Ataatsimiittarfimmiinnermi eqqaaniinnermilu malittarisassat makku atuupput:
- Ataatsimiittarfik piareersarneqassaaq aatsaallu ataatsimiinnissaq minutsinik 15-inik sioqqullugu ilaasortanit iserfigineqarsinnaanissaminut ammarneqassalluni
- Amerlanerpaamik ilaasortat 31 + ataatsimiinnermi aqutsisumut allatsi ataaseq + nakkutilliisoq ataaseq ataatsikkut ataatsimiittarfimmiissinnaassapput
- Naalakkersuisoq suliassaqarfimmut akisussaasuusoq suliassat namminerminut tunngasut oqaluuserineqarnerisa nalaani sapinngisamik aatsaat ataatsimiittarfimmiittassaaq
- Inissaminnukarnerminni aniartornerminnilu ilaasortat aqqut naannerpaaq toqqassagaat kaammattuutigineqarpoq
- Oqaaseqartartut oqaluttarfimmit saqqummiissapput
- Issiavigisamit apeqquteqartoqartassaaq
- Oqaluttarfiup spritimik salinneqarnissaanut oqaluttarfiup eqqaani spritimik inissiisoqassaaq
- Avataaneersut, tusagassiortut atorfilittallu suliassaqarfimminnut tunngasunik oqaluuserinninnermi ataatsimiittarfimmiissinnaapput, inissalli killeqarmata taakku pisariaqartitsineq malillugu agguataarneqartariaqassapput. Internet tv-lu aqqutigalugit ataatsimiittarfimmi ataatsimiinnermik malinnaanissaq innersuussutigineqarpoq
- Kaffisortarfik nalinginnaasumik ammassaaq, COVID19-ili pillugu malittarisassat atuuttut malinneqaannassallutik, tamatumanilu immikkut atuullutik ataatsikkut kaffisortarfimmiittut amerlavallaannginnissaat aammalu ilaasortat imminnut ungasinnissaat kiisalu COVID19 pillugu malittarisassat Inatsisartoqarfimmi piffinni amerlasuuni nivinngarneqarsimasut malinneqarnissaat