Naalakkersuisut
Inatsisit
Inatsisartut Ombudsmandiat
KL
DA
EN
Aaqqissuussaaneq
Ataatsimiinnerit
Ataatsimiititaliat
Allagaatit
Inatsisartut pillugit
Ataatsimiinnernut takussutissiaq
2023-imi Upernaakkut Ataatsimiinneq
Ullut ataatsimiiffissat, ullormut oqaluuserisassat aamma ullormut nassuiaatit
empty
Ullormut oqaluuserisassat
>> Inatsisartut ataatsimiittarfiannit toqqaannartumik <<
Ullut ataatsimiiffiusut qulingat, sisamanngorneq 4. maj 2023, nal. 11:00
Punkt: 2
Ullormut oqaluuserisassanut nassuiaat.
Inatsisartut Siulittaasoqarfiat
Punkt: 82
Siull. 8/11-2022
Aappass. 4/5
Akuerineqarpoq
Nammineq kissaatiginngisaminnik meerartaarsinnaanngitsut Qallunaat Nunaanni IVF aamma ICSI-mik ikiorserneqarsinnaanngorlugit angalanermullu, najugaqarnermut, misissortinnermut aammalu ikiorserneqarnermut aningaasartuutit peqqinnissaqarfimmiit akilerneqartarnissaannik neqerooruteqartoqartalernissaa pillugu Naalakkersuisut peqquneqarnissaanik Inatsisartunut aalajangiiffigisassatut siunnersuut. Tamatumani siunertaralugu nammineq kissaatiginngisamik meerartaarsinnaanngitsut ilaqutariinnut inuiaqatigiinnullu iluaqutaasussamik nuannaarutaasussamillu meerartaarsinnaanngornissaat.
Inatsisartunut ilaasortaq Anna Wangenheim, Demokraatit
Punkt: 83
Siull. 17/11-2022
Aappass. 4/5
Akuerineqarpoq
Innuttaasut tarnimikkut napparsimasut innuttaasut akornanni inooqataaqqilertarnerannut annertusaanissaq anguniarlugu tarnikkut nappaatilinnut immikkoortortaqarfik aammalu pinerluttunik isumaginnittoqarfimmi sulisut ilinniakkamik qaffassaqqiffigisinnaasaannik immikkut suliaqarnissaq siunertaralugu Naalakkersuisut sukkanerpaamik Rigsmyndighed-mut attaveqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit
Punkt: 84
Siull. 8/11-2022
Aappass. 4/5
Itigartinneqarpoq
Kalaallit Nunaanni Danmarkimilu ilinniartoqarfiit peqqinnissamut tunngassutillit akunnerminni suleqatigiinnissamut isumaqatigiissusiornissaannut suliniuteqartoqassagaluarpat pitsaaqutit iluaqutissallu misissornissaannut suleqatigiissitamik pilersitsinissamut Naalakkersuisut peqquneqarnissaanik Inatsisartut aalajangiiffigisassaattut siunnersuut. Suleqatigiinnissamut isumaqatigiissut sumiiffinni nittartagaq aqqutigalugu ilinniakkanik qaffassarnerit pikkorissarnerillu atorneqarsinnaaneri qulakkiissavaat. Tamanna inuiaqatigiinni sumiiffiit ilaanni isumaginninnikkut peqqinnissatigullu immikkut ilisimasalinnik pisariaqartitsinermut naaperiaataassaaq. Suleqatigiissitap suliani UKA 2023-mi naammassisimassavaa.
Inatsisartunut ilaasortaq Anna Wangenheim, Demokraatit
Punkt: 87
Siull. 9/11-2022
Aappass. 4/5
Akuerineqarpoq
Takornariaqarneq aallaavigalugu ilinniarfiusinnaasumik Ilulissani ilinniartoqarfimmik pilersitsinissamut aalajangiisoqarsinnaanissaanut tunngavissanik Naalakkersuisut misissuinissaat pillugu Inatsisartut aalajangiiffigisassaattut siunnersuut. Ilinniartoqarfik minnerpaamik serviceøkonom, Arktisk Turistguide aamma Adventure Guide ilinniakkatut pigissavai. Misissuineq kingusinnerpaamik UKA 2023-mi Inatsisartunut tunniunneqassaaq.
Inatsisartunut ilaasortaq Nivi Olsen, Demokraatit
Punkt: 61
Siull. 4/5
Aappass. UKA2023-mut kinguartinneqarpoq
Inuussutissarsiornermut Aatsitassanullu Ataatsimiititaliamut innersuunneqarpoq
Kalaallit Nunaannut suliffissarsiortarneq pillugu Inatsisartut inatsisaata allanngortinneqarnera pillugu Inatsisartut inatsisaattut siunnersuummik saqqummiussinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Inatsisissatut siunnersuut nunatsinnut nuuttut kalaallit kulturiannik, oqaasiinik naleqartitaannillu ilinniarnissamut piumasaqaatitalimmik periarfissinneqarnissaannik aalajangersaassaaq. Inatsisissatut siunnersuut kingusinnerpaamik UKA2024-mi Inatsisartunut saqqummiunneqassaaq. Inatsisissamik piareersaasiorluni suliaqarnerup peqatigisaanik, Kalaallit Nunaanni inuiaqatigiinnut akuusitsilersitsinissamik inatsimmik atulersitsinissaq pillugu Naalagaaffeqatigiinni oqartussaasunut Naalakkersuisut saaffiginnissuteqassapput.
Inatsisartunut ilaasortaq Agathe Fontain, Inuit Ataqatigiit
Punkt: 103
Siull. 4/5
Aappass. UKA2023-mut kinguartinneqarpoq
Ilaqutariinnermut Peqqissutsimullu Ataatsimiititaliamut innersuunneqarpoq
Kommuunit oqaloqateqatigalugit inuit napparsimanermik pissuteqartumik suliffissarsiortut ikiorsiissutinik qinnuteqartut qanoq pitsaanerpaamik aalajangiinissap tungaanut aningaasartuutiminnik akissaqarnissaannut sullinneqarnissaannik qulakkeerinninnissamut Naalakkersuisut peqquneqarnissaannik Inatsisartut aalajangiiffisissaattut siunnersuut.
Inatsisartunut Ilaasortaq Doris J. Jensen, Siumut
Punkt: 130
Siull. 4/5
Aappass. 25/5
Akuerineqarpoq
Naalakkersuisut innuttaasut nunaqarfinni isorliunerusunilu najugaqartut nammineer¬lu¬tik illuliornissamut taarsigassarsisinnaanissaminnut periarfissaat pitsanngorsarumal¬lugu kiisalu nammineerlutik illuliornissamut taarsigassarsinissamut periarfissaannik ammaasseqqinniarlugit suliaqarnissaannut peqquneqarnissaannik siunnersuut. Suliaq naammassineqariissaaaq UPA 2024-mut.
Inatsisartuni ilaasortaq Jens NapãtôK´
Ujaruk:
↑