutariinnut Peqqissutsimullu Naalakkersuisoq
|
Imm./pkt.: 55Akuerineqarpoq
|
Uunga siunnersuut: Nappaatit tunillaassortut akiorniarlugit iliuutsit pillugit Inatsisartut inatsisaat
Meeqqanut, Inuusuttunut, Ilaqutariinnut Peqqissutsimullu Naalakkersuisoq
|
Imm./pkt.: 56Akuerineqarpoq
|
Kalaallit Nunaanni Naalakkersuisunit taperserneqarnissaa pillugu Inatsisartut aalajangiiffigisassaattut siunnersuut: Uunga siunnersuut Nunani allamiut pillugit inatsimmik allannguineq pillugu inatsisinik assigiinngitsunik aamma Schengen-imi isumaqatigiissutip Danmark-imit ilannguffigineqarnera pillugu inatsimmik allannguineq pillugu inatsisinik assigiinngitsunik Kalaalit Nunaannut atuutilersitsineq pillugu peqqussut
Isumaginninnermut, Suliffeqarnermut Nunamullu Namminermut Naalakkersuisoq
|
Imm./pkt.: 57Akuerineqarpoq
|
Kunngeqarfiup Danmarkip Naalakkersuisut peqatigalugit Canadap naalakkersuisuinik ulloq 14. juni 2022-imi Kalaallit Nunaata Canadallu akornanni imaani killeqarfimmik nunamilu killeqarfimmik Kalaallit Nunaata isumaqatigiissuteqarnerata atuutsilersinnissaa pillugu Inatsisartut aalajangiiffigisassaattut siunnersuut.
Nunanut Allanut, Inuussutissarsiornermut Niuernermullu Naalakkersuisoq
|
Imm./pkt.: 58Akuerineqarpoq
|
Uunga siunnersuut: Kalaallit Nunaata nunasiaataaneranit ingerlatsinermut pissutsit pillugit qulaajaasoqarnissaanut, tamatumunngalu atatillugu Danmarkip NP nunasiaataajunnaarsitsinermut piumasaqaataanik naammassinnissimanersoq suliassamik allaaserinnittoqarnissaanik Inatsisartunit akuersissutigineqartussatut aalajangiiffigisassaattut siunnersuut
Nunanut Allanut, Inuussutissarsiornermut Niuernermullu Naalakkersuisoq
|
Imm./pkt.: 59Akuerineqarpoq
|
Inunnut paasissutissat oqartussanit suliarineqartarnerisa inatsisit naapertorlugit suliarineqartarnerat pillugu Kalaallit Nunaannut inatsisip atortuulersinnissaa pillugu peqqussummut Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
Naalakkersuisut Siulittaasuat
|
Imm./pkt.: 60Aappass. UKA2023-mut kinguartinneqarpoq
Eqqissisimatitsinermut Avatangiisinullu Ataatsimiititaliamut innersuunneqarpoq
|
Paris-imi isumaqatigiissummut Kalaallit Nunaata nunamut angaassuteqarnera atorunnaarsinneqassasoq aammalu Naalagaaffiit Peqatigiit Silap pissusia pillugu nunani tamalaani isumaqatigiissutaannut, UNFCCC-imut, nalunaarutigineqassasoq, danskit naalakkersuisuinut nalunaarutigeqqullugu Naalakkersuisut peqquneqarnissaat pillugu lnatsisartut aalajangiiffigisassaattut siunnersuut
Nunalerinermut, Imminut Pilersornermut, Nukissiutinut Avatangiisinullu Naalakkersuisoq
|
Imm./pkt.: 61Aappass. UKA2023-mut kinguartinneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
|
Kalaallit Nunaannut suliffissarsiortarneq pillugu Inatsisartut inatsisaata allanngortinneqarnera pillugu Inatsisartut inatsisaattut siunnersuummik saqqummiussinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Inatsisissatut siunnersuut nunatsinnut nuuttut kalaallit kulturiannik, oqaasiinik naleqartitaannillu ilinniarnissamut piumasaqaatitalimmik periarfissinneqarnissaannik aalajangersaassaaq. Inatsisissatut siunnersuut kingusinnerpaamik UKA2024-mi Inatsisartunut saqqummiunneqassaaq. Inatsisissamik piareersaasiorluni suliaqarnerup peqatigisaanik, Kalaallit Nunaanni inuiaqatigiinnut akuusitsilersitsinissamik inatsimmik atulersitsinissaq pillugu Naalagaaffeqatigiinni oqartussaasunut Naalakkersuisut saaffiginnissuteqassapput.
Inatsisartunut ilaasortaq Agathe Fontain, Inuit Ataqatigiit
|
Imm./pkt.: 62Aappass. UKA2023-mut kinguartinneqarpoq
Aningaasaqarnermut Akileraartarnermullu Ataatsimiititaliamut innersuunneqarpoq
|
Innuttaasunut, aalisartut, piniartut savaatillillu inuussutissarsiorlutik ingerlatsinerminni silap allanngoriartorneranut attuumassutilimmik ajunaarnersuarmut assingusumik eqqugaasut aningaasatigut ikiorserneqarnissaat siunertaralugu Naalakkersuisut Aningaasanut Inatsimmi kontumik nutaamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Kontomik pilersitsinerup peqatigisaanik kattuffiit attuumassuteqartut suliamut akuliutsinnerisigut ikiorsiisarnermik aaqqissuussinermut periusissanik aalajangersaanissamik Naalakkersuisut suliaqassapput, tamanna kontumi pingaarnermi oqaasertaliinikkut imaluunniit namminerisamik inatsisissatut siunnersuuteqarnikkut pissaaq.
Inatsisartunut ilaasortaq Agathe Fontain, Inuit Ataqatigiit
|
Imm./pkt.: 63Akuerineqarpoq
|
Inuit innarluutillit tapersersorneqarnissaannut Inatsisartut Inatsisaata allanngortinneqarnernissaa siunertaralugu, Naalakkersuisut Inatsisartut Inatsisaannik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut. Inatsimmik allanngortitsinermi angajoqqaat, angajoqqaatut sinniisut ilaqutariillu namminerisaminnik ikiorseqarnissamut pisinnaatitaanerat §8-mi allassimasunngortinneqassaaq. Inatsisartut Inatsisissaattut siunnersuut kingusinnerpaamik UPA2024-mi saqqummiunneqassaaq.
Inatsisartunut ilaasortaq Agathe Fontain, Inuit Ataqatigiit
|
Imm./pkt.: 64Imm. 64 aamma 120 ataatsimut siullermeerneqassapput
Akuerineqarpoq
|
Utoqqalinersiaqarneq pillugu Inatsisartut inatsisaat nr. 20, 23 november 2015-imeersup allangortinneqarnissaa siunertaralugu Naalakkakkersuisut peqquneqarnissaannik Inatsisartut aalajangiiffigisassaattut siunnersuut. Allangortitsinermi utoqqalinersiaqartup aapparisaata isertai naapertorlugit utoqqalinersiaqarnissamut naatsorsuunneqartarnera atorunnaarsinneqassaaq.
Inatsisartunut ilaasortaq Mariane Paviasen, Inuit Ataqatigiit
|
Imm./pkt.: 65Akuerineqarpoq
|
Kommuunit piffinni pinaveersaartitsinermut immikkoortumi anguniagaannut ikorfartuisussanik, Peqqissaanermik Ilinniarfiup ataani pinaveersaartitsinermik siunnersortitut ilinniartitaanermik pilersitsinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Agathe Fontain, Inuit Ataqatigiit
|
Imm./pkt.: 66Akuerineqarpoq
|
Illoqarfigisaq qimallugu erniartortartut ilaqutaasalu, unammillernartumik atugarisaat pillugit qulaajaanermik iliuusissatullu pilersaarummik suliaqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Iliuusissatut pilersaarut UKA24-p aallartinnginnerani saqqummiunneqarsimassaaq.
Inatsisartunut ilaasortaq Mikivsuk Thomassen, Inuit Ataqatigiit
|
Imm./pkt.: 67Akuerineqarpoq
|
Innuttaasut, suliaqartut/immikkut ilisimasallit, namminersorlutik inuussutissarsiortut, kommunit Inatsisartunilu partiit imigassamik akiuiniarnermi ataatsimut periusissialiornermi akuliunneqarlutik, ukiunut arlalinnut atuuttussamik ilisimatuussutsikkut uppernarsakkanik toqqammaveqartumik imigassamut politikissamut toqqammavissamut suliakkiummik Naalakkersuisut peqquneqarnissaannik Inatsisartut aalajangiiffigisassaattut siunnersuut. Periusissiaq atuutilersitsinermi aningaasatigut allaffissornermilu kinguneqaatissanut naatsorsukkanik imaqassaaq, UPA2025-milu agguaanneqassalluni.
Inatsisartunut ilaasortaq Agathe Fontain, Inuit Ataqatigiit
|
Imm./pkt.: 68Imm. 68 aamma 69 ataatsimut siullermeerneqassapput
Akuerineqarpoq
|
Naalagaaffiit Peqatigiit Meeqqat pisinnaatitaaffii pillugit isumaqatigiissutaata malinneqarnissaanut iliuusissatut pilersaarummik 2023-mit 2030-mut atuuttussamik nutaamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Eqaluk Høegh, Inuit Ataqatigiit
|
Imm./pkt.: 69Imm. 68 aamma 69 ataatsimut siullermeerneqassapput
Akuerineqarpoq
|
Nunatsinni meeqqat inuusuttullu kommunini tamani suliassanngortitat annertuumik navianartorsiortutut nalunaarsorneqarsimallutik inissisimasut kiisalu meeqqat inuusuttullu pillugit suliat suliarineqarsimanngitsut pillugit kommunit peqatigalugit Naalakkersuisut immikkut annertusisamik iliuuseqarnissaannik peqquneqarnissaannut Inatsisartut aalajangiiffigisassattut siunnersuut.
Inatsisartunut ilaasortaq Eqaluk Høegh, Inuit Ataqatigiit
|
Imm./pkt.: 70Akuerineqarpoq
|
Ikiaroornartup cannabis-ip inerteqqutaajunnaarsinneqarpat pitsaaqutai aammalu ajoqutai misissuiffigineqarnissaat siunertaralugu Naalakkersuisut nassuiaammik suliaqaqqullugit Inatsisartut aalajangiiffigisassaattut siunnersuut. Nassuiaat cannabis-ip qanoq inerteqqutaajunnaarsinneqarsinnaanera aammalu qanoq tuniniarsinnaaneranik imaqassaaq kingusinnerpaamillu ukiakkut 2024-imi Inatsartunut tunniunneqassaaq.
Inatsisartunut ilaasortaq Kristian Jeremiassen, Inuit Ataqatigiit
|
Imm./pkt.: 77Siull. 9/11-2022 Akuerineqarpoq
|
Namminersorlutik suliffeqarfiutillit immiaaqqanik, viinninik imigassallu kimittuunik eqqussisinnaanngornissaat anguniarlugu Nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersumut Naalakkersuisut allannguutissatut siunnersuuteqarnissaanik peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Jens-Frederik Nielsen, Demokraatit
|
Imm./pkt.: 78Siull. 13/10-2022 Imm. 30, 78 aamma 89 ataatsimut siullermeerneqassapput
Akuerineqarpoq
|
Meeqqanut ikiorsiinerit pigasuartuunngitsut timikkut aammalu tarnip pissusaat pillugu immikkoortortaqarfimmut innersuunneqarnermiit annerpaamik qaammat ataaseq ingerlasimanissaanik anguniagalimmik innersuussinissaq kisitsisilersuinissarlu siunertaralugu tarnip pissusaa pillugu aammalu meeqqat timikkut nakorsiartarfianneersunik sukkasuumik suligasuartussanik suleqatigiissitaliornissamik Naalakkersuisut pilersitsinissaat siunertaralugu Inatsisartut aalajangiiffigisassaattut siunnersuut. Suleqatigiissitap taamatuttaaq aningaasatigut sulisutigullu pisariaqartitat ersarissassavaat. Suleqatigiissitap innersuussassat kisitsinerillu UPA 2023 nallertinnagu naammassisimassavaat.
Inatsisartunut ilaasortaq Anna Wangenheim, Demokraatit
|
|
|
Pisortanit aqunneqartumik cannabissip inerteqqutaajunnaartinneqarneratigut hashimik eqqussuisarnerup, eqqusseriaraluarnermi toqusoqartarnerata, hashimik unioqqutitsilluni tuniniaasarnerup tigummiaqartarnerullu kiisalu aningaasanik Kalaallit Nunaannit annissuisarnerup akiorneqarsinnaanerat pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Aqqalu C. Jerimiassen, Atassut
|
Imm./pkt.: 81UKA2023-mut kinguartinneqarpoq
|
Takornariaqarnermik inuussutissarsiuteqarnermi akuersissutinik tunniussisarneq qanoq pitsanngortissinnaaneripput aammalu taamatut tunniussisarneq nunatsinni takornarialerisunut naapertuuttumik ingerlanneqartarnersoq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Aqqalu C. Jerimiassen, Atassut
|
Imm./pkt.: 82Siull. 8/11-2022
Vedtaget
|
Nammineq kissaatiginngisaminnik meerartaarsinnaanngitsut Qallunaat Nunaanni IVF aamma ICSI-mik ikiorserneqarsinnaanngorlugit angalanermullu, najugaqarnermut, misissortinnermut aammalu ikiorserneqarnermut aningaasartuutit peqqinnissaqarfimmiit akilerneqartarnissaannik neqerooruteqartoqartalernissaa pillugu Naalakkersuisut peqquneqarnissaanik Inatsisartunut aalajangiiffigisassatut siunnersuut. Tamatumani siunertaralugu nammineq kissaatiginngisamik meerartaarsinnaanngitsut ilaqutariinnut inuiaqatigiinnullu iluaqutaasussamik nuannaarutaasussamillu meerartaarsinnaanngornissaat.
Inatsisartunut ilaasortaq Anna Wangenheim, Demokraatit
|
Imm./pkt.: 83Siull. 17/11-2022 Akuerineqarpoq
|
Innuttaasut tarnimikkut napparsimasut innuttaasut akornanni inooqataaqqilertarnerannut annertusaanissaq anguniarlugu tarnikkut nappaatilinnut immikkoortortaqarfik aammalu pinerluttunik isumaginnittoqarfimmi sulisut ilinniakkamik qaffassaqqiffigisinnaasaannik immikkut suliaqarnissaq siunertaralugu Naalakkersuisut sukkanerpaamik Rigsmyndighed-mut attaveqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit
|
Imm./pkt.: 84Siull. 8/11-2022
Forkastet
|
Kalaallit Nunaanni Danmarkimilu ilinniartoqarfiit peqqinnissamut tunngassutillit akunnerminni suleqatigiinnissamut isumaqatigiissusiornissaannut suliniuteqartoqassagaluarpat pitsaaqutit iluaqutissallu misissornissaannut suleqatigiissitamik pilersitsinissamut Naalakkersuisut peqquneqarnissaanik Inatsisartut aalajangiiffigisassaattut siunnersuut. Suleqatigiinnissamut isumaqatigiissut sumiiffinni nittartagaq aqqutigalugu ilinniakkanik qaffassarnerit pikkorissarnerillu atorneqarsinnaaneri qulakkiissavaat. Tamanna inuiaqatigiinni sumiiffiit ilaanni isumaginninnikkut peqqinnissatigullu immikkut ilisimasalinnik pisariaqartitsinermut naaperiaataassaaq. Suleqatigiissitap suliani UKA 2023-mi naammassisimassavaa.
Inatsisartunut ilaasortaq Anna Wangenheim, Demokraatit
|
|
|
Qanoq iliornikkut uumassusileqatigiiaat nunanit allaneersut ajornartorsiutaanerata pinngitsoortissinnanissaanut iliuuseqartoqarsinnaanersoq, nunatsinni uumasooreersut innarlerneqannginnissaat pillugu apeqquteqaat aallaavigalugu oqallisissiassatut siunnersuut.
Inatsisartunut ilaasortaq Aqqalu C. Jerimiassen, Atassut
|
Imm./pkt.: 87Siull. 9/11-2022 Akuerineqarpoq
|
Takornariaqarneq aallaavigalugu ilinniarfiusinnaasumik Ilulissani ilinniartoqarfimmik pilersitsinissamut aalajangiisoqarsinnaanissaanut tunngavissanik Naalakkersuisut misissuinissaat pillugu Inatsisartut aalajangiiffigisassaattut siunnersuut. Ilinniartoqarfik minnerpaamik serviceøkonom, Arktisk Turistguide aamma Adventure Guide ilinniakkatut pigissavai. Misissuineq kingusinnerpaamik UKA 2023-mi Inatsisartunut tunniunneqassaaq.
Inatsisartunut ilaasortaq Nivi Olsen, Demokraatit
|
Imm./pkt.: 89Siull. 13/10-2022 Imm. 30, 78 aamma 89 ataatsimut siullermeerneqassapput
Akuerineqarpoq
|
Meeqqat ADHD-eqartut, ADD-eertut, autismeqartut aammalu/imaluunniit angstertut suussusersineqarnissaat taamaasillutalu ikiorsinnaanissaat qanoq pikkoriffiginerulersinnaanerinut tigussaasunik innersuussuteqartussanik suleqatingiinnik immikkut ilisimasalinnik pilersinnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut. Suleqatingiit immikkut ilisimasallit innersuussutit 1. juni 2023 nallertinnagu saqqummiutissavai.
Inatsisartunut ilaasortaq Nivi Olsen, Demokraatit
|
Imm./pkt.: 92Siull. 18/10-2022 Aappass. UKA2023-mut kinguartinneqarpoq
Inatsisinut Ataatsimiititaliamut innersuunneqarpoq
|
Kalaallit Nunaanni Inuit nalunaarsorsimaffiannik, Norgemi sametingimi valgmanntallimut aaqqissuussineq isumassarsiorfigalugu (Kalaallisut inuit nalunaarsorsimaffiat aamma qinersisartut nalunaarsorsimaffiat), nammineq kajumissutsimik nalunaarsuinermik aamma qinersisartut nalunaarsorsimaffiannik tunngaveqartumik, suliaqarnissamik
Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq
|
Imm./pkt.: 94Siull. 8/11-2022 Itigartinneqarpoq
|
Aalajangiiffigisassatut siunnersuut, Upernavimmi Uummannamilu, nunaqarfiillu eqqaaniittuni eqqaaveqarneq pillugu Naalakkersuisut nalunaarusiussasut, nalunaarusiaq agguaanneqassaaq UKA2023-imi. Nalunaarummi erseqqissarneqarsmassaaq, eqqakkanik isumaginninneq qanoq allatut suliarneqarsinnaanersoq, ukiuni arlalippassuarni atasinnaasunik, kiassarnikkut inaallagiaqarnikkullu iluaqutaasinnaasunik sanaartussagaanni, qanorlu aningaasaqarnikkut kinguneqassanersoq.
Inatsisartunut ilaasortaq Aqqalu C. Jerimiassen, Atassut
|
Imm./pkt.: 97Siull. 10/11-2022 Itigartinneqarpoq
|
Sapigalinnut ulluinnarni nerisassat nioqqutissat nunatsinnut ajornannginnerusumik eqqussorsinnaalernissaannut Naalakkersuisut nalunaarusioqqullugit peqquneqarnissaat pillugu Inatsisartut aalajangiiffigisassaattut siunnersuut. Nunaniit allaniit nioqqutissat taakku eqqussorsinnaanissaannut inatsisitigut qanoq allannguinissaq pisariaqarnersoq, qanorlu akimikkut Danmarkimiit nioqqutissanut unammillernerusinnaalersinnaaneri nalunaarusiamut ilanngunneqassapput. Nalunaarusiaq kingusinnerpaamik UKA2023-mi Inatsisartunut agguaanneqassaaq.
Inatsisartunut ilaasortaq Aqqalu C. Jerimiassen, Atassut
|
|
|
Innarluutillit kiffartuunneqarnerisa ineriartortinneqarnissaanut aamma annertusarneqarnissaanut suliniuteqalernissaq siunertaralugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Hans Peter Poulsen, Siumut
|
Imm./pkt.: 101Akuerineqarpoq
|
Nunatsinni allaffissornerup nunatsinnut tulluartumik nutaamik aaqqissuuteqqinnissaanut Naalakkersuisut periusissiamik suliaqaqqullugit peqquneqarnissaanik Inatsisartut aalajangiiffigisassaattut siunnersuut. Periusissiaq kingusinnerpaamik UPA2024-mi saqqummiunneqassaaq.
Inatsisartunut ilaasortaq Doris J. Jensen, Siumut
|
Imm./pkt.: 102Aappass. UKA2023-mut kinguartinneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
|
Innuttaasut feeriarnermusiassaasa Sulinngiffeqarnermut Inatsit naapertorlugu sulisut sulinngiffeqarneranut takussutissiisumik attaveqarfissanut paasisutissat naammattut pigineqarnerinik qulakkeerinninnissamut periusiliortoqarnissaanik Naalakkersuisut suliaqaqqullugit peqquneqarnissaanik Inatsisartut aalajangiiffigisassaattut siunnersuut.
Inatsisartunut Ilaasortaq Doris J. Jensen, Siumut
|
Imm./pkt.: 103Aappass. UKA2023-mut kinguartinneqarpoq
Ilaqutariinnermut Peqqissutsimullu Ataatsimiititaliamut innersuunneqarpoq
|
Kommuunit oqaloqateqatigalugit inuit napparsimanermik pissuteqartumik suliffissarsiortut ikiorsiissutinik qinnuteqartut qanoq pitsaanerpaamik aalajangiinissap tungaanut aningaasartuutiminnik akissaqarnissaannut sullinneqarnissaannik qulakkeerinninnissamut Naalakkersuisut peqquneqarnissaannik Inatsisartut aalajangiiffisissaattut siunnersuut.
Inatsisartunut Ilaasortaq Doris J. Jensen, Siumut
|
Imm./pkt.: 106Imm. 106 aamma 160 ataatsimut siullermeerneqassapput
|
Puisit amiinik tunisassiornerup qanoq siuarsarneqarsinnaanera kiisalu suut qanorlu iliuutsit sineriapput tamakkerlugu puisit amiinik tunioraarnerup siunissami qaffasissumiitittuarnissaanut iluaqutaasinnaanerat pillugu apeqquteqaat aallaavigalugu oqallinnissamik siunnersuut
Inatsisartunut ilaasortaq Lars Pousen, Siumut
|
Imm./pkt.: 108Akuerineqarpoq
|
Sisimiut Kangerlussuullu akornanni qallersugaanngitsumik aqqusinermik sanaartornermi Namminersornerullutik Oqartussanit inatsisitigut aningaasartuutissat pisariallit tamaasa ingerlatsinermi aningaasartuutit kommuunip nammineq isumagissappagit qulakkeerneqarnissaannut Naalakkersuisut peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Anders Olsen, Siumut
|
Imm./pkt.: 115Aappass. UKA2023-mut kinguartinneqarpoq
Inatsisinut Ataatsimiititaliamut innersuunneqarpoq
|
Inatsisartunut aaliangigassiaralugu siunnersuut; Naalakkersuisut pisussaaffilerneqassasut naalagaaffimmi oqartussaasunut piumasaqaateqassasut Kalaallit Danskit Nunaanni inuiattut ikinnerussuteqartutut akuerineqarnissaat, tassani tunngavigineqassaaq Inuiaat Ikinnerussuteqarneranut isumaqatigiissut (FCNM) aammalu Europami oqaatsit aaliangersimasut imaluunniit inuiaat ikinnerussuteqartut oqaaserisamikkut ikinnerussuteqarnerannut angerfigeqatigiissut (Sprogpagten).
Inatsisartunut ilaasortaq Kuno Fencker, Siumut
|
Imm./pkt.: 117Aappass. UKA
Aningaasaqarnermut Akileraartarnermullu Ataatsimiititaliamut innersuunneqarpoq
|
Soraarnerussutisiaqarnissamut aaqqissuussinermut pinngitsoorani ilaanissap sunniutaasa aaqqissuussinerullu naapertuunnerata nalilersuiffigineqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalilersuineq UKA2023 nallertinnagu tamanut saqqummiunneqarlunilu Inatsisartunut agguaanneqassaaq.
Inatsisartunut ilaasortaq Doris Jakobsen Jensen, Siumut
|
Imm./pkt.: 118Siull. 5/10-2022 Akuerineqarpoq.
|
Uunga siunnersuut: Eqqumiitsuliornermik ingerlatsineq pillugu Inatsisartut inatsisaannut allannguutissatut siunnersuut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
|
Imm./pkt.: 120Imm. 64 aamma 120 ataatsimut siullermeerneqassapput
Akuerineqarpoq
|
Utoqqalinersiaqarneq pillugu Inatsisartut inatsisaat nr. 20, 23. november 2015-imeersoq kingusinnerusukkullu allannguutit ilanngullugit allanngortinneqarnissaannik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut, utoqqalinersiaqarneq aapparisap isertitai tunngavigalugit allanngortinneqartarunnaarnissaat anguniarlugu.
Inatsisartuni ilaasortaq Jens NapãtôK’, Naleraq
|
|
|
Najugaq qimannagu inunnik isumaginninnermut siunnersortitut ilinniagaqalernissaq anguniarlugu suliamik aallartitsinissamik periarfissaqaleqqullugu Naalakkersuisut peqquneqarnissaannik apeqquteqaat aallaavigalugu oqallinnermik siunnersuut.
Naleraq
|
Imm./pkt.: 123Akuerineqarpoq
|
Naalakkersuisut inuit tarnimikkut nappaatillit amerlanerit aamma ajuutillit ilinniakkaminnik aallarteriikkaminnik naammassinninnissaannut suliniuteqarnissaannik peqquneqassasut Inatsisartut aalajangigassaannik siunnersuut. Tamanna ilaatigut pisinnaavoq inuit peqannginnerusinnaanerat periarfissiissutigalugu aamma ilinniarnerup sivisussusia akuereriikkamit sivitsorlugu.
Inatsisartuni ilaasortaq Paneeraq Olsen, Naleraq
|
Imm./pkt.: 125Aappass. UKA2023-mut kinguartinneqarpoq
Ilaqutariinnermut Peqqissutsimullu Ataatsimiititaliamut innersuunneqarpoq
|
Naalakkersuisut nuna tamakkerlugu puigortunngortunik ataqatigiissaarisussamik pilersitsinissaannut suliniummik misissuinissaanik peqquneqarnissaannik Inatsisartut aalajangigaassaattut siunnersuut. Misissuinerup inernera UPA2024-mi saqqummiunneqassaaq.
Inatsisartuni ilaasortaq Paneeraq Olsen, Naleraq
|
Imm./pkt.: 130Akuerineqarpoq
|
Naalakkersuisut innuttaasut nunaqarfinni isorliunerusunilu najugaqartut nammineer¬lu¬tik illuliornissamut taarsigassarsisinnaanissaminnut periarfissaat pitsanngorsarumal¬lugu kiisalu nammineerlutik illuliornissamut taarsigassarsinissamut periarfissaannik ammaasseqqinniarlugit suliaqarnissaannut peqquneqarnissaannik siunnersuut.
Suliaq naammassineqariissaaaq UPA 2024-mut.
Inatsisartuni ilaasortaq Jens NapãtôK´
|
|
Imm./pkt.: 139
Trukket
|
Inatsisartut Inatsisaat nr. 20, 27. November 2018-meersup, Inuit Pisinnaatitaaffii pillugit Kalaallit Nunaata Siunnersuisooqatigiivi siunertaminnut atornersut nalilersorsoqqullugu, naalagaaffimmut pisussaaffeqannginnera pissutigalugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq
|
Imm./pkt.: 142Imm. 142, 143 aamma 146 ataatsimut siullermeerneqassapput
Akuerineqarpoq
|
Naalagaaffimmiit akisussaaffiit sorliit pitsaasumik angerlaanneqarsinnaanerinik allattorsimaffimmik imaqartumik Naalakkersuisut nalunaarusiussasut peqquneqarnissaanik Inatsisartunut siunnersuut. Nalunaarusiaq akisussaaffiit angerlaanneqartussat tamarmik immikkut aningaasatigut kingunissaanik imaqassapput taamatullu akisussaaffiit angerlaanneqarnissaannut tigussaasumik piffissalersorlugit. Nalunaarusiaq piareereersimassaaq Inatsisartunullu tunniunneqareersimassalluni UKA2024 nallertinnagu.
Demokraatit Inatsisartut gruppia
|
Imm./pkt.: 143Imm. 142, 143 aamma 146 ataatsimut siullermeerneqassapput
Akuerineqarpoq
|
Naalagaaffimmiit akisussaaffiit ullumikkut ingerlanneqartunut suut piginnaasat pisariaqartinneqassanersut tigussaasumik ersarissarneqarnissaat anguniarlugu Rigsmyndighed aningaasaliinissaa aammalu Namminersorlutik Oqartussat qanimut suleqatigalugit nalunaarusiamik suliaqassasut siunertaralugu Naalakkersuisut Rigsmyndighed attavigissagaat piumaffigineqarnissaat pillugu Inatsisartunut aaliangiiffigisassatu siunnersuut. Nalunaarusiaq piginnaasatigut ineriartortitsinissamut pilersaarummik imaqassaaq, uagut maani Kalaallit Nunaanni akisussaaffiit angerlaannissaannut piginnaasatigut pisariaqartitassatsinnik ersarissaasussanik.
Demokraatit Inatsisartut gruppia
|
|
|
Nalunaarusiaq aallaavigalugu Naalakkersuisut Inatsisartullu ikiorneqarsinnaajunnaarnertik pissutigalugu toquinnarusullutik kissaateqartunut ikiuineq qanoq isumaqarfigineraat, oqallisissiatut siunnersuut: ” Toquinnarusuttunik ikiuineq inuiaqatigiittut qanoq isumaqarfigineripput aamma inuunermik navianartorsiortitsisumik nappaateqartunut tungiuinissamut suliniutit pillugit inerisaanissamut periarfissanik misissueqqissaarnermut suleqatigiissitap nassuiaataa”.
Inatsisartuni ilaasortaq Jens-Frederik Nielsen, Demokraatit
|
Imm./pkt.: 145Aappass. UKA2023-mut kinguartinneqarpoq
Ilaqutariinnermut Peqqissutsimullu Ataatsimiititaliamut innersuunneqarpoq
|
Narsami aammalu Kullorsuarmi ilaqutariinnut siunnersortit ukiut marluk suligasuartussanik Naalakkersuisut aallarnisaanissaamut peqquneqarnissaanik Inatsisartunut aalajangiiffigisassatut siunnersuut. Suligasuarsimanerit naammassippata naliliiffigineqassapput, nunatta sinneranut siammarneqarsinnaanersoq nalilersornissaanut siunertaralugu.
Inatsisartuni ilaasortaq Nivi Olsen, Demokraatit
|
Imm./pkt.: 146Imm. 142, 143 aamma 146 ataatsimut siullermeerneqassapput
Itigartinneqarpoq
|
Namminersorlutik Oqartussat Naalagaaffillu aningaasatigut inissisimanerat immikkut sammillugu, Namminersorneq pillugu Inatsi kukkunersorneqarnissaa pillugu isumaqatiginninniarnissat aallartinnissaat anguniarlugu, Naalakkersuisut Rigsmyndighed attaveqarnissaat pillugu Inatsisartunut aalajangiiffigisassatut siunnersuut.
Inatsisartuni ilaasortaq Jens-Frederik Nielsen, Demokraatit
|
Imm./pkt.: 148Akuerineqarpoq
|
Angajoqqaat erninermi sulinngiffeqarnerup naammassereersimanerani paarsisussarsisimanngitsunut pisortat qanoq ikiorsiisinnaanerinut tunngasumik, siunnersuummik saqqummiussisussamik, suleqatigiissitaq nalunaarummik suliaqartussamik pileritsisoqarnissaanik Naalakkersuisut peqquneqassasut Inatsisartunut aalajangiiffigisassatut siunnersuut. Nalunaarusiami siunnersuut aallaavigalugu pisortanut aningaasatigut suut kingunissaanersut ilaassapput. Suleqatigiissitaq innersuussutini kingusinnerpaamik 1. Januar 2024 saqqummiutereersimassavaat.
Demokraatit Inatsisartutgruppia
|
|
|
Namminersorluni inuussutissarsiutimik aallarnisaaneq ingerlatsinerlu ajornannginnerulerlunilu orniginarnerulernissaa anguniarlugu qanoq iliorsinnaanerluta pillugu oqallisissiatut siunnersuut.
Inatsisartuni ilaasortaq Nivi Olsen, Demokraatit
|
|
|
Tusagassiortut kalaallisut oqaluttunik amigaateqarneq qanoq iliuuseqarfigisinnaanerlutigu Oqallisissiatut siunnersuut.
Inatsisartunut Ilaasortaq Nivi Olsen, Demokraatit
|
Imm./pkt.: 159Siull. 17/11-2022 Akuerineqarpoq.
|
Arfersiorfiup ukiukkut qimussimik tuttunniarfiusalernissaa siunertaralugu Naalakkersuisut peqquneqarnissaannik Inatsisartut aalajangiffigisassaattut siunnersuut. Piffissaq ukiukkut piniarfiausoq tamaat isigalugu, sumiiffiup siunnersuutigineqartup qanitaani nalunaarutip atuuttup aalajangersagai assigalugit suliaqartoqassaaq.
Inatsisartunut ilaasortaq Kristian Jeremiassen, Inuit Ataqatigiit
|
Imm./pkt.: 160Imm. 106 aamma 160 ataatsimut siullermeerneqassapput
|
Qanoq iliornikkut puiserpassuit pisarineqartartut amiiginnariarlugit ilivitsuutillugit imaanut eqqaannarneqartartut pinaveersaartissinnaaneri pillugu apeqquteqaat aallaavigalugu oqallisissiassatut siunnersuut.
Inatsisartuni ilaasortaq Siverth K. Heilmann, Atassut
|
Imm./pkt.: 161Akuerineqarpoq
|
Takornariat umiarsuarnik takornariartaatinik tikittut tulannerminni isumannaallisaanikkut akitsuuserneqarnissaannik Naalakkersuisut UKA2024-mi Inatsisartunut saqqummiussassamik inatsisiliornissaat pillugu Inatsisartut aalajangiiffigisassaattut siunnersuut. Isumannaallisaanikkut akitsuutip siunertaraa inupparujussuit umiarsuarujussuarlutik tikittut tulannerminni timmisartukkut tikittutuut periuseq malillugu nalunaarsorneqartalernissaat, nunatsinnilu aningaasaqarnikkut iluanaarutigineqarsinnaalerlutik.
Inatsisartuni ilaasortaq Aqqalu C. Jerimiassen, Atassut
|
|
|
Qanoq iliornikkut nunatsinni ujarak sanaartornermi atorluarnerusinnaavarput, qisunnillu eqqussuiuarnerup annertoqisup apparsarnissaa anguniarlugu apeqquteqaat aallavigalugu oqallisissiatut siunnersuut
Inatsisartuni ilaasortaq Aqqalu C. Jerimiassen, Atassut
|
Imm./pkt.: 163Aappass. UKA
Inatsisinut Ataatsimiititaliamut innersuunneqarpoq
|
Ikiaroornartunik sakkortuunik eqqusseriartunut, tuniniaasunullu pineqaatissiisarnerup sakkortunerulernissaa pillugu Naalakkersuisut 2023 naatinnagu Naalagaaffimmut saaffiginnissuteqarnissaannik Inatsisartut aalajangiiffissaattut siunnersuut.
Inatsisartuni ilaasortaq Aqqalu C. Jerimiassen, Atassut
|
|
|
Ilumut Danmarkimiit avissaarniarneq inuup inuuneraniit naleqarnerusutut isigineqassanersoq apeqquteqaat aallaavigalugu oqallisissiaq.
Inatsisartuni ilaasortaq Aqqalu C. Jerimiassen, Atassut
|
|
|
Qanoq iliorutta nunasiaataasimanermiit anniaatigisagut qaangersinnaavagut? Danmarki qanoq iliornissaa naatsorsuutigaarput? Apeqquteqaat aallaavigalugu oqallisissiassatut siunnersuut.
Inatsisartuni ilaasortaq Aqqalu C. Jerimiassen, Atassut
|
|
|
Nunatsinni demokratiimik tamallu oqartussaaqataanerannik qanoq paasinnittariaaseqarnerput pillugu apeqquteqaat aallaavigalugu oqallisissiassatut siunnersuut.
Inatsisartuni ilaasortaq Aqqalu C. Jerimiassen, Atassut
|
|
|
Qanoq iliornikkut eqqumiitsuliortut amerlanerit namminersortuunerulersissinnaavagut pisortaniillu tapiissutinik qinnuteqartuartarneq isumalluutaavallaarunnaartissinnaanera pillugu apeqquteqaat aallaavigalugu oqallisissiassatut siunnersuut.
Inatsisartuni ilaasortaq Aqqalu C. Jerimiassen, Atassut
|
Imm./pkt.: 170Siull. 22/3-2022 Akuerineqarpoq
|
Uunga siunnersuut: Piniarneq aallaaniarnerlu pillugit Inatsisartut inatsisaat.
Aalisarnermut, Piniarnermullu Naalakkersuisoq
|
|
|
Meeqqat piitsuussusaannut, ajornartorsiutip annertussusaanut aamma ajornartorsiummut qanoq iliorluni qaangiiniarluni aaqqiissutissaq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Asii Chemnitz Narup, Inuit Ataqatigiit
|
Imm./pkt.: 180Akuerineqarpoq
|
Siunnersuut uunga: Pisortanit ikiorsiissutit pillugit Inatsisartut inatsisaannik aamma suliffissarsiortunut ikiorsiissutit pillugit Inatsisartut inatsisaannik allannguineq pillugu Inatsisartut inatsisaat
Isumaginninnermut, Suliffeqarnermut Nunamullu Namminermut Naalakkersuisoq
|
