Samling
UKA 2002/101
ilanngussaq
Aalajangigaq nr. 1/2001
Nunat Avannarliit Killiit Siunnersuisoqatigiiffiata siulittaasoqarfiup siunnersuutaa una aalajangikkatut akuerisimavaat, 14-it akueralugu taaseqataaffigalugu, akerliusoqarani, ataaseq taaseqataanani najuutinngitsoqaranilu.
Nunat Avannarliit Killiit Siunnersuisoqatigiiffiata Savalimmiut Naalakkersuisuinut, Kalaallit Nunaanni Naalakkersuisunut Islandimilu Naalakkersuisunut inassutigaa Nunat Avannarliit Killiit piniarnikkut ileqqutoqaasa uppernarsaasersorneqarnissaat sulissutigeqqullugu, taamaalillutik tamatumunnga tunngasunik ilisimasat kingulissanit pigiinnarneqarsinnaaqqullugit.
Nassuiaat
Piniarneq Nunat Avannarliit Killiit innuttaasa inuuniarnermikkut tunngavigisassa ilagiuaannarsimavaat. Taamaattumik Nunat Avannarliit Killiit piniarnikkut ileqqutoqaat kultturitta ilagaat. Kulturikkulli pisartut suulluunniit allat assigalugit Nunat Avannarliit Killiit piniarnikkut ileqqutoqaat oqaluttuarisaanermi nikerarnernit sunniivigineqanngitsoorsimanngillat. Teknologiikkut ineriartorneq sunniuteqarsimavoq. Naalikkat nuffillu aallaasinit taarserneqarsimapput, umiatsiaaqqat aquuteralallit qajaq umiarlu taarsersimavaat, qamuteralaallu najukkani arlalippassuarni qamutinik qimminik qimuttulinnik taarsiisimallutik.
Najukkani ataasiakkaani ileqqutoqqat malillugit suli piniarniartoqartarpoq. Avanersuarmi Qaa-naami eqqaanilu qajaq qilalulkkanik qernertarniarnermi suli atugaavoq. Kujataani Nanortalimmi aasakkut suli kippartoqartarpoq, ukiumullu peqqumaatissanik katersinermi ileqqutoqqatigut periaaserineqartartut atugaallutik.
Kingulissatsinnulli pigitiinnarneqarnissaannik iliuuseqartoqanngippat ileqqutoqqat atorlugit pini-artut kulturiannik ilisimasavut nungutitaanissaminnut ulroianartorsiortinneqarput.
Taamaattumik ileqqutoqqat malillugit piniarnermi periaaserineqartartut suli atugaatillugit, utoq-qartattaluunniit eqqaamasaaniitillugit, oqaatsit assilissallu atorlugit (atuakkatigut, filmitigut alla-tigulluunniit) periaaserineqartut taakku allaaserisariaqarpagut. Piniarnermi periaaserineqartuinnaat eqqarsaatiginagit, aammali amernik assigisaannillu passussisarnermi periaaserineqartut ilan-ngullugit. Allatut oqaatigalugu piniartutut kulturitoqaq tamarmi pineqarpoq.
Nunat Avannarliit Killiit Siunnersuisoqatigiiffiat piniarneq pillugu nunani Atlantikup avannarpasissuaniittumi ingerlaartumik saqqummersitsinermik suliniuteqarsinnaavoq. Atortussat saqqummersitsinermi atugassatut katersat aallaavissaqqil-luarput uppernarsaasersuinermut ingerlatamut taamaattumut aallaavigissallugit.
Nunat Avannarliit Killiit inuiaqatigiivinut annaasaqaataassaaq, kulturikkut kingornutatta ilaa taama pingaaruteqartigisoq kingulissatsinnut kingornutassiissutigineqarnerani nunguinnassappat.
Nuuk, 12. september 2001
Hjálmar Àrnason
Siunnersuisoqatigiffiup siulittaasua
Ernst S. Olsen
Siunnersuisoqatigiiffiup allattaa
UKA 2002/101
ilanngussaq
Aalajangigaq nr. 1/2001
Nunat Avannarliit Killiit Siunnersuisoqatigiiffiata siulittaasoqarfiup siunnersuutaa una aalajangikkatut akuerisimavaat, 14-it akueralugu taaseqataaffigalugu, akerliusoqarani, ataaseq taaseqataanani najuutinngitsoqaranilu.
Nunat Avannarliit Killiit Siunnersuisoqatigiiffiata Savalimmiut Naalakkersuisuinut, Kalaallit Nunaanni Naalakkersuisunut Islandimilu Naalakkersuisunut inassutigaa Nunat Avannarliit Killiit piniarnikkut ileqqutoqaasa uppernarsaasersorneqarnissaat sulissutigeqqullugu, taamaalillutik tamatumunnga tunngasunik ilisimasat kingulissanit pigiinnarneqarsinnaaqqullugit.
Nassuiaat
Piniarneq Nunat Avannarliit Killiit innuttaasa inuuniarnermikkut tunngavigisassa ilagiuaannarsimavaat. Taamaattumik Nunat Avannarliit Killiit piniarnikkut ileqqutoqaat kultturitta ilagaat. Kulturikkulli pisartut suulluunniit allat assigalugit Nunat Avannarliit Killiit piniarnikkut ileqqutoqaat oqaluttuarisaanermi nikerarnernit sunniivigineqanngitsoorsimanngillat. Teknologiikkut ineriartorneq sunniuteqarsimavoq. Naalikkat nuffillu aallaasinit taarserneqarsimapput, umiatsiaaqqat aquuteralallit qajaq umiarlu taarsersimavaat, qamuteralaallu najukkani arlalippassuarni qamutinik qimminik qimuttulinnik taarsiisimallutik.
Najukkani ataasiakkaani ileqqutoqqat malillugit suli piniarniartoqartarpoq. Avanersuarmi Qaa-naami eqqaanilu qajaq qilalulkkanik qernertarniarnermi suli atugaavoq. Kujataani Nanortalimmi aasakkut suli kippartoqartarpoq, ukiumullu peqqumaatissanik katersinermi ileqqutoqqatigut periaaserineqartartut atugaallutik.
Kingulissatsinnulli pigitiinnarneqarnissaannik iliuuseqartoqanngippat ileqqutoqqat atorlugit pini-artut kulturiannik ilisimasavut nungutitaanissaminnut ulroianartorsiortinneqarput.
Taamaattumik ileqqutoqqat malillugit piniarnermi periaaserineqartartut suli atugaatillugit, utoq-qartattaluunniit eqqaamasaaniitillugit, oqaatsit assilissallu atorlugit (atuakkatigut, filmitigut alla-tigulluunniit) periaaserineqartut taakku allaaserisariaqarpagut. Piniarnermi periaaserineqartuinnaat eqqarsaatiginagit, aammali amernik assigisaannillu passussisarnermi periaaserineqartut ilan-ngullugit. Allatut oqaatigalugu piniartutut kulturitoqaq tamarmi pineqarpoq.
Nunat Avannarliit Killiit Siunnersuisoqatigiiffiat piniarneq pillugu nunani Atlantikup avannarpasissuaniittumi ingerlaartumik saqqummersitsinermik suliniuteqarsinnaavoq. Atortussat saqqummersitsinermi atugassatut katersat aallaavissaqqil-luarput uppernarsaasersuinermut ingerlatamut taamaattumut aallaavigissallugit.
Nunat Avannarliit Killiit inuiaqatigiivinut annaasaqaataassaaq, kulturikkut kingornutatta ilaa taama pingaaruteqartigisoq kingulissatsinnut kingornutassiissutigineqarnerani nunguinnassappat.
Nuuk, 12. september 2001
Hjálmar Àrnason
Siunnersuisoqatigiffiup siulittaasua
Ernst S. Olsen
Siunnersuisoqatigiiffiup allattaa