Nutaarsiassat

06-04-2004

Mikael Petersen Inatsisartunit tunuarpoq

Mikael Petersen nunatsinni Inatsisartunit tunuarniuteqarluni qinnutigisaminik nassiussivoq. Inatsisartut Siulittaasoqarfiata ulloq 6. april 2004-mi ataatsimiinnermini tunuarniuteqarneq oqaluuseraa.

Inatsisartut katersuullutik ataatsimiinnerisa avataatigut Inatsisartunut ilaasortaq Inatsisartunit tunuarniuteqarpat qinnutigisaq akuerineqarsinnaanersoq Inatsisartut Siulittaasoqarfiata Inatsisartut sinnerlugit aalajangertarpaa, tak. Inatsisartut Suleriaasianni § 55, imm.1.

Mikael Petersen 2003-mi decemberimiit napparsimasutut sulinngiffeqarsimavoq tassungalu atatillugu sinniisussamik, Inatsisartuni sulinermik isumaginnittussamik, aggersaasoqarsimavoq.

Mikael Petersenip Inatsisartunit tunuarniuteqarnera akueralugu Siulittaasoqarfik aalajangerpoq.

Tamatuma malitsigisaatut Siumumi sinniisussaq siulleq Inatsisartut upernaakkut ataatsimiilerneranni inatsisartunut ilaasortatut atuutilernissaq siunertaralugu aggersarneqarumaarpoq.