Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaq 

Kalaallit Nunaanni Inatsisartut Suleriaasiat naapertorlugu Kultureqarnermut Ilinniartitaanermullu Ataatsimiititaliap suliassaraa siunnersuutit Inatsisartunit ataatsimiititaliamut innersuunneqartut suliarinissaat.

 

Ataatsimiititaliaq, ilaatigut Naalakkersuisunut apeqquteqartarnermigut, suliassaqarfimmi iluani ingerlatsinermik malittarinninnissamut pisussaavoq aammalu Naalakkersuisut inatsisitigut killissaritaasut iluanni ingerlatsinikkulluunniit ileqqorissaarnermut tunngatillugu killigititat iluanni ingerlatsinissaat nakkutigissallugu.

 

Suliassaqarfii soqutigisarfiillu:

Ilinniartitaaneq meeqqanut suli atalinngitsunut immikkoortoq:
. Ulluunerani paaqqinniffeqarneq
. Meeqqat atuarfiat
. Immikkut atuarfiit
. Ilinniarnertuunngorniarfiit
. Ingerlaqqiffiusimik ilinniagaqarfiit
. Inuussutissarsiutitigut ilinniagaqarfiit
. Efterskolit
. Sunngiffimmi sammisassaqartitsineq
. Højskolit
. Ilinnigaqarnersiutit
. Ilinniartut ineqartitaanerat

 

Ilisimatusarneq:
. Kalaallit Nunaanni Naatsorsueqqissaartarfik
. Ilisimatusarfik

 

Kultureqarneq nutaarsiassalerinerlu:
. Aviisit
. Toqqorsiviit
. Atuagaateqarfiit
. Kultureqarnermut tapiissutit allat. (Atuakkanik saqqummersitsisarfinnuinnaq Aningaasanut inatsisit aqqutigalugu siornatigutut tapiisarneq unitsinneqarsimavoq)
. Atuakkanik saqqummersitsisarfiit
. Katersugaasiviit
. Radio aamma TV

 

Timersorneq
. Timersornermut Kattuffimmut tapiissutit
. Arctic Winter Games aamma Islands Games

 

Ilageeqarneq
. Ilagiit Højskoliat
. Ilagiit
. Palasissanik Ilinniartitsineq
. Ajoqissanik Ilinniartitsineq
. Pattattussanik Ilinniartitsineq

 

Pissutsit nunanut tamalaanut tunngasut:

Tamatuma saniatigut nunat avannarliit sinnerini aammalu Nunat Avannarliit Killiit suleqatigiinneranni kultureqarnermut ilinniartitaanikkullu anguniakkatigut ineriartorneq ataatsimiititaliamit malinnaavigineqartariaqarpoq. Taakkununnga atatillugu isumaqatigiissutit ilaat kaammattuutitullu aalajangersakkat Namminersorlutik Oqartussanit akuersissutigineqarsimasut pisussaaffiliisuusinnaapput.