Oqaluuserisassani immikkoortoq 05-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Jonathan Motzfeldt, Naalakkersuisut siulittaasuat:
Aappassaaneerinninnermi
ilassutissatut siunnersuutip pingajussaaneerneqannginnerani siunnersuut ' 2-mi immikkoortoq 2-mi
oqaaseqatigiit siulianni naqinnerit amigaataasut ilanngunneqarnissaat,
Inatsisartut Inatsiseqarnermi Ataatsimiititaliaata Naalakkersuisunut
kaammatuutigaa.
Tamatuminnga iluarsiissummik
allannguutissatut siunnersuuteqartoqarpoq. Naalakkersuisut iluarisimaarlugu
paasivaat Inatsisissatut siunnersuutip matumanisut allanngortinneqarluni
pingajussaaneerneqarluni ingerlateqqinneqarnissaa Inatsisartunit
amerlanerussuteqartunit ilalerneqartoq, taamaattumik Naalakkersuisut
inassutigaat siunnersuut matumani inaarutaasumik akuersissutigineqassasoq.
Johan Lund Olsen, Inatsisartut Siulittaasuat:
Oqaaseqartoqarumanngilaq.
Taamaattumik maannakkut tassa pisortat ingerlatsinerat pillugu paasitinneqarsinnaaneq
pillugu Inatsisartut inatsisaata allanngortinneqarnerani Inatsisartut
inatsisissaattut siunnersuut, maannakkut pingajussaaniigarput taamatut
isikkoqarluni, qassit aamma kikkut akuersaarsinnaavaat?
24
Johan Lund Olsen, Inatsisartut Siulittaasuat:
Taavalu aperissaanga uani
taaseqataanngitsoqarnersoq.
12
Johan Lund Olsen, Inatsisartut Siulittaasuat:
Aamma aperissaanga
akerliusoqarnersoq.
Akerliusoqanngilaq.
Johan Lund Olsen, Inatsisartut Siulittaasuat:
Taamaattoqanngilaq.
Tassa taamatut isikkoqarluni pisortat ingerlatsinerat pillugu
paasitinneqarsinnaatitaaneq pillugu Inatsisartut inatsisaat taamaalilluni
akuersissutigineqarpoq.